ایپل اور گوگل کی جانب سے صارفین کو نئے سائبر تھریٹ الرٹس جاری
اشاعت کی تاریخ: 6th, December 2025 GMT
ایپل اور گوگل نے اس ہفتے دنیا بھر میں صارفین کو سائبر حملوں کے ممکنہ خدشات سے آگاہ کرنے کے لیے ایک نئی کھیپ کے طور پر ’سائبر تھریٹ نوٹیفکیشنز‘ جاری کیے ہیں۔
دونوں کمپنیاں عرصے سے ایسے صارفین کو باقاعدگی سے خبردار کرتی رہی ہیں جن کے بارے میں شبہ ہو کہ وہ ریاستی پشت پناہی رکھنے والے ہیکرز کا نشانہ بنے ہیں۔
یہ بھی پڑھیں: ایپل اور گوگل میں 1 ارب ڈالر کا معاہدہ، کیا ’سری‘ گوگل کے جیمنی اے آئی سے چلے گا؟
ایپل کے مطابق یہ انتباہی پیغامات 2 دسمبر کو جاری کیے گئے، تاہم کمپنی نے ہیکنگ کی نوعیت، متاثرہ صارفین کی تعداد یا اس ممکنہ نگرانی کے پیچھے موجود عناصر کے بارے میں کوئی واضح معلومات فراہم نہیں کیں۔
Apple’s cyber threat warning issued to users in over 80 countries: Here’s all you need to know https://t.
— Financial Express (@FinancialXpress) December 6, 2025
ایپل کا کہنا ہے کہ اب تک وہ دنیا کے 150 سے زائد ممالک میں صارفین کو ایسے نوٹس بھیج چکا ہے۔
یہ بیان گوگل کے 3 دسمبر کے اعلان کے بعد سامنے آیا ہے جس میں کمپنی نے بتایا کہ وہ ان تمام صارفین کو خبردار کر رہی ہے جو انٹیلیگزا نامی اسپائی ویئر کے ذریعے نشانہ بنائے گئے تھے۔
گوگل کے مطابق یہ حملے متعدد ممالک میں سیکڑوں اکاؤنٹس‘‘ پر مشتمل تھے، جن میں پاکستان، قازقستان، انگولا، مصر، ازبکستان، سعودی عرب اور تاجکستان جیسے ممالک شامل ہیں۔
مزید پڑھیں: بھارت میں فون لوکیشن کی نگرانی، ایپل، گوگل اور سام سنگ نے سخت اعتراضات اٹھا دیے
گوگل نے کہا کہ امریکی پابندیوں کے باوجود سائبر انٹیلیجنس کمپنی انٹیلیگزا پابندیوں سے بچتے ہوئے پھل پھول رہی ہے۔
انٹیلیگزا سے وابستہ شخصیات نے فوری طور پر کوئی ردِعمل نہیں دیا۔
مزید پڑھیں:گوگل اور ایپل نے اسرائیل اور غزہ میں لائیو ٹریفک معلومات غیر فعال کردیں
ماضی میں جاری ہونے والے ایسے نوٹس کئی تحقیقات اور حکومتی چھان بین کا باعث بھی بنے ہیں، جن میں یورپی یونین کے وہ اعلیٰ حکام بھی شامل ہیں جو پہلے اسپائی ویئر کا نشانہ بن چکے ہیں۔
کینیڈین ادارے سٹیزن لیب کے محقق جان اسکاٹ ریلٹن کے مطابق اس طرح کے تھریٹ نوٹیفکیشنز سائبر جاسوسوں کے لیے مشکلات پیدا کرتے ہیں اور زیادہ تر ایسے سلسلے کا آغاز ہوتے ہیں جو اسپائی ویئر کے غلط استعمال پر حقیقی جواب دہی کی راہ ہموار کرسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپائی ویئر الرٹس انٹیلیگزا ایپل چھان بین سائبر انٹیلیجنس سائبر تھریٹ سٹیزن لیب گوگل یورپی یونین
ذریعہ
ذریعہ: WE News
کلیدی لفظ: اسپائی ویئر الرٹس انٹیلیگزا ایپل چھان بین سائبر انٹیلیجنس سائبر تھریٹ سٹیزن لیب گوگل یورپی یونین اسپائی ویئر صارفین کو
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار