وزیرِ ریلوے محمد حنیف عباسی کی ترکی کے وزیرِ ٹرانسپورٹ و انفراسٹرکچر عبدالقادر اورالو سے ملاقات
اشاعت کی تاریخ: 26th, October 2025 GMT
وزیرِ ریلوے محمد حنیف عباسی نے ترکی کے وزیرِ ٹرانسپورٹ و انفراسٹرکچر عبدالقادر اورالوسے اہم ملاقات کی۔ ملاقات میں دوطرفہ تعاون، علاقائی روابط، اور ریلوے کے شعبے میں مشترکہ منصوبوں پر تفصیلی تبادلہ خیال کیا گیا،پاکستان اور ترکی کے درمیان ریلوے، ٹرانسپورٹ اور انفراسٹرکچر کے شعبوں میں تعاون کے فروغ پر اتفاق کیاگیا۔
تفصیلات کے مطابق اسلام آباد میں منعقدہ ریجنل ٹرانسپورٹ منسٹرز کانفرنس 2025 کے موقع پر وفاقی وزیرِ ریلوے محمد حنیف عباسی نے ترکی کے وزیرِ ٹرانسپورٹ و انفراسٹرکچر عبدالقادر اورالو (Abdulkadir Uralolu) سے اہم ملاقات کی۔ ملاقات میں دوطرفہ تعاون، علاقائی روابط، اور ریلوے کے شعبے میں مشترکہ منصوبوں پر تفصیلی تبادلہ خیال کیا گیا۔وفاقی وزیرِ ریلوے محمد حنیف عباسی نے اس موقع پر کہا کہ وزیراعظم پاکستان کے وژن کے تحت ریلوے کے شعبے میں جدیدیت، توسیع اور ڈیجیٹل اصلاحات پر بھرپور عملدرآمد جاری ہے تاکہ قومی ٹرانسپورٹ نظام کو جدید خطوط پر استوار کیا جا سکے۔ انہوں نے کہا کہ پاکستان اور ترکی کے درمیان دہائیوں پر محیط برادرانہ، دینی اور ثقافتی تعلقات وقت کے ہر امتحان پر پورے اترے ہیں، اور اب یہ تعلقات معاشی و تکنیکی تعاون کے نئے دور میں داخل ہو رہے ہیں۔
محمد حنیف عباسی نے بتایا کہ پاکستان ریلوے بنیادی ڈھانچے کی ڈیجیٹلائزیشن، فلیٹ اپ گریڈیشن، اور آپریشنل کارکردگی میں بہتری کے لیے جامع اقدامات کر رہا ہے۔ انہوں نے کہا کہ ان اصلاحات کا مقصد عوام کو بہتر سفری سہولیات فراہم کرنا، فریٹ ٹریفک بڑھانا اور ملکی معیشت کو مستحکم بنانا ہے۔ملاقات میں دونوں وزرا نے ریلوے انجینئرنگ، ٹیکنالوجی ٹرانسفر، اور افرادی قوت کی تربیت کے شعبوں میں تعاون بڑھانے پر اتفاق کیا۔
وزیرِ ریلوے نے کہا کہ ترکی کے ساتھ تکنیکی اشتراک پاکستان ریلوے کے ترقیاتی اہداف کے حصول میں مددگار ثابت ہوگا۔انہوں نے کہا کہ ترکی کے پاس ریلوے کے جدید نظام، لاجسٹک کاریڈورز اور ٹرانسپورٹ پلاننگ کا وسیع تجربہ ہے، جس سے پاکستان بھرپور استفادہ کرے گا۔
ملاقات کے دوران لاجسٹک کاریڈورز، بندرگاہی روابط، اور جدید ٹرانسپورٹ نیٹ ورک کے قیام پر بھی تفصیلی بات چیت ہوئی۔دونوں ممالک نے اتفاق کیا کہ ٹرانسپورٹ اور انفراسٹرکچر کے شعبوں میں تعاون کو مثر اور نتیجہ خیز بنانے کے لیے ایک مشترکہ ورکنگ گروپ تشکیل دیا جائے گا، جو مختلف منصوبوں کی پیش رفت، فزیبلٹی اسٹڈیز، اور سرمایہ کاری کے امکانات کا جائزہ لے گا۔ترکی کے وزیرِ ٹرانسپورٹ و انفراسٹرکچر عبدالقادر اورالو نے پاکستان کی تجاویز کا خیرمقدم کیا اور کہا کہ ترکی پاکستان کے ساتھ اپنے تعلقات کو معاشی شراکت داری اور علاقائی ترقی کے نئے میدانوں تک وسعت دینے کا خواہاں ہے۔
وفاقی وزیرِ ریلوے محمد حنیف عباسی نے ترکی کے وزیر اور ان کے وفد کا شکریہ ادا کرتے ہوئے کہا کہ پاکستان ترکی کے ساتھ اپنے تعلقات کو نئی بلندیوں تک لے جانے کے لیے پرعزم ہے۔ انہوں نے کہا کہ پاکستان اور ترکی کا اشتراک علاقائی روابط، سرمایہ کاری، اور جدید ریلوے نظام کے قیام میں سنگِ میل ثابت ہوگا۔
اشتہار
ذریعہ
ذریعہ: Al Qamar Online
کلیدی لفظ: پاکستان کھیل ریلوے محمد حنیف عباسی نے انہوں نے کہا کہ ترکی کے وزیر کہ پاکستان ریلوے کے
پڑھیں:
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال WhatsAppFacebookX 0 23 July, 2026 سب نیوز
اسلام آباد(آئی پی ایس ) وزیراعظم محمد شہباز شریف سے چین کی معروف کمپنی فیمسن کے چیف ایگزیکٹو افسر جیک چین کی قیادت میں وفد نے ملاقات کی، جس میں پاکستان میں غذائی تحفظ، جدید زرعی ٹیکنالوجی اور فوڈ اسٹوریج کے منصوبوں پر تبادلہ خیال کیا گیا۔
وزیراعظم نے چینی وفد کو پاکستان آمد پر خوش آمدید کہتے ہوئے کہا کہ پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان بزنس ٹو بزنس تعاون سے یہ دوستی مزید مستحکم ہوگی۔شہباز شریف نے فیمسن کی جانب سے پاکستان میں اجناس کے اسٹوریج مراکز کو جدید اسٹیٹ آف دی آرٹ مراکز میں تبدیل کرنے کے منصوبے کا خیرمقدم کرتے ہوئے کہا کہ اس سے زرعی شعبے میں جدید ٹیکنالوجی متعارف ہوگی، غذائی تحفظ میں بہتری آئے گی اور تجارتی سرگرمیوں کو فروغ ملے گا۔
وزیراعظم نے ہدایت کی کہ ان منصوبوں میں پاکستان کی افرادی قوت کی ہنرمندی اور پیشہ ورانہ تربیت کو بھی شامل کیا جائے تاکہ مقامی افرادی قوت جدید زرعی ٹیکنالوجی سے مستفید ہو سکے۔فیمسن کے چیف ایگزیکٹو جیک چین نے پرتپاک میزبانی پر وزیراعظم اور حکومت پاکستان کا شکریہ ادا کرتے ہوئے بتایا کہ وزیراعظم کے حالیہ دور چین کے دوران ہونے والی ملاقات کے نتیجے میں وہ پاکستان آئے ہیں تاکہ غذائی تحفظ سے متعلق قابلِ عمل منصوبوں کو آگے بڑھایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپراسیکیوٹر جنرل کی تعیناتی اسلام آباد بار سے ہو گی:اعظم نذیر تارڑ اگلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
تحریکِ تحفظِ آئینِ پاکستان کا پارلیمنٹ ہائوس سے دھرنا ختم