ناظم علاقہ لانڈھی غربی محمد کاشف کی والدہ انتقال کرگئی
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی علاقہ لانڈھی غربی کے ناظم محمد کاشف کی والدہ رکن جماعت اسلامی حسنہ خالہ انتقال کرگئی۔ان کی نماز جنازہ دارلعلوم کراچی میں ادا کی گئی۔نماز جنازہ میں امیر جماعت اسلامی ضلع کورنگی مرزا فرحان بیگ،لانڈھی ٹاؤن aکے چیئرمین عبد الجمیل خان،نائب امیر ضلع محمد عمران،سیکریٹری انجینئر نوید اختر،ناظم مالیات محمد اسلم شیخ،یوسی چیئرمین نادرعلی خان لودھی کے علاؤہ بڑی تعداد میں جماعت اسلامی اور بردار تنظیموں کے کارکنان واہل محلہ نے شرکت کی بعد ازاں مرحومہ کو اسماعیل گوٹھ قبرستان میں سپردِ خاک کردیا گیا۔درایں اثنانیشنل لیبر فیڈریشن کراچی کے جنرل سیکرٹری محمد قاسم جمال نے ناظم شعبہ روزگار شکیل احمد کے ہمراہ محمد کاشف اور ان کے بھائی ارشد شمیم سے ان کے گھر جاکر ان سے تعزیت کا اظہارکیا اور مرحومہ کی مغفرت کی دعا کی۔مرحومہ جماعت اسلامی کی سینئر رکن تھی اور انتقال سے کچھ دیر پہلے تک وہ خواتین سے گھروں میں رابطہ کررہی تھی اور انھیں کل پاکستان اجتماع عام کی دعوت دے رہی تھی۔
ذریعہ: Jasarat News
کلیدی لفظ: جماعت اسلامی
پڑھیں:
جماعت اسلامی کا اجتماع عام ملک میں حقیقی تبدیلی کا پیش خیمہ ثابت ہوگا، صابر حسین اعوان
جماعت اسلامی خیبر پختونخوا کے جنرل سیکرٹری کا کہنا تھا کہ سابقہ اور موجودہ حکمرانوں نے ملک کو تباہی کے دھانے پر لاکھڑا کیا ہے، قوم تبدیلی کی منتظر ہے۔ 21 سے 24 نومبر تک مینار پاکستان لاہور میں جماعت اسلامی کے اجتماع عام میں لاکھوں افراد افراد شریک ہوں گے۔ اسلام ٹائمز۔ سابق رکن قومی اسمبلی اور جماعت اسلامی خیبر پختونخوا وسطی کے جنرل سیکرٹری صابر حسین اعوان نے کہا ہے کہ مرکز میں برسر اقتدار موجودہ اور سابقہ حکمرانوں اور خیبر پختونخوا میں گزشتہ 13 سالوں سے قوم پر مسلط حکمرانوں نے ملک اور قوم کو تباہی کے دھانے پر لاکھڑا کیا ہے برسراقتدار قومی و صوبائی حکومتیں بظاہر ایک دوسرے کے خلاف ہیں لیکن حقیقت میں دونوں ایک ہی ایجنڈے پر گامزن ہیں۔ امریکہ اور عالمی مالیاتی اداروں کی غلامی دونوں حکمرانوں کا مشترکہ ایجنڈا ہے۔ نون لیگ اور پیپلزپارٹی کہہ رہی ہیں کہ تحریک انصاف کرپٹ جماعت ہے جبکہ پی ٹی آئی کا دعویٰ ہے کہ پیپلز پارٹی اور مسلم لیگ نے ملک لوٹا ہے۔ حقیقت بھی یہی ہے کہ یہ تینوں پارٹیاں ایک دوسرے کے حوالے سے بالکل سچ کہہ رہی ہیں۔ تینوں نے کرپشن لوٹ مار اقرباء پروری اور سرکاری وسائل کے بے دریع استعمال میں ایک دوسرے کو پیچھے چھوڑا ہے۔
انہوں نے کہا کہ قوم حقیقی تبدیلی کی منتظر ہے، 21 سے 25 نومبر تک مینار پاکستان لاہور کے سائے تلے لاکھوں افراد جماعت اسلامی کے اجتماع عام شریک ہوں گے۔ ان خیالات کا اظہار سابق رکن قومی اسمبلی اور جماعت اسلامی خیبر پختونخوا وسطی کے جنرل سیکرٹری صابر حسین اعوان نے جماعت اسلامی پاکستان کے کل پاکستان اجتماع عام کی تیاریوں کے سلسلے میں جماعت اسلامی اقلیتی ونگ کے اہم اجلاس سے خطاب کرتے ہوئے کیا، جو جماعت اسلامی کے صوبائی ہیڈکوارٹر مرکز اسلامی پشاور میں منعقد ہوا۔ اجلاس میں جماعت اسلامی کے صوبائی نائب امیر میاں صہیب الدین کاکاخیل سمیت جماعت اسلامی اقلیتی ونگ کے صوبائی صدر جاوید گل اور ضلع پشاور کے صدر ناصر منٹو نے شرکت کی۔ اجلاس میں 21,22,23 نومبر کو مینار پاکستان لاہور میں جماعت اسلامی پاکستان کے کل پاکستان اجتماع عام میں صوبہ بھر سے اقلیتی برادری کی شرکت کےحوالے سے بھرپور منصوبہ بندی کی گئی۔
دل دہلا دینے والے واقعات کی ایک جھلک