بنگلہ دیش ملبوسات کی نئی عالمی منزل، چینی سرمایہ کاری میں اضافہ
اشاعت کی تاریخ: 24th, October 2025 GMT
امریکی محصولات اور چین میں بڑھتی پیداواری لاگت کے باعث چینی کمپنیاں تیزی سے بنگلہ دیش کا رخ کر رہی ہیں، جہاں ملبوسات کے شعبے میں حالیہ برسوں میں چینی سرمایہ کاری میں نمایاں اضافہ ریکارڈ کیا گیا ہے۔
اس پیشرفت سے بنگلہ دیش عالمی سپلائی چین میں ایک نئے اسٹریٹجک مرکز کے طور پر سامنے آ رہا ہے۔
یہ بھی پڑھیں: بھارت کی درآمدی پابندی سے بنگلہ دیش کی ساڑھی صنعت بحران کا شکار
چین سے امریکا کو ملبوسات کی برآمدات میں گزشتہ ایک دہائی کے دوران نمایاں کمی آئی ہے، جہاں اب اوسط محصول 50 فیصد تک پہنچ چکا ہے۔
Chinese investment in Bangladesh has gained fresh momentum across multiple sectors in recent months, with a sharp uptick now focused on the apparel industry as rising US tariffs and production costs erode China's global dominance in garment exports.
— Jashim (@jashim4truth) October 24, 2025
اس کے مقابلے میں بنگلہ دیشی مصنوعات پر اوسطاً 36 فیصد ڈیوٹی عائد ہوتی ہے، جس نے مغربی مارکیٹ کے لیے اسے ایک پرکشش متبادل بنا دیا ہے۔
بنگلہ دیش گارمنٹ مینوفیکچررز اینڈ ایکسپورٹرز ایسوسی ایشن کے مطابق، گزشتہ سال 20 سے زائد فیکٹریوں میں چینی سرمایہ کاری کی گئی۔
مزید پڑھیں:بنگلہ دیش میں قائداعظم پر سیمنار، عظیم رہنما کی یاد تاریخی ذمہ داری قرار
چینی سرمایہ کار یا تو نئے منصوبے شروع کر رہے ہیں یا مالی مشکلات کے شکار کارخانوں کو خرید کر انہیں دوبارہ فعال بنا رہے ہیں۔
2025 کی دوسری سہ ماہی میں چین کی جانب سے 5 کروڑ 30 لاکھ ڈالر کی سرمایہ کاری بنگلہ دیش میں آئی، جس میں زیادہ تر سرمایہ ٹیکسٹائل شعبے میں لگایا گیا، ہانڈا انڈسٹریز نے 250 ملین ڈالر کی سرمایہ کاری کا اعلان کیا ہے جبکہ ایس او ایچ او فیشن گروپ نے ڈھاکا میں دفتر قائم کیا ہے۔
بنگلہ دیش ایکسپورٹ پروسیسنگ زونز اتھارٹی کے مطابق، 18 چینی کمپنیوں نے یا تو نئے ملبوساتی اور ٹیکسٹائل کارخانوں کے لیے زمین کے لیز معاہدے کیے ہیں یا اپنی پیداوار کا آغاز کر دیا ہے، انہی میں سے چند نمایاں اداروں میں ایس او ایچ او فیشن گروپ شامل ہے۔
ایکسپورٹ زونز سے باہر بھی کم از کم 8 چینی کمپنیاں ملبوسات اور متعلقہ صنعتوں میں سرمایہ کاری کر چکی ہیں، جن میں چونئی (بی ڈی) ٹیکسٹائل، ٹرائسن سوئیٹر اور چائنا بیسٹ ہاؤس ہولڈ پراڈکٹس شامل ہیں۔
مزید پڑھیں: بنگلہ دیش کا غیرجانبدار تحریک کے فیصلوں کے عمل میں اصلاحات پر زور
سرکاری ذرائع کے مطابق، حقیقی تعداد اس سے بھی زیادہ ہو سکتی ہے کیونکہ بعض سرمایہ کار ایسے لیز معاہدوں کے تحت کام کر رہے ہیں جن کی باضابطہ رجسٹریشن ابھی تک نہیں ہوئی۔
ماہرینِ معیشت اس سرمایہ کاری کو روزگار کے مواقع اور ٹیکنالوجی کی منتقلی کے لحاظ سے مثبت قدم قرار دیتے ہیں، تاہم مقامی صنعت کاروں کا کہنا ہے کہ غیر ملکی سرمایہ کاروں کو بنیادی ملبوسات کے بجائے زیادہ ویلیو ایڈڈ مصنوعات اور بیک ورڈ لنکیج انڈسٹریز میں سرمایہ کاری کرنی چاہیے۔
بنگلہ دیش گارمنٹ مینوفیکچررز اینڈ ایکسپورٹرز ایسوسی ایشن کے انعام الحق خان کے مطابق، بنگلہ دیش بنیادی ملبوسات میں پہلے ہی خود کفیل ہے۔ ’ہمیں چینی سرمایہ کاری ان شعبوں میں چاہیے جو ہماری سپلائی چین اور جدت کی صلاحیت کو مضبوط بنائیں۔‘
مزید پڑھیں: ’میڈ اِن پاکستان‘ نمائش: پاکستانی مصنوعات کی بنگلہ دیش میں دھوم مچ گئی
ماہرین کے مطابق اگرچہ اس سرمایہ کاری سے ملکی معیشت کو تقویت ملنے کی توقع ہے، مگر گیس کی قلت سمیت انفراسٹرکچر کے مسائل بدستور موجود ہیں، جو نئے ٹیکسٹائل منصوبوں کے لیے چیلنج بن سکتے ہیں۔
ان کا کہنا ہے کہ غیر فعال فیکٹریوں میں مشترکہ منصوبے نئے صنعتی منصوبوں کے مقابلے میں زیادہ مؤثر اور عملی راستہ ثابت ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹریٹجک بنگلہ دیش بنگلہ دیش گارمنٹ مینوفیکچررز اینڈ ایکسپورٹرز ایسوسی ایشن ٹیکسٹائل ٹیکنالوجی چائنا بیسٹ ڈیوٹی سرمایہ کار
ذریعہ
ذریعہ: WE News
کلیدی لفظ: اسٹریٹجک بنگلہ دیش ٹیکسٹائل ٹیکنالوجی چائنا بیسٹ ڈیوٹی سرمایہ کار چینی سرمایہ کاری بنگلہ دیش کے مطابق میں چین کے لیے
پڑھیں:
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال WhatsAppFacebookX 0 23 July, 2026 سب نیوز
اسلام آباد(آئی پی ایس ) وزیراعظم محمد شہباز شریف سے چین کی معروف کمپنی فیمسن کے چیف ایگزیکٹو افسر جیک چین کی قیادت میں وفد نے ملاقات کی، جس میں پاکستان میں غذائی تحفظ، جدید زرعی ٹیکنالوجی اور فوڈ اسٹوریج کے منصوبوں پر تبادلہ خیال کیا گیا۔
وزیراعظم نے چینی وفد کو پاکستان آمد پر خوش آمدید کہتے ہوئے کہا کہ پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان بزنس ٹو بزنس تعاون سے یہ دوستی مزید مستحکم ہوگی۔شہباز شریف نے فیمسن کی جانب سے پاکستان میں اجناس کے اسٹوریج مراکز کو جدید اسٹیٹ آف دی آرٹ مراکز میں تبدیل کرنے کے منصوبے کا خیرمقدم کرتے ہوئے کہا کہ اس سے زرعی شعبے میں جدید ٹیکنالوجی متعارف ہوگی، غذائی تحفظ میں بہتری آئے گی اور تجارتی سرگرمیوں کو فروغ ملے گا۔
وزیراعظم نے ہدایت کی کہ ان منصوبوں میں پاکستان کی افرادی قوت کی ہنرمندی اور پیشہ ورانہ تربیت کو بھی شامل کیا جائے تاکہ مقامی افرادی قوت جدید زرعی ٹیکنالوجی سے مستفید ہو سکے۔فیمسن کے چیف ایگزیکٹو جیک چین نے پرتپاک میزبانی پر وزیراعظم اور حکومت پاکستان کا شکریہ ادا کرتے ہوئے بتایا کہ وزیراعظم کے حالیہ دور چین کے دوران ہونے والی ملاقات کے نتیجے میں وہ پاکستان آئے ہیں تاکہ غذائی تحفظ سے متعلق قابلِ عمل منصوبوں کو آگے بڑھایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپراسیکیوٹر جنرل کی تعیناتی اسلام آباد بار سے ہو گی:اعظم نذیر تارڑ اگلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار