پاکستان اور افغان طالبان کے درمیان مذاکرات کا اختتامی مرحلہ مکمل، پاکستان نے ’ریڈ لائنز‘ واضح کر دیں
اشاعت کی تاریخ: 18th, October 2025 GMT
— پاکستان اور افغان طالبان کے درمیان دوحا میں جاری مذاکرات کااختتامی مرحلہ بھی مکمل کر لیا گیا ہے۔ سفارتی ذرائع کے مطابق بات چیت کا ماحول سنجیدہ مگر نازک نوعیت کا تھا، اور دونوں جانب سے سیکیورٹی تحفظات کو کھل کر بیان کیا گیا۔
پاکستانی وفد کی قیادت وفاقی وزیر دفاع خواجہ آصف کر رہے ہیں، جب کہ ان کے ہمراہ اعلیٰ سطحی سیکیورٹی اور انٹیلیجنس حکام بھی مذاکرات میں شریک تھے۔ افغان طالبان کی جانب سےوزیر دفاع ملا یعقوب وفد کی سربراہی کر رہے ہیں۔
ریڈ لائنز واضح: پاکستان کا دوٹوک پیغام
سفارتی ذرائع کے مطابق پاکستان نے افغان وفد کے سامنےدوٹوک انداز میں اپنی ریڈ لائنز رکھ دیں۔ سب سے اہم نکتہ یہ تھا کہ افغان سرزمین پر کالعدم دہشتگرد گروہوں — خصوصاً ٹی ٹی پی (تحریکِ طالبان پاکستان) — کی موجودگی کو پاکستان کسی صورت قبول نہیں کرے گا۔
پاکستانی وفد نے زور دیا کہ افغانستان کی سرزمین سے پاکستان میں کی جانے والی دہشتگردی، سرحد پار دراندازی اور سیکیورٹی اہلکاروں پر حملے ناقابلِ برداشت ہیں، اور اگر آئندہ ایسے کسی حملے کی کوشش کی گئی تو پاکستان اسی شدت اور انداز میں جواب دے گا۔
یک نکاتی ایجنڈا: سرحد پار دراندازی کی روک تھام
پاکستانی وفد نے اس بات پر بھی زور دیا کہ موجودہ مذاکرات کا بنیادی مقصدسرحد پار دراندازی کی روک تھام ہے، تاکہ خطے میں پائیدار امن قائم ہو سکے۔ افغان حکومت سے کہا گیا کہ وہ اپنی ذمہ داری ادا کرتے ہوئے اپنی سرزمین کو دہشتگرد عناصر کے لیے محفوظ پناہ گاہ نہ بننے دے۔
مذاکرات کی پیش رفت اور مستقبل کی حکمت عملی
ذرائع کے مطابق، فریقین کے درمیان ابتدائی طور پر ایک ہفتے بعد مذاکرات کا اگلا دور منعقد کرنے کا فیصلہ کیا گیا تھا، تاہم موقع کی حساسیت اور حالات کی نزاکت کو دیکھتے ہوئے دونوں فریقین نے فیصلہ کیا ہے کہ مزید بات چیت کل ہی دوبارہ ہو گی، تاکہ باقی نکات پر بھی مفاہمت ہو سکے۔
پس منظر: کشیدہ سرحدی صورتحال
یہ مذاکرات ایک ایسے وقت میں ہو رہے ہیں جب پاکستان اور افغانستان کے درمیان سرحدی کشیدگی بڑھتی جا رہی ہے۔ حالیہ مہینوں میں خیبرپختونخوا اور بلوچستان کے مختلف علاقوں میں ٹی ٹی پی کی کارروائیوں میں تیزی آئی ہے، جن میں درجنوں سیکیورٹی اہلکار شہید ہو چکے ہیں۔ پاکستان کا مؤقف ہے کہ ان حملوں کی منصوبہ بندی اور معاونت افغانستان میں موجود عناصر کی جانب سے کی جاتی ہے۔
اقوام متحدہ اور بین الاقوامی دباؤ
یہ بھی قابلِ ذکر ہے کہ عالمی برادری، خصوصاً چین، قطر اور اقوام متحدہ، ان مذاکرات پر گہری نظر رکھے ہوئے ہیں۔ خطے میں دہشتگردی کے خلاف اجتماعی کوششوں اورافغانستان میں عبوری حکومت کی بین الاقوامی تنہائی کو ختم کرنے کے لیے، ایسے مذاکرات کو ایک اہم موقع تصور کیا جا رہا ہے۔
آئندہ کا لائحہ عمل
ذرائع کا کہنا ہے کہ آئندہ مذاکرات میں سرحدی میکانزم، انٹیلیجنس شیئرنگ، مہاجرین کی واپسی اور دیگر سیکیورٹی امور پر تفصیلی بات چیت کی جائے گی۔ فریقین کی کوشش ہے کہ سفارتی چینل کو فعال رکھا جائے تاکہ خطے میں امن قائم کیا جا سکے۔
ذریعہ
ذریعہ: Daily Mumtaz
کلیدی لفظ: مذاکرات کا کے درمیان
پڑھیں:
آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع
سٹی 42:فری لانسرز اور آئی ٹی سے وابستہ افراد کے لیے بڑی خوشخبری آگئی آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔
مختلف علاقوں میں سوشل میڈیا اور آن لائن سروسز جزوی طور پر بحال ہوگئی ۔۔چیئرمین پیپلزپارٹی بلاول بھٹو نے انٹرنیٹ سروس بحال کرنے کا مطالبہ کیا تھا شہریوں نے حکومت سے مستقبل میں بلا تعطل سروس کی فراہمی کا مطالبہ کیا تھا ۔
میرپور اور گردونواح میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔مختلف علاقوں میں سوشل میڈیا اور آن لائن سروسز جزوی طور پر بحال ہو رہی ہیں ۔ کاروباری طبقے نے انٹرنیٹ بحالی کے فیصلے کا خیرمقدم کیا ۔ طلبہ کو آن لائن تعلیم اور اسائنمنٹس میں دوبارہ سہولت میسر مل گئی ۔
فری لانسرز اور آئی ٹی سے وابستہ افراد کے لیے بڑی خوشخبری آگئی ۔شہریوں کا کہنا ہے کہ انٹرنیٹ بندش سے معمولات زندگی شدید متاثر ہوئے،بینکنگ، ای کامرس اور آن لائن ٹرانزیکشنز بھی متاثر رہی تھیں۔بحالی کے بعد کاروباری سرگرمیوں میں تیزی آنے کا امکان ہے ۔ بعض علاقوں میں انٹرنیٹ کی رفتار تاحال سست، مکمل بحالی کا انتظار کیا جارہاہے ۔ انتظامیہ کے مطابق جلد تمام علاقوں میں مکمل سروس بحال کر دی جائے گی۔
شہریوں نے حکومت سے مستقبل میں بلا تعطل سروس کی فراہمی کا مطالبہ کردیا ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار