اداروں کے خلاف پروپیگنڈا قومی سالمیت سے کھیلنے کے مترادف ہے، حنیف عباسی
اشاعت کی تاریخ: 7th, December 2025 GMT
اسلام آباد(نیوز ڈیسک) وفاقی وزیر ریلوے حنیف عباسی نے اپوزیشن جماعت پاکستان تحریک انصاف (پی ٹی آئی) پر سخت تنقید کرتے ہوئے الزام عائد کیا کہ پارٹی کی پوری سیاسی حکمتِ عملی ریاستی اداروں کو نشانہ بنانے اور ملکی استحکام کو نقصان پہنچانے پر مبنی ہے۔ انہوں نے کہا کہ پی ٹی آئی کا بیانیہ کسی ایک فرد کے خلاف نہیں بلکہ “ریاستی اداروں کو متنازع بنانے کی ایک منظم کوشش” ہے۔
حنیف عباسی نے نیوز کانفرنس کرتے ہوئے کہاکہ عالمی طاقتیں پاکستان کے ایٹمی پروگرام کے آغاز سے ہی ملک کے حساس اداروں کو کمزور کرنے کی کوشش کرتی رہی ہیں، اور اسی ایجنڈے کے تحت “پراکسیز” کے ذریعے حملے بھی ہوتے رہے۔ ان کا کہنا تھا کہ پی ٹی آئی انہی کوششوں کو اندرونی طور پر تقویت دینے کی ذمہ دار ہے۔
وزیر ریلوے نے کہا کہ اگر پی ٹی آئی کی مخالفت صرف ایک شخص تک محدود ہوتی تو وہ شہداء کے خلاف بیانات نہ دیتی اور نہ ہی ریاستی اہلکاروں سے ملاقات کرنے پر اپنے ہی ارکانِ اسمبلی کو “غدار” قرار دیتی۔ انہوں نے کہا کہ “دو اور پانچ دسمبر کے پی ٹی آئی کے ٹویٹس اٹھا کر دیکھ لیں کہ بیانیہ کس بنیاد پر کھڑا ہے۔”
حنیف عباسی نے کہا کہ پی ٹی آئی قیادت نے ملکی مفادات کو نظر انداز کرتے ہوئے اپنے سیاسی فائدے کے لیے ریاستی اداروں کی ساکھ کو نقصان پہنچانے کی کوشش کی۔ انہوں نے کہا کہ حالیہ بیانات میں پی ٹی آئی رہنماؤں نے دہشت گرد عناصر کو “اپنے لوگ” قرار دے کر ان کی کارروائیوں کو جواز دیا، جو افسوس ناک ہے۔
انہوں نے دعویٰ کیا کہ ریاست اور افواج پاکستان کے خلاف بیانیہ تشکیل دینے کی کوششیں مسلسل ناکام ہوں گی۔ “یہ وہی ملک ہے جہاں بنگلادیش اور وسط ایشیائی ممالک سمیت کئی خطوں میں آج پاکستان زندہ باد کے نعرے گونج رہے ہیں۔ دنیا بھر میں پاکستان کی مثبت شناخت اسی فوج کی قربانیوں کی وجہ سے ہے۔”
حنیف عباسی نے مزید کہا کہ پی ٹی آئی کی جانب سے 9 اور 10 مئی جیسے واقعات ملکی تاریخ پر بدنما داغ ہیں۔ انہوں نے کہا کہ “اگر بات صرف مخالفت تک رہتی تو ایک بات تھی، لیکن شہداء کے مجسموں کی بے حرمتی، جی ایچ کیو اور کور کمانڈر ہاؤس پر حملے ملکی دشمنوں کی خواہشات کی تکمیل تھیں۔”
وزیر ریلوے نے کہا کہ افواج پاکستان نے دہشت گردی کے خلاف جنگ میں جانیں قربان کیں، خواتین اور بچوں کی عزتیں بچائیں، اور ملک کو خانہ جنگی سے بچائے رکھا۔ اس کے برعکس پی ٹی آئی نے اپنی سیاست کی بنیاد نفرت اور اداروں سے محاذ آرائی پر رکھی۔
انہوں نے کہا کہ “قوم نے دیکھا کہ کس طرح پی ٹی آئی نے اپنے لیڈروں اور نمائندوں کو غدار قرار دے کر پارٹی کو اندر سے تقسیم کر دیا۔ آج پی ٹی آئی میں نہ پارلیمانی نظم باقی ہے نہ سیاسی نظریہ۔”
حنیف عباسی نے الزام عائد کیا کہ پی ٹی آئی اپنے اقتدار کے حصول کے لیے بیرونی روابط اور سازشی منصوبوں پر انحصار کر رہی ہے، اور نو مئی کے واقعات سمیت دیگر معاملات میں تحقیقات مکمل ہو چکی ہیں۔ انہوں نے کہا کہ “ملکی سالمیت کے خلاف منصوبہ سازی کرنے والے جلد قانون کے سامنے ہوں گے۔”
انہوں نے اس عزم کا اظہار کیا کہ ریاست مخالف بیانیہ کبھی کامیاب نہیں ہوگا، اور عوام، حکومت اور مسلح افواج متحد ہو کر ملک کی حفاظت کریں گے۔ وزیر نے کہا کہ پاکستان کی فوج، فضائیہ اور بحریہ عوام کے ساتھ کندھے سے کندھا ملا کر کھڑی ہیں، اور ملک دشمن عناصر کے عزائم ناکام بنائے جائیں گے۔
آخر میں حنیف عباسی نے کہا کہ سیاست کے دروازے ہمیشہ کھلے ہیں، لیکن ملکی سالمیت کے خلاف بیانیہ بنانے والوں کے ساتھ مذاکرات ممکن نہیں۔ انہوں نے کہا کہ “پاکستان ہمیشہ قائم و دائم رہے گا، اور ریاست مخالف سازشیں کبھی کامیاب نہیں ہوں گی۔”
.
ذریعہ
ذریعہ: Daily Mumtaz
کلیدی لفظ: انہوں نے کہا کہ حنیف عباسی نے کہ پی ٹی آئی کے خلاف کیا کہ
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ