پی سی ڈی ایم اے وفد کی صدر کے سی سی آئی سے ملاقات
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر)کراچی چیمبر آف کامرس اینڈ انڈسٹری (کے سی سی آئی) کے صدر محمد ریحان حنیف نے کہا ہے کہ تاجر برادری کے مسائل کا بروقت حل ہماری اولین ترجیح ہے، کراچی چیمبر تجارتی سرگرمیوں میں حائل رکاوٹوں کو دور کرنے اور کاروبار کرنے میں آسانیاں پیدا کرنے کے لیے اپنا مؤثر کردار ادا کرتا رہے گا۔ یہ بات انہوں نے پاکستان کیمیکلز اینڈ ڈائز مرچنٹس ایسوسی ایشن (پی سی ڈی ایم اے) کے چیئرمین سلیم ولی محمد کی سربراہی میں وفد سے اپنے دفتر میں ملاقات کے موقع پر کہی۔ اس موقع پر پی سی ڈی ایم اے کے وفد نے نومنتخب صدر محمد ریحان حنیف، سینئر نائب صدر محمد رضا اور نائب صدر محمد عارف لاکھانی کو مبارکباد پیش کی اور کامیاب مدتِ صدارت کے لیے نیک تمناؤں کا اظہار کیا۔صدر کے سی سی آئی نے پی سی ڈی ایم اے کے وفد کو یقین دلایا کہ وہ کمرشل امپورٹرز کو درپیش مسائل کے حل کے لیے ہر ممکن کوشش کریں گے۔ اس ضمن میں پی سی ڈی ایم اے کراچی چیمبر کو اپنے مسائل سے تفصیلی آگاہ کرے تاکہ متعلقہ حکام تک آواز کو پہنچایا جاسکے۔اس موقع پر چیئرمین پی سی ڈی ایم اے سلیم ولی محمد نے کمرشل امپورٹرز کو درپیش مسائل پر تفصیل سے تبادلہ خیال کیا اور اس بات پر اتفاق کیا گیا کہ کراچی چیمبر اور پی سی ڈی ایم اے کو باہمی رابطے اور اشتراک سے کام کرنا چاہیے تاکہ مسائل کا مؤثر حل نکالا جا سکے۔انہوں نے کہا کہ ہمارے بیشتر ممبران چیمبر کے بھی ممبر ہیں اس لیے ہمیں ایک دوسرے کے ساتھ کوآرڈی نیشن سے چلنا ہوگا۔سلیم ولی محمد نے ای ایف ایس کو تجارتی شعبے کے لیے سنگین خطرہ قرار دیتے ہوئے کہا کہ یہ اسکیم درآمد کنندگان، تاجروں اور کیمیکلز و ڈائز سپلائرز کے لیے نقصان دہ ثابت ہو رہی ہے۔ ہم اس معاملے کو سینیٹ کی اسٹینڈنگ کمیٹی میں بھی اٹھا چکے ہیں اور میڈیا میں بھی اجاگرکر چکے ہیں مگر تاحال کوئی خاطر خواہ نتیجہ نہیں نکلا۔ ہم چاہتے ہیں کہ کے سی سی آئی بھی اس معاملے میں ہمارے ساتھ کھڑی ہو اور حکومت سے مطالبہ کرے کہ چیپٹر 26 تا 32 کی تمام مصنوعات پر سیلز ٹیکس، ڈیوٹیز اور انکم ٹیکس لاگو کیا جائے تاکہ منصفانہ مسابقت کو یقینی بنایا جا سکے۔انہوں نے خبردار کیا کہ اگر فوری اقدامات نہ کیے گئے تو متعدد تاجر کاروبار بند کرنے پر مجبور ہو جائیں گے کیونکہ موجودہ نظام میں ایک عام تاجر کے لیے مقابلہ کرنا ممکن نہیں رہا۔وفد نے ای انوائسنگ اور عالمی مارکیٹوں میں بدلتی صورتحال مطابق کسٹمز ویلیو ایشن رولنگ میں عدم تبدیلی جیسے اہم مسائل پر بھی روشنی ڈالی جن کی وجہ سے درآمد کنندگان کو مسلسل مشکلات کا سامنا ہے۔اس موقع پر وفد کے رکن یاسین لالا نے جوڑیا بازار میں کے الیکٹرک کی لوڈشیڈنگ کے سنگین مسئلے کی بھی نشاندہی کرتے ہوئے بتایاکہ بجلی کی بندش سے کاروباری سرگرمیاں شدید متاثر ہو رہی ہیں لہٰذا بجلی کی بلاتعطل فراہمی یقینی بنائی جائے تاکہ کاروباری سرگرمیاں بلارکاوٹ جاری رہیں۔
ذریعہ
ذریعہ: Jasarat News
کلیدی لفظ: پی سی ڈی ایم اے کے سی سی ا ئی کراچی چیمبر کے لیے
پڑھیں:
دیوار سے لگانے کی کوشش کی گئی تو وفاقی بجٹ پاس نہیں ہونے دیں گے ؛ سہیل آفریدی
سٹی 42:سہیل آفریدی نے احتجاج کی کال دیتےہوئے کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔
وزیر اعلی کے پی فیکٹری ناکہ سے واپس روانہ ہو گئے ۔ وزیر اعلی سہیل آفریدی کی فیکٹری ناکہ سے روانگی سے قبل میڈیا ٹاک میں کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔2026-27کا بجٹ پیش کرنے جا رہے ہیں،مطالبہ کے کہ کے پی حکومت بانی کی ہے۔کے پی عوام نے بانی کو ووٹ دیا وہ انکو چاہتی ہے ۔کے پی عوام چاہے گی کہ بجٹ بانی کی خواہشات کے مطابق بنے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
بجٹ کے حوالے سے میری اور وزیر خزانہ سے ملاقات ہو تاکہ ان سے بجٹ کی اپروول لے سکیں۔ہم کل اسلام آباد ہائیکورٹ میں ایک پٹیشن دائر کرنے جا رہے ہیں،امید ہے اس دفعہ ہمیں ملاقات کی اجازت دی جائے گی،آج بھی بانی کی فیملی سے ملاقات نہیں ہونے دی گئی۔بانی نے کوئی جرم نہیں کیا،انکو اغوا کرکے ناحق قید رکھا گیا ہے۔
پنجاب کی جعلی حکومت،جیل انتظامیہ کی وجہ سے بانی کی آنکھ میں مسئلہ ہوا،عوام میں تشویش ہے کہ بانی کی ملاقات بند ہے،وہ اندر کیا کر رہے ہیں کہ تمام چیزیں روکی ہوئی ہیں۔یہ کیوں ملاقات نہیں کروا رہے،کے پی سے امتیازی سلوک کیوں کیا جا رہا ہے،میں نے ملاقات کا مطالبہ کرکےکوئی غلط ڈیمانڈ نہیں کی۔کے پی میں عوام نے بانی کو مینڈیٹ دیا یہ انکا حق ہے کہ بجٹ بانی کی مرضی کے مطابق ہو ۔ کے پی کا وزیر اعلی بانی تبدیل کر سکتے ہیں باقی کسی میں جرات نہیں،وہ ہلا بھی سکے ۔محسن نقوی سے ملاقات بیرسٹر گوہر کے کہنے پر ہوئی ۔افغانستان ہمارا برادر اسلامی ملک ہے،وہاں پر کیا انٹرسٹ ہو سکتا ہے اگر ہم ان سے لڑائی کریں ۔کسی کی خوشنودی کے لئے ان سے تعلقات خراب ہو رہے ہیں،
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بجٹ میں بانی کی ہدایات کو شامل کیا گیا ہے،سوشل ویلفیئرتعلیم،صحت کو شامل کیا گیا ۔بانی نے کہا تھا کہ جنگ کسی مسئلے کا حل نہیں پاکستان کو ثالثی کا کردار ادا کرنا چاہیئے
2026میں پاکستان انکے مشورے پر عمل کرتا ہے تو دنیا میں اسکی واہ واہ ہوتی ہے ۔ہر بندہ بولتا ہے کہ کرپشن ہو رہی ہے میں نے وزیراعلی کے دروازے کھلے رکھے ہیں کرپشن کے ثبوت لائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ