مولانا فضل الرحمٰن، راجہ محمد ظفر الحق ملاقات، مفاہمت وقومی وحدت پر گفتگو
اشاعت کی تاریخ: 3rd, December 2025 GMT
اسلام آباد(طارق سمیر) جمعیت علمائے اسلام (ف) کے سربراہ مولانا فضل الرحمٰن نےسیکرٹری جنرل موتمر العالم الاسلامی سینیٹر راجہ محمد ظفر الحق، نشان امتیاز، کی رہائشگاہ پر تفصیلی ملاقات کی۔ ملاقات میں سینیٹر راجہ محمد ظفرالحق کے فرزند راجہ محمد علی، ایڈووکیٹ ہائی کورٹ، اسسٹنٹ سیکرٹری جنرل موتمر العالم الاسلامی، نائب صدر مسلم لیگ (ن) پنجاب اور سابق مشیر وزیرِ اعلیٰ پنجاب و سابق ممبر صوبائی اسمبلی پنجاب بھی موجود تھے۔ ملاقات کے عالمِ اسلام کو درپیش مسائل، خطے کی سیاسی صورتحال اور پاکستان میں جمہوری استحکام کے امور پر تفصیلی گفتگو ہوئی۔ فریقین نے اس بات پر زور دیا کہ پاکستان کو درپیش چیلنجز کے حل کے لیے باہمی رابطوں، مفاہمت اور قومی وحدت کی ضرورت پہلے سے کہیں زیادہ بڑھ چکی ہے۔ مولانا فضل الرحمٰن نے راجہ محمد ظفر الحق کی دینی، سیاسی اور سفارتی خدمات کو سراہتے ہوئے ان کی قومی و عالمی سطح پر نمایاں کردار کی تعریف کی۔ اس موقع پر راجہ محمد ظفر الحق اور راجہ محمد علی نے بھی مولانا فضل الرحمٰن کی قومی سیاسی جدوجہد اور خدمات کو خراجِ تحسین پیش کیا۔
.ذریعہ: Daily Mumtaz
کلیدی لفظ: مولانا فضل الرحم ن راجہ محمد ظفر الحق
پڑھیں:
چیف آف ڈیفنس فورسز، انڈونیشیا کے صدر سے ملاقات، دفاعی تعلقات گفتگو
راولپنڈی (نیوزڈیسک) پاکستان انڈونیشیا کے ساتھ اپنے دیرینہ تعلقات کو قدر کی نگاہ سے دیکھتا ہے،فیلڈ مارشل سید عاصم منیر
آرمی چیف اور چیف آف ڈیفنس فورسز فیلڈ مارشل سید عاصم منیر کی انڈونیشیا کے صدر پرابووو سبیانتو سے ملاقات میں خطے کی سیکیورٹی اور دوطرفہ دفاعی تعلقات پر تبادلہ خیال کیا گیا۔ دونوں رہنماؤں نے پاک انڈونیشیا مسلح افواج کے درمیان مضبوط دفاعی تعلقات کو مزید مستحکم بنانے کے عزم کا اظہار کیا۔
آئی ایس پی آر کے مطابق اسلام آباد میں ہونے والی ملاقات میں دوطرفہ دلچسپی کے امور، خطے کی سیکیورٹی اور دفاعی تعاون کے فروغ پر تبادلہ خیال کیا گیا۔
انڈونیشیا کے صدر نے پاکستان کی مسلح افواج کی پیشہ ورانہ مہارت کو سراہا اور کہا کہ پاکستان خطے میں امن و استحکام کے فروغ میں اہم کردار ادا کر رہا ہے۔
چیف آف ڈیفنس فورسز فیلڈ مارشل عاصم منیر نے کہا کہ پاکستان انڈونیشیا کے ساتھ دیرینہ دفاعی تعلقات کو قدر کی نگاہ سے دیکھتا ہے اور تربیت، انسداد دہشت گردی اور کیپیسٹی بلڈنگ کے شعبوں میں تعاون کو مزید بڑھانے کے لیے پرعزم ہے۔
فیملی یا وکلا نے بانی سے ملاقات کے بعد سیاسی بات کی تو ملنے پر پابندی لگادی جائے گی، فیصل واوڈا