2025 میں روزانہ 5 لاکھ سے زائد فائلوں میں سائبر خطرات کا پتہ لگا
اشاعت کی تاریخ: 6th, December 2025 GMT
data-id="863a0a8" data-element_type="widget" data-widget_type="theme-post-content.default">
کیسپرسکی نے اپنی تازہ رپورٹ میں بتایا ہے کہ 2025 میں روزانہ اوسطاً 5 لاکھ سے زائد سائبر حملوں پر مبنی فائلیں پکڑی گئیں، جو گزشتہ سال کے مقابلے میں 7 فیصد زیادہ ہیں۔
رپورٹ میں کہا گیا ہے کہ پاسورڈ چوری کرنے والے میلویئر میں 59 فیصد، اسپائی ویئر میں 51 فیصد اور بیک ڈور حملوں میں 6 فیصد اضافہ دیکھنے میں آیا۔ مائیکروسافٹ ونڈوز صارفین سب سے زیادہ متاثر ہوئے، جہاں 48 فیصد افراد مختلف ڈیجیٹل خطرات کا شکار ہوئے، جبکہ میک صارفین میں یہ شرح 29 فیصد رہی۔
عالمی سطح پر 27 فیصد صارفین ویب بیسڈ خطرات کے، اور 33 فیصد صارفین جسمانی یا آن ڈیوائس ذرائع جیسے یو ایس بی ڈرائیوز اور سی ڈیز کے ذریعے پھیلنے والے میلویئر سے متاثر ہوئے۔ کیسپرسکی کے ہیڈ آف اینٹی مالویئر ریسرچ ولادیمیر کسکوف نے بتایا کہ موجودہ سائبر خطرات پیچیدہ اور ملٹی پلیٹ فارم نوعیت کے ہیں۔
انہوں نے بتایا کہ 2019 کی ری برانڈنگ کے بعد ایک ہیکنگ ٹیم دوبارہ سرگرم ہوئی، جس نے کمرشل اسپائی ویئر ڈانٹے فورم ٹرول اے پی ٹی مہم میں کروم اور فائر فاکس کے زیرو ڈے ایکسپلائٹس استعمال کیے۔ کسکوف نے کہا کہ ہر سال سافٹ ویئر کی کمزوریوں میں اضافہ ہو رہا ہے، اس لیے مضبوط پروٹیکشن، پیچ مینجمنٹ، انفراسٹرکچر کی نگرانی اور صارفین کی تربیت پہلے سے زیادہ ضروری ہوگئی ہے۔
کیسپرسکی نے صارفین کو خبردار کیا کہ وہ غیر معتبر ذرائع سے ایپلیکیشنز انسٹال نہ کریں، نامعلوم لنکس پر کلک سے گریز کریں اور دوہرے تحفظ (ٹو فیکٹر آتھنٹیکیشن) کا استعمال کریں۔ اداروں کے لیے مشورہ دیا گیا کہ وہ سافٹ ویئر کو اپ ٹو ڈیٹ رکھیں اور کیسپرسکی نیکسٹ جیسی ایڈوانسڈ سیکیورٹی لائن استعمال کریں تاکہ پیچیدہ حملوں سے بچا جا سکے۔
رپورٹ کے اعداد و شمار نومبر 2024 سے اکتوبر 2025 تک کے عرصے پر مشتمل ہیں اور کیسپرسکی سیکیورٹی نیٹ ورک سے حاصل کیے گئے ہیں۔
.
ذریعہ
ذریعہ: Jasarat News
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار