سمندر میں نیا فیشن شو! قاتل وہیلز کے سر پر سالمن مچھلی کا تاج، حیرت انگیز انکشاف
اشاعت کی تاریخ: 20th, October 2025 GMT
امریکہ کے گہرے سمندر میں ایک دلچسپ اور حیرت انگیز منظر دوبارہ دیکھنے کو ملا ہے، جہاں قاتل وہیلز یعنی اورکاز اپنے سر پر مردہ سالمن مچھلی رکھے تیر رہی ہیں—ایک ایسا منفرد انداز جو گزشتہ 37 سال بعد پھر سے سامنے آیا ہے۔
اورکا، جو کہ قاتل وہیل کے نام سے جانا جاتا ہے، ایک ایسا سمندری جانور ہے جس نے سائنسدانوں کے ذہنوں کو برسوں سے الجھا رکھا ہے۔ ان کے رویے اور عادات پر تحقیق کے باوجود بھی کئی سوالات اب تک جواب طلب ہیں، خاص طور پر یہ کہ وہ سفید شارک کو کیوں شکار کرنے لگے ہیں۔
نیشنل جیوگرافک کی رپورٹ کے مطابق، واشنگٹن کے پانیوں میں ایک بار پھر اورکاز نے اپنے سروں پر مردہ سالمن مچھلی کو اس انداز سے رکھا ہوا ہے جیسے وہ کوئی فیشن ایبل ٹوپی پہنے ہوں۔ اس رجحان کو “سالمن ہیٹ” کا نام دیا گیا ہے، اور پہلی بار یہ 1980 کی دہائی میں دیکھا گیا تھا۔
1987 میں شمال مشرقی بحر الکاہل میں ایک مادہ اورکا کو مردہ سالمن مچھلی ناک پر رکھے ہوئے دیکھا گیا تھا، جس کے بعد یہ فیشن مختلف گروپوں میں پھیل گیا، جنہیں “کے پوڈ”، “جے پوڈ” اور “ایل پوڈ” کہا جاتا ہے۔ یہ تینوں گروپس خاص طور پر سالمن مچھلی کھاتے ہیں۔
لیکن گزشتہ برسوں میں یہ منفرد رویہ ناپید ہو چکا تھا، یہاں تک کہ اکتوبر 2024 میں فوٹوگرافر جم پاسولا نے ایک نایاب لمحہ قید کیا، جب جے27 بلیک بیری نامی ایک اورکا اپنے سر پر چمکتی ہوئی سالمن مچھلی رکھے ہوئے دیکھا گیا۔
اب سوال یہ ہے کہ تقریباً 37 سال بعد قاتل وہیلز ایسا کیوں کر رہی ہیں؟ اس کا جواب سائنسدانوں کے پاس ابھی تک نہیں ہے۔
یونیورسٹی آف واشنگٹن کی سمندری حیاتیات کی محقق، ڈیبرا جائلز، کا کہنا ہے کہ اورکاز نہایت ذہین مخلوق ہیں اور ان کا دماغ جذبات، یادداشت اور سماجی رابطے کے لحاظ سے انسانوں سے بھی زیادہ پیچیدہ ہے۔ وہیلز کے اس رویے کے بارے میں محققین کا خیال ہے کہ شاید یہ کھیل ہو، سماجی تعلقات کا اظہار ہو، یا پھر مخالف جنس کو متاثر کرنے کا طریقہ۔
ایک اور امکان یہ بھی ہے کہ قاتل وہیلز اپنی خوراک کو محفوظ کرنے کے لیے یہ کر رہی ہوں، کیونکہ اکثر یہ اضافی مچھلیوں کو اپنے فِنز میں ذخیرہ کرتی ہیں۔ شاید سر پر مچھلی رکھنا بھی اسی سلسلے کی ایک شکل ہو۔
یہ بھی ہو سکتا ہے کہ یہ “ٹوپیاں” قاتل وہیلز کے گروپس میں کوئی خاص اہمیت رکھتی ہوں یا یہ بس سمندری جانوروں کا کوئی منفرد کھیل ہو۔
ذریعہ: Daily Mumtaz
کلیدی لفظ: سالمن مچھلی
پڑھیں:
نیتا امبانی کا ہیروں سے جڑا بیگ، قیمت جان کر ہر کوئی دنگ رہ جائے
بھارت کی امیر ترین شخصیت مکیش امبانی کی اہلیہ نیتا امبانی حال ہی میں مشہور فیشن ڈیزائنر منیش ملہوترا کی دیوالی تقریب میں جلوہ گر ہوئیں، جہاں ان کے ہاتھ میں ایک ایسا قیمتی ہرمیس بیگ تھا جس نے سب کی نظریں اپنی طرف کھینچ لیں۔
بھارتی میڈیا کے مطابق یہ خاص بیگ 3,025 قدرتی ہیرے سے جڑا ہوا ہے، جن کا مجموعی وزن 111.09 قیراط بنتا ہے۔ اس شاہکار کو فرانسیسی ڈیزائنر پیئر ہارڈی نے تخلیق کیا ہے، جو ہرمیس کے فائن جیولری ڈویژن کے سربراہ ہیں۔
سب سے دلچسپ بات یہ ہے کہ یہ بیگ عام ہینڈ بیگ کی شکل میں نہیں بلکہ ایک بریسلٹ کی طرح بنایا گیا ہے۔ اس کی ٹاپ فلیپ مگرمچھ کی کھال سے مزین ہے، جبکہ ہینڈلز اور تالا بھی قیمتی ہیروں سے جڑے ہوئے ہیں۔ اس منفرد ڈیزائن کی بدولت یہ بیگ دنیا کے خوبصورت ترین ہینڈ بیگز میں شمار ہوتا ہے۔
قیمت کی بات کریں تو اس قیمتی بیگ کی مالیت تقریباً 20 لاکھ امریکی ڈالر یعنی پاکستانی روپے میں 17 کروڑ 73 لاکھ سے زائد بتائی گئی ہے۔
یہ رنگا رنگ تقریب 12 اکتوبر کو ممبئی میں منیش ملہوترا کے گھر منعقد ہوئی، جس میں فلم اور کاروباری دنیا کی نامور شخصیات نے شرکت کی۔ نیتا امبانی کے ساتھ رادھیکا مرچنٹ اور شلوکا مہتا بھی موجود تھیں۔
یاد رہے کہ نیتا امبانی نے اس سے پہلے بھی اپنی منفرد فیشن پسند کے جوہر دکھائے ہیں، جیسے کہ ان کا 2024 میں متعارف کرایا گیا پاپ کارن بیگ، جو پیرس کے لگژری لیبل ’ونٹر فال‘ کی کلیکشن کا حصہ تھا اور جس کی قیمت تقریباً 24 لاکھ روپے بتائی گئی تھی۔
یہ تمام چیزیں نہ صرف ان کے خاص ذوق کا ثبوت ہیں بلکہ یہ بھی بتاتی ہیں کہ نیتا امبانی فیشن اور لگژری کے حوالے سے ہمیشہ سب سے آگے رہتی ہیں۔
وہاڑی، گجر اور ڈاہا برادری میں تصادم، فائرنگ سے ایک شخص جاں بحق، 7 زخمی