اب معافی آصف زرداری اور بلاول بھٹو کو مانگنی چاہیے، عظمیٰ بخاری کا حسن مرتضیٰ کے بیان پر ردعمل
اشاعت کی تاریخ: 22nd, October 2025 GMT
وزیر اطلاعات پنجاب عظمیٰ بخاری نے حسن مرتضیٰ کے بیان پر شدید ردعمل دیتے ہوئے کہا ہے کہ اب معافی آصف زرداری اور بلاول بھٹو کو مانگنی چاہیے، جن کے کنٹرول میں ہارے ہوئے لوگ بھی نہیں۔
اپنے ایک بیان میں انہوں نے کہاکہ سوال اٹھایا کہ کیا حسن مرتضیٰ پیپلز پارٹی کی قیادت کے خلاف سازش کر رہے ہیں؟
یہ بھی پڑھیں: پی ٹی آئی اپنے گھر پر توجہ دے، ن لیگ اور پیپلزپارٹی کے درمیان سیاسی کشیدگی جلد ختم ہو جائےگی، خواجہ آصف
عظمیٰ بخاری نے کہاکہ پیپلز پارٹی حسن مرتضیٰ کے بیان کو خود دیکھے گی یا ہم جواب دیں؟
اب معافی آصف زرداری اور بلاول بھٹو کو مانگنی چاہیے جنکے کنٹرول میں انکے ہارے ہوئے لوگ نہیں:عظمی بخاری pic.
— Saif Awan (@saifullahawan40) October 22, 2025
اُن کا کہنا تھا کہ پیپلز پارٹی کے پنجاب سے ہارے ہوئے کچھ لوگوں کو ان کی جماعت اقتدار میں بیٹھی اچھی نہیں لگ رہی۔
واضح رہے کہ پیپلز پارٹی پنجاب کے صدر حسن مرتضیٰ نے کہا تھا کہ پیپلز پارٹی انتقام نہیں لیتی بلکہ چیزوں کو بہتر کرنے کے لیے مہلت دیتی ہے۔
صحافی نے ان سے سوال کیا کہ کیا پیپلز پارٹی وزیراعلیٰ پنجاب مریم نواز سے اُن کی مبینہ بدتمیزی کے معاملے پر معافی کے مطالبے سے پیچھے ہٹ گئی ہے؟
حسن مرتضیٰ نے جواب دیا کہ بدتمیزی تو بہت چھوٹی چیز ہے، شاید یہ ان کے لاشعور میں ہے، ہم اسے محسوس بھی نہیں کرتے، پیپلز پارٹی انتقام نہیں لیتی، چیزوں کو بہتر کرنے کے لیے مہلت دیتی ہے۔
حسن مرتضیٰ نے مزید کہاکہ سارا نظام ایک لمحے میں ڈی ریل کیا جاسکتا ہے لیکن پیپلز پارٹی نے جلدی بازی کے بجائے مزید بہتری کی کوشش کا فیصلہ کیا۔
یہ بھی پڑھیں: سیاسی کشیدگی: مریم نواز کے بیان پر پیپلز پارٹی کا سینیٹ اجلاس سے پھر واک آؤٹ
واضح رہے کہ حال ہی میں پاکستان پیپلزپارٹی اور مسلم لیگ ن کے درمیان لفظی گولہ باری کا اعلیٰ قیادت نے نوٹس لیتے ہوئے بیان بازی پر پابندی لگا دی تھی، تاہم حسن مرتضیٰ اور عظمیٰ بخاری نے آج نیا محاذ کھول دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری بلاول بھٹو حسن مرتضیٰ ردعمل عظمیٰ بخاری معافی وی نیوزذریعہ: WE News
کلیدی لفظ: بلاول بھٹو معافی وی نیوز کہ پیپلز پارٹی بلاول بھٹو
پڑھیں:
بلاول بھٹو زرداری نے 35ویں نیشنل گیمز کا افتتاح کر دیا
چیئرمین پیپلز پارٹی بلاول بھٹو زرداری نے کراچی میں 35ویں نیشنل گیمز کا باقاعدہ افتتاح کیا۔ انہوں نے کہا کہ اٹھارہ سال بعد نیشنل گیمز کا انعقاد ہو رہا ہے اور سندھ کے لیے اس کی میزبانی فخر کا موقع ہے۔
نیشنل اسٹیڈیم کراچی میں افتتاحی تقریب سے خطاب کرتے ہوئے بلاول بھٹو نے نوجوانوں کی حوصلہ افزائی کی اور کہا کہ ملک خصوصاً سندھ کے نوجوانوں کو مثبت ماحول میسر ہے۔ انہوں نے کہا، “نوجوان ہمارا مستقبل ہیں اور امید ہے کہ یہی نوجوان کل عالمی سطح پر تمغے جیت کر لائیں گے۔ یہاں موجود تمام ایتھلیٹس 35ویں قومی گیمز کا بھرپور لطف اٹھائیں، اور ملک بھر سے آئے مہمانوں کو کراچی میں خوش آمدید کہتے ہیں۔”
وزیر اعلیٰ سندھ مراد علی شاہ نے بھی افتتاحی تقریب سے خطاب کرتے ہوئے کہا کہ 35ویں نیشنل گیمز کا کراچی میں شاندار آغاز خوش آئند ہے۔ انہوں نے بتایا کہ تقریباً 10 ہزار ایتھلیٹس اس قومی مقابلے میں حصہ لے رہے ہیں اور کراچی کے 24 مقامات پر 31 مختلف اسپورٹس ایونٹس کا انعقاد کیا جائے گا۔ وزیر اعلیٰ نے یاد دلایا کہ 1948ء میں قائداعظم محمد علی جناح نے پہلے نیشنل گیمز کا افتتاح کیا تھا اور 2025ء میں 35 ویں نیشنل گیمز کی میزبانی سندھ کے لیے فخر کا موقع ہے۔
18ویں ترمیم اور این ایف سی ایوارڈ کیساتھ کھیلنے والے آگ سے کھیل رہے ہیں‘ بلاول