وفاق کو ہمارے ساتھ بیٹھ کر بات سننی چاہیے، شہرام تراکئی
اشاعت کی تاریخ: 21st, October 2025 GMT
پاکستان تحریک انصاف (پی ٹی آئی) کے رہنما شہرام خان تراکئی نے کہا ہے کہ وفاقی حکومت کو ہمارے ساتھ بیٹھ کر بات سننی چاہیے، سیلاب متاثرین کے مسئلہ پر ان کے ساتھ بیٹھنے کو بالکل تیار ہیں۔
جیو نیوز کے پروگرام کیپٹل ٹاک میں شہرام تراکئی، طارق فضل چوہدری اور ناصر حسین نے اہم ایشور پر گفتگو کی۔
وفاقی وزیر ڈاکٹر طارق فضل چوہدری نےخیبرپختونخوا میں وزیراعلیٰ کی تبدیلی کی وجہ بتادی۔
پی ٹی آئی رہنما نے کہا کہ خیبر پختونخوا دہشتگردی کیخلاف جنگ میں فرنٹ لائن پر ہے، وزیراعلیٰ سہیل آفریدی کو بتایا گیا کہ گاڑیوں میں خرابی ہے۔
انہوں نے کہا کہ سہیل آفریدی اپنے لیڈر سے ملنے گئے کیوں نہیں ملنے دیا گیا، وزیراعلیٰ نے بانی چیئرمین سے صوبائی کابینہ پر مشاورت کرنی ہے۔
پاکستان پیپلز پارٹی (پی پی پی) نے محمود اچکزئی کو نیا اپوزیشن لیڈر بنانے کی حمایت کردی۔
شہرام تراکئی نے مزید کہا کہ سہیل آفریدی ینگ ہیں اور سنجیدہ سیاستدان کی طرح پیش آرہے ہیں، گاڑیوں میں کمی کا بتایا تو چاہیے تھا وہ کمی دور کی جاتی۔
اُن کا کہنا تھا کہ وفاقی حکومت کو ماحول بہتر کرنے کے لیے ایک قدم آگے آنا چاہیے، سہیل آفریدی کے آنے سے پہلے ہی تاثر بنایا گیا کہ وہ لڑیں گے۔
پی ٹی آئی رہنما نے یہ بھی کہا کہ وزیراعلیٰ کا واضح پیغام تھا کہ ہمارے لیے سب سے پہلے پاکستان ہے، سہیل آفریدی ینگ ہیں لیکن اب وہ ہمارے صوبے کے بڑے ہیں۔
انہوں نے کہا کہ حالات یہ ہیں کہ وزیراعظم اڈیالہ جیل سپرنٹنڈنٹ سے بھی زیادہ کمزور ہیں، بتایا جائے ہم خود کہاں کھڑے ہیں، ملک میں یہ کونسی جمہوریت اور سیاست ہے؟
.ذریعہ: Jang News
کلیدی لفظ: سہیل ا فریدی کہا کہ نے کہا
پڑھیں:
سہیل آفریدی بزدار طرز کے وزیراعلیٰ، کے پی میں دہشتگردی کے خلاف آپریشن نہیں رکےگا، طلال چوہدری
وفاقی وزیر مملکت برائے داخلہ طلال چوہدری نے کہا ہے کہ سہیل آفریدی بزدار طرز کے وزیراعلیٰ ہیں، ابھی تک عوامی مفاد کا کوئی منصوبہ وہ پیش نہیں کر سکے، اصل میں ان کو کسی اور مقصد کے لیے لایا گیا ہے۔
اسلام آباد میں میڈیا سے گفتگو کرتے ہوئے انہوں نے کہاکہ وزیراعلیٰ بدلنے سے دہشتگردی کے خلاف آپریشن نہیں رکے گا۔ ’وزیراعلیٰ بدل بدل کر تھک جاؤ گے لیکن دہشتگردی کے خلاف آپریشن جاری رہےگا۔‘
یہ بھی پڑھیں: پاکستان کے جھنڈے کی جگہ پی ٹی آئی کا جھنڈا، نو منتخب وزیراعلیٰ سہیل آفریدی تنقید کی زد میں
انہوں نے کہاکہ وفاقی حکومت نے مالی مشکلات کے باوجود خیبرپختونخوا کو بلٹ پروف گاڑیاں دیں، لیکن سیاسی پوائنٹ اسکورنگ کرتے ہوئے یہ گاڑیاں واپس کی جارہی ہیں۔
انہوں نے کہاکہ خیبرپختونخوا کے نئے وزیراعلیٰ دہشتگردی کے خلاف جنگ میں غیرسنجیدہ نظر آتے ہیں، بلٹ پروف گاڑیاں واپس کرنے سے پولیس کا جو نقصان ہوگا اس کی ذمہ دار صوبائی حکومت ہوگی۔
طلال چوہدری نے کے پی حکومت پر تنقید کرتے ہوئے کہاکہ گاڑیاں واپس کرنے کی ایک ہی وجہ ہے کہ آپ دہشتگردی کے خلاف جنگ لڑنے میں سنجیدہ نہیں ہیں۔
وزیر مملکت داخلہ نے کہاکہ ہمارے جوان شہید ہو رہے ہیں اور آپ سیاست کرتے ہوئے آلات واپس کررہے ہیں، خیبرپختونخوا کو بلٹ پروف گاڑیاں وزیراعظم کی ہدایت پر دی گئی تھیں۔
انہوں نے کہاکہ دہشتگردی کے خلاف جنگ پورے ملک کی ہے، سیاسی قوتوں کو سیکیورٹی فورسز کے ساتھ کھڑا ہونا ہوگا۔
ایک سوال کے جواب میں طلال چوہدری نے کہاکہ افغانستان نے جب پاکستان پر حملہ کیا اسی وقت تحریک لبیک پاکستان کے لوگ بھی ملک میں گولیاں چلا رہے تھے، ملک اب فتنہ فساد کی سیاست کا متحمل نہیں ہو سکتا۔
انہوں نے کہاکہ ٹی ایل پی کے 100 اکاؤنٹس پبلک کرنے جا رہے ہیں جن میں کروڑوں کی ٹرانزیکشنز ہوئی ہیں، مذہبی جماعت پر پابندی کے لیے پنجاب کی جانب سے بھیجے گئے ریفرنس پر غور کے بعد فیصلہ کیا جائےگا۔
یہ بھی پڑھیں: سہیل آفریدی نے وزیراعلیٰ خیبرپختونخوا کا عہدہ سنبھالتے ہی پہلا نوٹس کس معاملے کا لیا؟
انہوں نے ٹی ایل پی کے سربراہ سعد رضوی پر تنقید کرتے ہوئے کہاکہ لوگوں کے بچے شہید کروا کر خود یہ بھاگ گئے۔ افسوس کہ مذہبی جماعت نے غزہ کے نام پر ملک میں فساد پھیلایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انسداد دہشتگردی آپریشن خیبرپختونخوا سہیل آفریدی طلال چوہدری وفاقی وزیر مملکت داخلہ وی نیوز
پنجاب حکومت کا انتہا پسندی میں ملوث جماعت پر پابندی کی سفارش کا فیصلہ