حیدر آباد ، نہروں کی صفائی کی مد میں اربوں روپے کی کرپشن کا انکشاف
اشاعت کی تاریخ: 19th, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) محکمہ آبپاشی کے سول ڈپارٹمنٹ میں ہر سال نہروں، شاخوں، بیراجوں کی صفائی اور گیٹوں کی مرمت کی مد میں اربوں روپے کی کرپشن کا انکشاف ہوا ہے، نیب اور اعلیٰ حکام سے تحقیقات کا مطالبہ۔ اس حوالے سے فیڈرل ڈویژن ایریشن کوٹری بیراج ایمپلائز یونین کے مرکزی جنرل سیکرٹری محمد اشرف کولاچی نے حیدرآباد پریس کلب میں قاضی رفیق اور رضا محمد شورو کے ہمراہ پریس کانفرنس کرتے ہوئے انکشاف کیا کہ سندھ حکومت کے محکمہ آبپاشی کے سول ڈپارٹمنٹ میں ہر سال اربوں روپے کی کرپشن کی جارہی ہے لیکن کوئی بھی اس کی تاب نہیں لاتا۔ انہوں نے کہا کہ محکمہ آبپاشی کے سول ڈپارٹمنٹ کی جانب سے نہروں، شاخوں اور بیراجوں کی صفائی کے لیے ہر سال اربوں روپے کا بجٹ مختص کیا جاتا ہے جس سے عوام اور محکمہ زراعت کو کوئی فائدہ نہیں ہوتا۔ انہوں نے کہا کہ حکومت کے طے شدہ اصول کے مطابق نہروں، شاخوں اور بیراجوں کی صفائی کا 70 فیصد کام سرکاری مشینری اور سرکاری لیبر کرے گی لیکن گزشتہ 5 سال سے سرکاری مشینری اور لیبر استعمال نہیں کی گئی اور یہ کام مبینہ طور پر اعلیٰ افسران کی رجسٹرڈ پرائیویٹ کمپنیوں کے ذریعے کیا جا رہا ہے اور کرپشن کی جا رہی ہے۔ جس کی وجہ سے اربوں روپے کی سرکاری مشینری تباہ ہو رہی ہے جس سے سندھ کے بجٹ کو بھاری نقصان ہو رہا ہے۔ انہوں نے کہا کہ نہروں، شاخوں اور بیراجوں کی مرمت نہ ہونے اور گیٹوں کی مرمت نہ ہونے کی وجہ سے کھیتوں میں پانی نہیں پہنچتا جس سے زراعت کو بھاری نقصان ہو رہا ہے۔ انہوں نے الزام لگایا کہ سیکرٹری آبپاشی سے لے کر اعلیٰ حکام مذکورہ کرپشن میں ملوث ہیں۔ انہوں نے نیب سمیت اعلیٰ حکام سے اپیل کی کہ محکمہ آبپاشی کے سول ڈپارٹمنٹ میں ہونے والی کرپشن کا نوٹس لے کر سندھ کی زراعت کو بچایا ۔
ذریعہ
ذریعہ: Jasarat News
کلیدی لفظ: اربوں روپے کی بیراجوں کی انہوں نے کی صفائی
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار