آزاد کشمیر میں ان ہاؤس تبدیلی کا معاملہ، پیپلز پارٹی کا فارورڈ بلاک سے رابطہ، بیرسٹر سلطان نے اہم عہدہ مانگ لیا
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
آزاد کشمیر کی قانون ساز اسمبلی میں ان ہاؤس تبدیلی کے لیے پیپلز پارٹی نے فارورڈ بلاک سے تعلق رکھنے والے بیرسٹر سلطان محمود چوہدری گروپ سے رابطہ کر لیا ہے۔
ذرائع کے مطابق سلطان محمود گروپ نے پیپلز پارٹی سے اسپیکر آزاد کشمیر اسمبلی کا عہدہ دینے کا مطالبہ کیا ہے۔
ذرائع کا کہنا ہے کہ فریال تالپور آج بیرسٹر سلطان محمود چوہدری کی رہائش گاہ پر ملاقات کے لیے جائیں گی، جہاں وہ مہاجر اراکین اسمبلی سے بھی ملاقات کریں گی۔
مزید بتایا گیا ہے کہ اسپیکر قانون ساز اسمبلی، صدر کی عدم موجودگی میں قائم مقام صدر کے فرائض انجام دیتا ہے، اسی لیے سلطان محمود چوہدری اپنے قریبی ساتھی کو اس عہدے پر دیکھنا چاہتے ہیں۔
ذرائع کے مطابق صدر آزاد کشمیر بیرسٹر سلطان محمود چوہدری علاج کے لیے بیرونِ ملک روانہ ہونے کا ارادہ رکھتے ہیں۔
دوسری جانب مسلم لیگ (ن) آزاد جموں و کشمیر کے صدر شاہ غلام قادر نے کہا ہے کہ پارٹی کی پارلیمانی اجلاس میں فیصلہ کیا گیا ہے کہ ن لیگ حکومت سازی کا حصہ نہیں بنے گی۔
ان کا کہنا تھا کہ مسلم لیگ (ن) آزاد کشمیر کے عوام کے حقوق کے تحفظ کے لیے اپوزیشن بینچوں پر بیٹھ کر بھرپور اور مؤثر کردار ادا کرے گی۔
ذریعہ: Jasarat News
کلیدی لفظ: سلطان محمود چوہدری کے لیے
پڑھیں:
آپ غیرمشروط پیپلز پارٹی میں شامل ہوں: آصف زرداری کا بیرسٹر سلطان گروپ کو پیغام
پاکستان پیپلز پارٹی (پی پی پی) نے آزاد کشمیر میں اپنی حکومت بنانے کا اعلان کردیا ہے، جس کے بعد جوڑ توڑ کا سلسلہ جاری ہے۔
آزاد کشمیر اسمبلی میں پاکستان پیپلز پارٹی کے ارکان کی تعداد 17 ہے، جبکہ تحریک عدم اعتماد کی کامیابی کے لیے 27 ارکان کی حمایت درکار ہے۔
یہ بھی پڑھیں: پیپلز پارٹی کا آزاد کشمیر میں حکومت بنانے کا اعلان، نیا وزیراعظم کون ہوگا؟
ذرائع کے مطابق صدر مملکت آصف علی زرداری نے بیرسٹر سلطان محمود کو پیغام پہنچایا ہے کہ آپ غیر مشروط پیپلز پارٹی میں شامل ہو جائیں، دیگر معاملات بعد میں طے کیے جائیں گے۔
ذرائع کا کہنا ہے کہ بیرسٹر سلطان نے پیپلز پارٹی کی قیادت کو کہا تھا کہ ہم آپ کو وزیراعظم کے لیے ووٹ دے دیتے ہیں، لیکن پارٹی میں باضابطہ شمولیت کا فیصلہ بعد میں کریں گے۔
اس معاملے پر پاکستان پیپلز پارٹی (پی پی پی) آزاد کشمیر امور کی انچارج فریال تالپور آج صدر ریاست بیرسٹر سلطان محمود چوہدری سے ملاقات کریں گی، اور انہیں باضابطہ پیپلز پارٹی میں شمولیت پر راضی کرنے کی کوشش کریں گی۔
بیرسٹر سلطان محمود کے گروپ میں 8 ارکان اسمبلی شامل ہیں، ان کی باضابطہ پیپلز پارٹی میں شمولیت کے بعد پیپلز پارٹی کے ارکان کی تعداد 25 ہو جائےگی۔
بیرسٹر سلطان محمود نے 2021 کے انتخابات میں پی ٹی آئی کے ٹکٹ پر کامیابی حاصل کی تھی، بعد ازاں انہیں صدر ریاست بنا دیا گیا تو ان کے فرزند ضمنی الیکشن میں میرپور کی سیٹ سے فاتح قرار پائے تھے۔
بعد ازاں جب پی ٹی آئی آزاد کشمیر میں فارورڈ بلاک بن گیا تو بیرسٹر سلطان کا دھڑا بھی اس میں شامل ہو کر وزیراعظم چوہدری انوارالحق کی کابینہ کا حصہ بن گیا۔
یہ بھی پڑھیں: مسلم لیگ ن آزاد کشمیر میں حکومت سازی کا حصہ نہیں بنے گی، راجہ فاروق حیدر
دوسری جانب پاکستان مسلم لیگ ن نے فیصلہ کیا ہے کہ ہم آزاد کشمیر میں کسی بھی تبدیلی کے عمل کا حصہ نہیں بنیں گے اور اپوزیشن بینچوں پر بیٹھیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری بیرسٹر سلطان پاکستان پیپلز پارٹی پی پی پی تحریک عدم اعتماد وی نیوز
طورخم تجارتی گزرگاہ نو ویں روزبھی ہرقسم کی آمدورفت کیلئے بند