امریکا کی ایپل اور گوگل کو متعدد ایپس حذف کرنے کی ہدایت
اشاعت کی تاریخ: 6th, December 2025 GMT
کمیٹی نے سپریم کورٹ کے اس تاریخی فیصلے کا حوالہ دیتے ہوئے کہا کہ اگرچہ آزادیٔ اظہار قابلِ احترام ہے، لیکن اس کا یہ مطلب نہیں کہ ایسے اقدامات کی حمایت کی جائے جو قریب الوقوع غیرقانونی سرگرمیوں کا باعث بنتے ہوں۔ اسلام ٹائمز۔ امریکی ایوانِ نمائندگان کی ہوم لینڈ سکیورٹی کمیٹی نے گوگل اور ایپل سے مطالبہ کیا ہے کہ وہ ان موبائل ایپس کو حذف کرنے کے لیے کیے گئے اقدامات کی تفصیلات فراہم کریں۔ خبر رساں ادارے فارس کے سائنس و ٹیکنالوجی ڈیسک نے روئٹرز کے حوالے سے رپورٹ کیا ہے کہ امریکی کانگریس اُن موبائل ایپلیکیشنز کو ہٹانے کا مطالبہ کر رہی ہے جو صارفین کو وفاقی امیگریشن اہلکاروں (ICE) کا پتہ لگانے کی سہولت دیتی ہیں۔
ایوانِ نمائندگان کی ہوم لینڈ سکیورٹی کمیٹی کے رہنماؤں نے گزشتہ روز (جمعہ) گوگل کے سی ای او سُندر پچائی اور ایپل کے سربراہ ٹِم کُک کو ارسال کردہ خطوط میں خاص طور پر ICEBlock نامی ایپ کا ذکر کیا۔ یہ ایپ سابقہ طور پر امریکی امیگریشن و کسٹمز انفورسمنٹ (ICE) کے اہلکاروں کی لوکیشن کی نگرانی کے لیے تیار کی گئی تھی تاکہ مہاجرین انہیں اپنے قریب آتا دیکھ کر وہاں سے فرار ہو سکیں۔
قانون سازوں نے خبردار کیا کہ ایپل اور گوگل کے ایپ اسٹورز میں موجود یہ ایپس ICE اہلکاروں کی سلامتی کے لیے خطرہ بن رہی ہیں۔ کانگریس نے مطالبہ کیا ہے کہ اس معاملے پر آئندہ ہفتے ایک بریفنگ کا انعقاد کیا جائے۔ کمیٹی نے سپریم کورٹ کے اس تاریخی فیصلے کا حوالہ دیتے ہوئے کہا کہ اگرچہ آزادیٔ اظہار قابلِ احترام ہے، لیکن اس کا یہ مطلب نہیں کہ ایسے اقدامات کی حمایت کی جائے جو قریب الوقوع غیرقانونی سرگرمیوں کا باعث بنتے ہوں۔
گزشتہ اکتوبر میں گوگل نے اعلان کیا تھا کہ ICEBlock ایپ کبھی بھی گوگل پلی اسٹور پر موجود نہیں رہی، اور اس کے علاوہ اسی نوعیت کی دیگر ایپس کو بھی اپنی پالیسیوں کی خلاف ورزی کے باعث ہٹا دیا گیا ہے۔ اسی دوران ایپل نے بھی ICEBlock اور دیگر مماثل ٹریکنگ ایپس کو اپنے ایپ اسٹور سے حذف کر دیا تھا۔ امریکا کی سابق اٹارنی جنرل پیم بونڈی نے کہا کہ یہ ایپس ICE اہلکاروں کو صرف اپنی ذمہ داریاں ادا کرنے پر خطرے میں ڈالتی ہیں۔ ایپ اسٹور سے حذف کیے جانے سے قبل ICEBlock کے 10 لاکھ سے زیادہ صارفین تھے۔
ذریعہ
ذریعہ: Islam Times
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ