پی سی ڈھابہ، پنجاب یونیورسٹی کی ایک خوبصورت روایت
اشاعت کی تاریخ: 12th, December 2025 GMT
پی سی ڈھابہ، لاہور کی پنجاب یونیورسٹی (نیو کیمپس) میں واقع ایک انتہائی معروف اور محبوب کھانے پینے کی جگہ ہے۔ روایتی، سادہ مگر بے حد لذیذ کھانے اس ڈھابے کی پہچان ہیں۔ یہاں چائے، پراٹھے، دال چاول، چکن کڑاہی اور دیگر دیسی پکوان نہایت مناسب قیمت پر دستیاب ہوتے ہیں۔
یہ بھی پڑھیں: لاہور کا ڈھابہ نما چھوٹا پی سی ہوٹل، لوگ دور دراز سے یہاں کیوں آتے ہیں؟
یہ جگہ صرف کھانے پینے کا مقام نہیں، بلکہ پنجاب یونیورسٹی کے کلچر کا ایک اہم حصہ ہے۔ یہاں علمی گفتگو، دوستوں کی محفلیں، گپ شپ اور یادوں کی نشستیں اکثر جمتی رہتی ہیں۔ صبح کے ناشتے سے لے کر رات گئے تک یہاں کا ماحول ہمیشہ دوستانہ، آرام دہ اور زندگی سے بھرپور رہتا ہے۔
پی سی ڈھابے کے مالک منظور چاچا کا کہنا ہے کہ 40 سال سے ہر پروفیسر، ہر طالبِ علم اور ہر ملازم میرے پاس کھانا کھانے آتے ہیں۔ آج بھی وہی محبت اور وہی رونق قائم ہے۔
پنجاب یونیورسٹی کے ایک طالب علم کا کہنا ہے پی سی ڈھابہ آج بھی لاہور میں میری پسندیدہ ترین جگہوں میں سے ایک ہے۔ یہاں سستے داموں معیاری اور سادہ کھانا ملتا ہے اور ساتھ ہی زمانۂ طالب علمی کی یادیں بھی تازہ ہو جاتی ہیں۔ ہمارے لیے پی سی ڈھابہ کسی نعمت سے کم نہیں۔
یہ بھی پڑھیں: صحافت چھوڑ کر ڈھابہ کھولنے والا ضلعی انتظامیہ کے ہاتھوں پریشان، ویڈیو وائرل
میں خود بھی گزشتہ 3، 4 سال سے یہاں آتا جاتا رہا ہوں۔ دوستوں کے ساتھ چائے پینے، کھانا کھانے اور علمی و ادبی موضوعات پر گفتگو کا لطف یہاں کچھ اور ہی ہے۔ اکثر ہم کلاس فیلوز مل کر یہاں آتے اور حالاتِ حاضرہ سمیت مختلف موضوعات پر خوبصورت محفلیں جمتیں۔
ایک خاص بات یہ ہے کہ پنجاب یونیورسٹی کے وہ سابقہ طلبہ جو آج بڑے آفیسر ہیں یا مختلف شعبوں میں اچھی پوزیشن پر ہیں، وہ بھی آج تک پی سی ڈھابے پر کھانا کھانے آتے ہیں۔ یہ بات ثابت کرتی ہے کہ اس جگہ کا ذائقہ اور ماحول سب کے دل میں آج بھی وہی مقام رکھتا ہے، پی سی ڈھابہ واقعی پنجاب یونیورسٹی کی ایک خوبصورت روایت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پنجاب یونیورسٹی چھوٹا پی سی ڈھابہ لاہور.
ذریعہ
ذریعہ: WE News
کلیدی لفظ: پاکستان پنجاب یونیورسٹی چھوٹا پی سی ڈھابہ لاہور پنجاب یونیورسٹی پی سی ڈھابہ
پڑھیں:
آئی جی پنجاب نے27افسران کے تقرروتبادلے کر دیے
سٹی 42: آئی جی پنجاب نے27افسران کے تقرروتبادلے کر دیے ۔
علی رضاکوڈی ایس پی انٹیلی جنس سپیشل برانچ لاہورتعینات کردیاگیا،عامر اقبال ڈی ایس پی انکوائری لاہور سے ڈی ایس پی صدر سپیشل برانچ لاہور ریجن تعینات کیا ۔ محمد خالد کاایس ڈی پی او فورٹ عباس بہاولنگر سے تبادلہ کرکے ڈی ایس پی انٹیلی جنس سپیشل برانچ گوجرانوالہ تعینات کردیا گیا
انعام الحق منتظر تقرری سے ڈی ایس پی سٹی سپیشل برانچ لاہور ریجن تعینات کیا گیا ۔ ناصر محمود کا ڈی ایس پی آرگنائزڈ کرائم ننکانہ صاحب سے تبادلہ کرکے ڈی ایس پی انٹیلی جنس سپیشل برانچ شیخوپورہ تعینات کردیا ۔
محمد اکبر محمود ڈی ایس پی صدر لیہ سے ڈی ایس پی انویسٹی گیشن مظفرگڑھ تعینات ،محمد بشیر کوڈی ایس پی آئی اے بی شیخوپورہ ریجن تعینات کردیاگیا۔رائے عبدالغفار ڈی ایس پی ایچ پی حافظ آباد تعینات ہوگئے ۔ اشفاق احمد ڈی ایس پی سی سی ڈی مظفرگڑھ سے ڈی ایس پی سی سی ڈی کوٹ ادوتعینات ہوگئے ۔ محمد دانش ضلعی ٹریفک افسر اوکاڑہ سے ٹریفک افسر رنگ روڈ پولیس لاہورتعینات جبکہ وحید اسحاق ڈی ایس پی صدر مقام ڈولفن سکواڈ لاہورتعینات ہوگئے ۔
منصور احمد کا ایس ڈی پی او صدر بھکر سے تبادلہ کر دیا گیامنصور احمد ڈی ایس پی وی آئی پی سکیورٹی سپریم کورٹ لاہور رجسٹری تعینات ہوگئے ۔محمد سعید ضلعی ٹریفک افسر سرگودھا سے ٹریفک افسر صدر سٹی ٹریفک پولیس فیصل آبادتعینات ہوئے ۔ مسعود احمد ٹریفک افسر صدر سٹی ٹریفک پولیس فیصل آباد سے ضلعی ٹریفک افسر سرگودھاتعینات ہوگئے ۔
توصیف احمد ڈی ایس پی فسادات پولیس سرگودھا سے ڈی ایس پی انویسٹی گیشن تھری فیصل آبادتعینات ،محمد ارحم ڈی ایس پی تفتیش چار انوسٹی گیشن شاخ پنجاب لاہور سے ڈی ایس پی آپریشنز سول لائنز لاہورتعینات اورعبدالواحد کو ڈی ایس پی آپریشنز کینٹ لاہورتعینات کردیاگیا
بابر علی ڈی ایس پی پریژن اسکارٹ لاہور سے ڈی ایس پی دو بٹالین پانچ پنجاب کانسٹیبلری لاہورتعینات ہوگئے ۔ محمد آصف خان ڈی ایس پی صدر مقام چنیوٹ سے ڈی ایس پی پریژن اسکارٹ لاہورتعینات کیے گئے ۔ محمد احسان اشرف ڈی ایس پی آپریشنز مزنگ لاہور سے سی پی او پنجاب لاہورتعینات کردیے گئے راؤ دلشاد علی ایس ڈی پی او سٹی رحیم یار خان سے ڈی ایس پی آپریشنز مزنگ لاہورتعینات ہوگئے ۔
آج شام و رات سے 27 جولائی تک مزید بارشوں کی پیشگوئی
بھارت سے جنگ اور افغانستان میں کارروائی خارج ازامکان نہیں، وزیردفاع