آئی ایم ایف پاکستان کے مفاد کیخلاف کو ئی شرظ عائد نہیں کرسکتا : وزیر خزانہ
اشاعت کی تاریخ: 20th, October 2025 GMT
اسلام آباد،واشنگٹن (خبر نگار خصوصی+ این این آئی) وزیرخزانہ نے کہا ہے کہ آئی ایم ایف پاکستان پر قومی مفاد کے خلاف کوئی شرط عائد نہیں کر سکتا۔ 1.2 ارب ڈالر کی اگلی آئی ایم ایف قسط دسمبر تک ملنے کی توقع ہے۔ وزیر خزانہ محمد اورنگزیب دورہ امریکا پر ہیں جہاں انہوں نے 20 وزارتی اجلاس میں شرکت کی اور لاس اینڈ ڈیمیج فنڈ کو فوری طور پر فعال کرنے پر زور دیا۔ وزیر خزانہ کی انٹرنیشنل فنانس کارپوریشن کے مینیجنگ ڈائریکٹر مختار ڈیوپ سے ملاقات ہوئی جس دوران وزیر خزانہ نے امید ظاہر کی کہ ایگزِم بینک جلد ریکوڈک منصوبے میں شمولیت اختیار کرے گا۔ محمد اورنگزیب کی جے پی مورگن کے سینئر انتظامی وفد سے بھی ملاقات ہوئی جس دوران دوطرفہ شراکت داری کو مزید فروغ دینے کی ضرورت پر زور دیا گیا۔ واشنگٹن میں پریس کانفرنس کرتے ہوئے وزیرخزانہ محمد اورنگزیب نے کہا کہ آئی ایم ایف ایگزیکٹو بورڈ جلد اجلاس میں معاہدے کی منظوری دے گا۔ محمد اورنگزیب نے کہا ہے کہ حکومت پاکستان ریکو ڈک منصوبے پر مالیاتی بندش کے قریب ہے اور ایگزم بینک کی شرکت کی منتظر ہے۔ امید ہے ایگزم بینک جلد ہی فنانسنگ کنسورشیم میں شامل ہوگا۔ وفاقی وزیر خزانہ و محصولات سینیٹر محمد اورنگزیب کا واشنگٹن کا دورہ بین الاقوامی مالیاتی فنڈ (آئی ایم ایف) اور ورلڈ بینک کے سالانہ اجلاسوں میں شرکت اورآخری دن اہم ملاقاتوں کے ساتھ اختتام پذیر ہوگیا۔ وزارت خزانہ سے جاری پریس ریلیز کے مطابق وزیر خزانہ نے ابوظہبی کمرشل بینک کے سینئر مینجمنٹ سے ملاقات کی اور انہیں پاکستان کے پانڈا بانڈ کے اجراء اور گلوبل میڈیم ٹرم نوٹ پروگرام کی تجدید کے بارے میں بریفنگ دی۔ وزیر خزانہ نے ترکیہ کے وزیر خزانہ و مالیات محمد شیمشک سے بھی ملاقات کی، جہاں دونوں فریقین نے دوطرفہ مضبوط تعلقات اور دونوں ممالک کے رہنماؤں کے درمیان بار بار ہونے والی ملاقاتوں کی تصدیق کی۔ انٹرنیشنل فنانس کارپوریشن (آئی ایف سی) کے منیجنگ ڈائریکٹر مختار دیوپ سے ملاقات میں سینیٹر اورنگزیب نے آئی ایف سی کے پاکستان کو علاقائی مرکز کے طور پر اپ گریڈ کرنے کے فیصلے کا خیرمقدم کیا۔ اس موقع پر سٹیٹ بینک آف پاکستان اور آئی ایف سی کے درمیان معاہدے پر دستخط ہوئے۔ سینیٹر اورنگزیب نے 15ویں وی 20 وزارتی مکالمے میں بھی شرکت کی جس کا عنوان ’’دارالحکومت کی لاگت، قرضہ اور ترقی کے راستے‘‘ تھا۔ انہوں نے پاکستان میں بار بار آنے والے سیلابوں کے تباہ کن اثرات کو اجاگر کیا اور حکومت کے اپنے وسائل سے امدادی اور بحالی کے آپریشنز کی فنڈنگ کے عزم سے آگاہ کیا۔ پاکستانی میڈیا کے ساتھ بھی بات چیت کی، جہاں انہوں نے بین الاقوامی مالیاتی اداروں، شراکت دار ممالک اور نجی شعبے کے سٹیک ہولڈرز کے ساتھ اپنی ہفتہ بھر کی بات چیت اور مصروفیات پر جامع بریفنگ دی۔
.
ذریعہ
ذریعہ: Nawaiwaqt
کلیدی لفظ: محمد اورنگزیب اورنگزیب نے ئی ایم ایف
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ