اسلام آباد پولیس کی ‘اسلحہ سے پاک اسلام آباد’ مہم جاری، 138 ملزمان گرفتاری
اشاعت کی تاریخ: 29th, November 2025 GMT
اسلام آباد پولیس کی جانب سے شہر میں ‘اسلحہ سے پاک اسلام آباد’ مہم جاری ہے۔
ترجمان پولیس کے مطابق رواں ماہ نومبر کے دوران غیر قانونی اسلحہ رکھنے میں ملوث 138 ملزمان کو گرفتار کیا گیا اور 136 مقدمات درج کیے گئے۔ ملزمان کے قبضے سے مختلف بور کے 114 پستول اور 5 گنیں برآمد کی گئیں، جبکہ 10 کلاشنکوف، 5 رائفلیں بمعہ ایمونیشن اور 13 خنجر بھی برآمد ہوئے۔
یہ بھی پڑھیے: اسلام آباد میں مسلح ڈاکوؤں کی پولیس پر فائرنگ، 3 گرفتار، اسلحہ برآمد
ڈی آئی جی اسلام آباد محمد جواد طارق کے مطابق، غیر قانونی اسلحہ کے خلاف متعدد ٹارگیٹڈ آپریشنز کیے گئے اور خصوصی پولیس ٹیمیں اسلحہ سمگلنگ کے نیٹ ورک میں ملوث ڈیلرز کے خلاف کارروائیاں جاری رکھے ہوئے ہیں۔
انہوں نے مزید کہا کہ اسلام آباد پولیس شہریوں کے تحفظ کے لیے ہمہ وقت مصروف عمل ہے اور اسلحہ کی نمائش اور غیر قانونی اسلحہ کے خلاف زیرو ٹالرنس پالیسی اپنائی گئی ہے۔
لائسنس یافتہ اسلحہ رکھنے والے شہریوں سے درخواست کی گئی ہے کہ وہ اپنے اسلحہ کو فوری طور پر متعلقہ تھانوں میں رجسٹر کرائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس اسلحہ گرفتاری.
ذریعہ
ذریعہ: WE News
کلیدی لفظ: اسلام ا باد پولیس گرفتاری اسلام آباد
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار