وزیراعلیٰ کے پی کے سے کورکمانڈر پشاور کی ون آن ون ملاقات،امن وامان کی صورتحال پر گفتگو
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
پشاور: وزیراعلیٰ پختونخوا سہیل آفریدی سے کور کمانڈر پشاور لیفٹیننٹ جنرل عمر احمد بخاری نے ون آن ون ملاقات کی ہے جس میں امن وامان کی صورتحال پر بات چیت ہوئی۔
وزیراعلیٰ سیکریٹریٹ میںہونے والی ملاقات میں صوبے میں امن وامان کی مجموعی صورتحال پر بات چیت کی گئی جبکہ اس دوران گفتگو میں دہشتگردی سے نمٹنے کے حوالے سے اقدامات بھی زیر غور آئے۔اور قبائلی اضلاع میں ترقیاتی منصوبوں کے حوالے سے بھی بات چیت کی گئی۔
میڈیاذرائع کے مطابق وزیر اعلیٰ کا کہنا تھا کہ صوبے میں قیام امن کی کوششوں میں تمام اسٹیک ہولڈرز کو اعتماد میں لیا جائے ، دہشت گردی سے نمٹنے کے لیے مل بیٹھ کر لائحہ عمل تیار کیا جانا ضروری ہے۔
ذریعہ: Jasarat News
پڑھیں:
صوبے کا وزیراعلیٰ ہوں، مجھے کون روک سکتا ہے؟ سہیل آفریدی ایک بار پھر اڈیالہ جیل کے باہر پہنچ گئے
وزیراعلیٰ خیبرپختونخوا سہیل آفریدی نے اڈیالہ جیل جاتے ہوئے داہگل ناکے پر پولیس کی جانب سے روکے جانے پر سخت احتجاج کرتے ہوئے کہا ہے کہ ایک صوبے کے وزیراعلیٰ کے ساتھ ایسا رویہ ناقابلِ قبول ہے۔
داہگل ناکے پر پولیس افسران سے بات چیت میں سہیل آفریدی نے کہا کہ اپنے ہی ملک کے شہریوں کے لیے آپ بارڈر کیوں کھڑے کر رہے ہیں؟ پرسوں بھی روکا گیا، آج بھی، آخر کیا پیغام دینا چاہتے ہیں؟
یہ بھی پڑھیے: خیبرپختونخوا کو جائز حقوق نہیں دیے جارہے، وزیراعلیٰ سہیل آفریدی کا الزام
انہوں نے الزام لگایا کہ گزشتہ روز خواتین کے ساتھ غیر انسانی رویہ اختیار کیا گیا، اور یہ رویہ نفرتوں کو بڑھا رہا ہے۔
سہیل آفریدی کا کہنا تھا کہ میں ایک صوبے کا وزیراعلیٰ ہوں، مجھے کون روک سکتا ہے؟ کیا دنیا کو یہ پیغام دیا جا رہا ہے کہ خیبر پختونخوا پاکستان کا حصہ نہیں؟
خیبرپختونخوا نے کہا کہ وہ 10ویں مرتبہ بانی پی ٹی آئی سے ملاقات کی غرض سے آئے لیکن عدالتی احکامات کے باوجود ملاقات کی اجازت نہیں دی جا رہی۔
یہ بھی پڑھیے: عمران خان سے ملاقات: وزیراعلیٰ سہیل آفریدی کو اڈیالہ جیل جانے سے روک دیا گیا
انہوں نے پنجاب حکومت پر تنقید کرتے ہوئے کہا کہ پنجاب کی جعلی وزیر اعلیٰ کے احکامات پر بانی کی بہنوں پر واٹر کینن استعمال کیا گیا۔ ایک صوبے کے وزیراعلیٰ کے ساتھ ایسا رویہ کیا پیغام دے گا؟
سہیل آفریدی نے دعویٰ کیا کہ بانی پی ٹی آئی اور ان کی اہلیہ کو ناحق قید میں رکھا گیا ہے اور بانی کو قیدِ تنہائی میں رکھا گیا ہے، جس کا حساب لیا جائے گا۔
ان کا کہنا تھا کہ ساڑھے 3 سال سے کوشش ہے کہ مائنس عمران خان کیا جائے۔ لیکن 9 اپریل 2022 کے بعد ان کو ایسی قوم کا سامنا ہے جو بانی سے عشق کرتی ہے۔
یہ بھی پڑھیے: عمران خان کی بہنوں کا اڈیالہ جیل کے قریب دھرنا جاری، پولیس کے علیمہ خان سے مذاکرات
انہوں نے کہا کہ اگر صاحبِ اختیار مذاکرات چاہتے ہیں تو بانی نے یہ اختیار محمود خان اچکزئی اور علامہ راجہ ناصر عباس کو دے دیا ہے، اور حکومت کی کارکردگی اس حد تک خراب ہوچکی ہے کہ نوجوان ملک چھوڑ کر بھاگ رہے ہیں۔
وزیراعلیٰ نے کہا کہ یہ ملک کسی ایک کا نہیں، ہمارا پاکستان ہے اور ہم آزاد عدلیہ اور جمہوریت کی بحالی چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتجاج اڈیالہ جیل بانی پی پی ٹی آئی سہیل آفریدی ملاقات
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر