جماعت اسلامی ایک حقیقت، اہل کراچی کے حقوق کیلیے پُرامن جدوجہد جاری رہیگی، منعم ظفر خان
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی:۔ امیر جماعت اسلامی کراچی منعم ظفر خان نے علاقہ سعدی ٹاﺅن و کنٹونمنٹ ایریا کے تحت ممبر کنونشن سے خطاب کرتے ہوئے کہا ہے کہ جماعت اسلامی شہر کی ایک حقیقت ہے، بلدیاتی الیکشن میں ہمارے مینڈیٹ پر ڈاکہ ڈالا گیا، ہماری جیتی ہوئی یونین کونسلز چھینی اور میئرشپ پر قبضہ کیا گیا، 173 والے کو جتوا دیا اور 193 والے کو ہروادیا گیا۔
انہوں نے کہاکہ جماعت اسلامی کے منتخب بلدیاتی نمائندے محدود وسائل واختیارات کے باوجود اہل کراچی کی خدمت میں مصروف ہیں، ہم نے دوسال کے عرصے میں 171 پارکس اور کھیلوں کے میدان ازسر نو بحال کیے ہیں، 42 سرکاری اسکولوں کی تعمیر نو کی، لاکھوں کی تعداد میں اسٹریٹ لائٹس لگوائی اور پیور بلاکس نصب کیے، آج ہر شہری جماعت اسلامی کے 9ٹاﺅنز میں کیے جانے والے کاموں کی بات کرتا ہے، جنہیں دیکھ کر سندھ حکومت بوکھلاگئی ہے۔
منعم ظفر نے کہاکہ جماعت اسلامی حکمرانو ں کا تعاقب کر تی اور اہل کراچی کے حقوق حاصل کر نے کے لیے پُرامن اور جمہوری جدوجہد جاری رکھے گی، اجتماعی جدوجہد ہی مسائل کا حل ہے، جماعت اسلامی اہل کراچی کے مسائل کے حل کے لیے کمیٹیاں تشکیل دے رہی ہے، 21,22,23 نومبر کو لاہور میں مینار پاکستان کے سائے تلے “بدلو نظام کو” کے عنوان سے ہونے والا اجتماع عام ملک میں عدل کے نظام کے قیام کی جدو جہد میں ایک سنگ میل ثابت ہوگا، اس اجتماع میں اس عہد کی تجدید کی جائے گی جو 23مارچ 1940ءکو قرار داد پاکستان پاس کرتے ہوئے کیا گیاتھاکہ پاکستان کامطلب کیا، لاالہ الا اللہ۔
منعم ظفر نے کہاکہ ہم اہل کراچی سمیت پورے پاکستان کے عوام سے اپیل کرتے ہیں کہ اس اجتماع عام میں اپنی فیملیز کے ہمراہ بھرپور شرکت کریں۔ جماعت اسلامی کے قیام کا مقصد اللہ کی زمین پر اللہ کے نظام کو قائم کرنا ہے ،ہم انسانوں کو انسانوں کی غلامی سے نکال کر ایک خدائے واحد کی غلامی میں لانے کی جدوجہد کررہے ہیں۔ ہمیں ظلم کے نظام کے خاتمے اور عدل کے نظام کو قائم کرنے کے لیے اجتماعیت سے وابستہ ہونا ہوگا، جماعت اسلامی اُمید سے یقین کے سفر کا نام ہے ، ہم بندگان خدا کی خدمت کو دین کا کام سمجھ کر انجام دیتے ہیں، ہم نے اہل کراچی کے بجلی ،پانی ، گیس ،نادرا و بحریہ ٹاﺅن کے متاثرین کے مسائل سمیت متعدد مسائل حل کروائے ہیں۔
ذریعہ
ذریعہ: Jasarat News
کلیدی لفظ: جماعت اسلامی اہل کراچی کے کے نظام
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی