فیلڈ مارشل عاصم منیر کی قاہرہ میں شیخ الازہر سے ملاقات، انتہا پسندی کے خاتمے پر زور
اشاعت کی تاریخ: 23rd, October 2025 GMT
چیف آف آرمی اسٹاف فیلڈ مارشل عاصم منیر نے الازہر الشریف میں شیخ الازہر شیخ احمد الطیب، سے ملاقات میں عالمِ اسلام کو درپیش مختلف چیلنجز، بالخصوص انتہا پسندی اور مذہب کی منفی تشریحات کے سدباب پر تبادلہ خیال کیا۔
آئی ایس پی آر کے اعلامیے کے مطابق اس موقع پر شیخ الازہر نے امتِ مسلمہ کے اتحاد، رواداری اور اعتدال کی تعلیمات کو فروغ دینے کی ضرورت پر زور دیا۔
یہ بھی پڑھیں: پاکستان امن کا خواہاں، بھارت کی جانب سے جنگ مسلط کی جاتی ہے تو ہر وقت تیار ہیں، ڈی جی آئی ایس پی آر
فیلڈ مارشل عاصم منیر نے کہا کہ اسلام امن، احترامِ انسانیت اور اعتدال کا دین ہے، اس کی غلط تشریحات اور انتہا پسندانہ سوچ کے خاتمے کے لیے اجتماعی اور مربوط کوششوں کی اشد ضرورت ہے۔
Field Marshal Syed #AsimMunir, Chief of Army Staff is currently on an official visit to the Arab Republic of #Egypt.
The visit is aimed at enhancing military cooperation and defence collaboration between the two brotherly countries.#ispr pic.twitter.com/AlGyFqNvrt
— Salman Ali Awan (@salmanaliawan) October 23, 2025
انہوں نے مزید کہا کہ پاکستان، اسلام کے حقیقی پیغام یعنی امن، برداشت اور بھائی چارے کو اجاگر کرنے کے لیے ہمیشہ اپنا کردار ادا کرتا رہے گا۔
آرمی چیف فیلڈ مارشل سید عاصم منیر ان دنوں مصر کے سرکاری دورے پر ہیں، اس دورے کا مقصد پاکستان اور مصر کے درمیان عسکری تعاون اور دفاعی اشتراک کو مزید فروغ دینا ہے۔
فیلڈ مارشل عاصم منیر نے مصری وزیرِ دفاع و دفاعی پیداوار جنرل عبدالمجید سقار اور چیف آف اسٹاف لیفٹیننٹ جنرل احمد خلیفہ فتحی سے علیحدہ علیحدہ ملاقاتیں کیں۔
آئی ایس پی آر کے مطابق، ملاقاتوں میں باہمی دلچسپی کے امور، علاقائی سلامتی کی صورتِ حال اور دو طرفہ دفاعی تعاون پر تفصیلی تبادلۂ خیال کیا گیا۔
مزید پڑھیں:سیکیورٹی فورسز کی کارروائی میں بھارتی پراکسی تنظیم ’فتنہ الہندوستان‘ کے 5 دہشتگردوں ہلاک ہوگئے، آئی ایس پی آر
اس موقع پرفیلڈ مارشل عاصم منیر کا کہنا تھا کہ مصر ایک برادر ملک ہے اور دونوں ممالک کے درمیان قریبی تعاون نہ صرف دونوں اقوام کے عوام کے لیے فائدہ مند ہوگا بلکہ خطے میں امن و استحکام کے قیام میں بھی مددگار ثابت ہوگا۔
دورے کے دوران فیلڈ مارشل کو وزارتِ دفاع پہنچنے پر گارڈ آف آنر پیش کیا گیا۔ انہوں نے یادگارِ نامعلوم سپاہی اور مصر کے سابق صدر محمد انور السادات کی قبر پر پھول چڑھائے اور فاتحہ خوانی کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عاصم منیر فیلڈ مارشل مصرذریعہ: WE News
کلیدی لفظ: فیلڈ مارشل فیلڈ مارشل عاصم منیر ا ئی ایس پی ا ر کے لیے
پڑھیں:
رہائی کے بعد یوٹیوبر ڈکی بھائی کا فیلڈ مارشل عاصم منیر کا خصوصی شکریہ، وجہ کیا بنی؟
معروف یوٹیوبر سعد الرحمن المعروف ڈکی بھائی نے قومی سائبر کرائم انویسٹی گیشن ایجنسی (این سی سی آئی اے) کی 100 دن حراست سے رہائی کے بعد پہلی بار خاموشی توڑتے ہوئے تفتیشی عملے پر سنگین الزامات عائد کیے ہیں۔ یوٹیوبر نے دعویٰ کیا ہے کہ انہیں حراست کے دوران مبینہ طور پر تشدد کا نشانہ بنایا گیا اور ان سے رشوت طلب کی گئی۔
ڈکی بھائی نے اپنی بیان میں فوجی قیادت کا شکریہ بھی ادا کیا۔ ان کا کہنا تھا کہ فیلڈ مارشل عاصم منیر اور ڈی جی ایم آئی نے پروفیشنلزم کا مظاہرہ کرتے ہوئے ان کے خاندان کو کرپٹ مافیا سے نکلنے میں مدد فراہم کی۔ انہوں نے مزید کہا کہ بگ برادر اور ان کی ٹیم نے بھی مشکل وقت میں بھرپور تعاون کیا۔
Thank you to Field Marshal Asim Munir Sb, who saved my family from this corrupt mafia,” Youtuber Saad ur Rehman aka Ducky bhai thanked Field Marshal Asim Munir.#DuckyBhai #FieldMarshalAsimMunir pic.twitter.com/xC0yvKy6F5
— Murtaza Ali Shah (@MurtazaViews) December 7, 2025
یوٹیوبر کا مزید کہنا تھا کہ کرپٹ مافیاز کے خلاف اس طرح کا کلین آپریشن تاریخ میں نہیں ہوا اور یہ سب کریڈٹ انٹیلی جنس ایجنسیز کو جاتا ہے۔
واضح رہے کہ ڈکی بھائی کو 17 اگست 2025 کو لاہور ایئرپورٹ پر جوا ایپس کے ذریعے منی لانڈرنگ کے الزام میں گرفتار کیا گیا تھا۔ بعد ازاں لاہور ہائیکورٹ نے 10 لاکھ روپے کے مچلکوں کے عوض ان کی درخواست ضمانت منظور کی اور وہ 26 نومبر کو رہا ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈکی بھائی ڈکی بھائی وی لاگ عاصم منیر یو ٹیوبر
متنازع ٹویٹس کیس میں نیا موڑ، اہم شخصیت کا ایمان اور ہادی کی وکالت کرنے کا فیصلہ