بھارتی صدر ہیلی کاپٹر حادثے سے بال بال بچ گئیں، ویڈیو سوشل میڈیا پر وائرل
اشاعت کی تاریخ: 22nd, October 2025 GMT
بھارتی صدردروپدی مُرمو ریاست کیرالہ کے 4 روزہ دورے کے دوران اس وقت ایک ممکنہ فضائی حادثے سےمحفوظ رہیں جب ان کا ہیلی کاپٹر لینڈنگ کے دوران اچانک زمین میں دھنس گیا۔ واقعے کی ویڈیو تیزی سے سوشل میڈیا پر وائرل ہو گئی ہے۔
ذرائع کے مطابق، صدر کے لیے عارضی طور پر ایک ہیلی پیڈ اسٹیڈیم میں جلد بازی میں تیار کیا گیا تھا۔ ہیلی کاپٹر نے معمول کے مطابق لینڈنگ کی، مگر جیسے ہی پہیے زمین سے ٹکرائے، وہ نرم مٹی میں دھنس گئے، جس کے نتیجے میں ہیلی کاپٹرایک طرف جھک گیا۔
فوری طور پر ریسکیو ٹیم، فائر بریگیڈ، اور پولیس اہلکار موقع پر پہنچے اور ہیلی کاپٹر کو الٹنے سے بچانے کے لیے اسے سہارا دیا۔ اسی دوران صدر دروپدی مُرمو اور ان کے ہمراہ موجود افراد کو بحفاظت باہر نکال لیا گیا۔
صدر اور دیگر افراد کو احتیاطی تدابیر کے طور پر قریبی اسپتال لے جایا گیا جہاں ان کا طبی معائنہ کیا گیا۔ خوش قسمتی سے کوئی جانی نقصان نہیں ہوا اور صدر کو کچھ دیر بعد مکمل ہوش و حواس کے ساتھ روانگی کی اجازت دے دی گئی۔
حکام کا ماننا ہے کہ یہ واقعہ ہیلی پیڈ کی غیر معیاری تیاری اور جلد بازی کا نتیجہ ہو سکتا ہے، کیونکہ لینڈنگ زون کی زمین مکمل طور پر سخت نہیں کی گئی تھی۔
واقعے نے بھارتی سیکیورٹی اور پروٹوکول انتظامات پر سوالات کھڑے کر دیے ہیں، جب کہ سوشل میڈیا پر عوام کی جانب سے شدید ردعمل بھی دیکھنے میں آ رہا ہے۔
ذریعہ
ذریعہ: Daily Mumtaz
کلیدی لفظ: ہیلی کاپٹر
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی