’’ہیپی برتھ ڈے‘‘ مریم نواز نے زندگی کی 52 بہاریں دیکھ لیں
اشاعت کی تاریخ: 28th, October 2025 GMT
لاہور(ڈیلی پاکستان آن لائن)سابق وزیر اعظم میاں نواز شریف کی صاحبزادی اور وزیراعلیٰ پنجاب مریم نواز نے زندگی کی 52 بہاریں دیکھ لیں۔
اس سلسلے میں ملک بھر میں مسلم لیگ (ن) کے زیر اہتمام سالگرہ تقریبات کا اہتمام کیا جائے گا اور کیک کاٹے جائیں گے۔
نجی ٹی وی چینل دنیا نیوز کے مطابق سابق وزیر اعظم میاں نواز شریف کی صاحبزادی مریم نواز 28 اکتوبر 1973ء کو پیدا ہوئیں، مریم نواز کی شادی 1992ء میں کیپٹن (ر) صفدر سے ہوئی، اعلیٰ تعلیم یافتہ مریم نواز کا سیاسی سفر 2013ء کے انتخابات سے شروع ہوا جب انہوں نے مسلم لیگ (ن) کی انتخابی مہم ایسے زبردست اور کامیاب انداز میں چلائی کہ میاں نواز شریف ملک کے تیسری بار وزیراعظم منتخب ہوگئے۔
پنجاب کے تمام سپیشل ایجوکیشن اداروں میں ہفتے کے روز تعطیل کا اعلان
مریم نواز صرف سیاسی میدان میں ہی نہیں بلکہ خواتین کے حقوق اور بچیوں کی تعلیم کے فروغ میں بھی نمایاں ہیں اور اسی بناء پر برطانوی نشریاتی ادارے نے نواز شریف کے دور اقتدار میں انہیں دنیا کی 100 سربراہان مملکت کی بااثر بیٹیوں میں شامل کیا۔
وزیر اطلاعات و ثقافت پنجاب عظمیٰ زاہد بخاری نے وزیر اعلیٰ پنجاب مریم نواز شریف کیلئے سالگرہ کے موقع پر تہنیتی پیغام جاری کیا اور کہا کہ پنجاب کی عوام کو اتنے تحفے دینے کا شکریہ۔
پنجاب کی عوام کو اتنے تحفے دینے کا شکریہ
ہم سب آپکی لمبی زندگی ،صحت،اور مزید اچھے کام کرنے کی توفیق کی دعا ہی کرسکتے ہیں#HBDCMMARYAM #HBDSuperCMPunjab pic.
سماجی رابطے کی ویب سائٹ ایکس پر عظمیٰ بخاری نے وزیراعلیٰ مریم نواز کی عوام کی خدمت بارے تیار کردہ خصوصی ویڈیو بھی جاری کیا۔
9 مئی سمیت دیگر مقدمات: عدالت نے عمران خان اور بشریٰ بی بی کی گرفتاری سے روک دیا
ان کا کہنا تھا کہ ہم آپ کی لمبی زندگی، صحت اور عوام کی اس سے بڑھ کر خدمت کیلئے دعا گو ہیں۔
ذریعہ: Daily Pakistan
کلیدی لفظ: نواز شریف مریم نواز
پڑھیں:
گھریلوصارفین کیلئے گیس کنکشن کھولنے کا اعلان ، عوام کا دیرینہ مطالبہ پورا کردیا ‘ وزیر اعظم
اسلام آباد+ لاہور (نوائے وقت رپورٹ+ خصوصی نامہ نگار+نیوز رپورٹر) وزیراعظم محمد شہباز شریف نے آج سے ملک بھر میں گھریلو گیس کنکشن کھولنے کا اعلان کردیا۔ اسلام آباد میں گھریلو گیس کنکشن کی بحالی کی تقریب سے خطاب کرتے ہوئے کہا کہ اب پاکستان کے عوام کا ایک دیرینہ مطالبہ پورا ہوگیا ہے۔ گھریلو صارفین کے لیے ملک بھر میں گیس کنکشن کھولنے کا فیصلہ کیا گیا ہے۔ 2022 میں پی ڈی ایم کی حکومت بنی تو چاروں طرف سے بے پناہ دباؤ تھا کہ گیس کا کنکشن دیا جائے، ہمیں گیس کی فراہمی میں مشکلات تھیں، ہر درخواست دہندہ سے ہمیں معذرت کرنا پڑی تھی۔ گیس کی پائپ لائن اور اس کا انفراسٹرکچر بچھانے کے ناصرف احکامات دیے جاچکے تھے بلکہ فنڈز بھی مہیا کیے جاچکے تھے، اور وہ انفراسٹرکچر بن بھی گیا مگر گیس دستیاب نہیں تھی۔ تاہم آج وہ دن آیا ہے کہ پورے پاکستان میں گھریلو صارفین کے لیے معیاری ایندھن ری گیسیفائیڈ لیکویڈ نیچرل گیس (آر ایل این جی) کے کنکشن کا اجرا کیا جارہا ہے۔ وزیراعظم نے کہا کہ لاکھوں درخواستیں موصول ہوچکی ہیں، آج خوشی کا دن ہے۔ یہی وہ تسلسل ہے جو میاں نواز شریف کے دور سے چلا آرہا ہے، جب 2013 میں نواز شریف تیسری مرتبہ وزیراعظم بنے تو پورے پاکستان میں 20،20 گھنٹے کی لوڈشیڈنگ اور اندھیرے تھے۔ نوازشریف نے آتے ہی اندھیرے ختم کیے۔ علاوہ ازیں وزیراعظم شہبازشریف نے جاتی امراء میں صدر پاکستان مسلم لیگ (ن) محمد نواز شریف سے اہم ملاقات کی جس میں ملکی سیاسی صورتحال پر تبادلہ خیال کیا گیا۔ ملاقات میں نائب وزیراعظم اسحاق ڈار اور وزیراعلیٰ پنجاب مریم نواز شریف بھی موجود تھے۔ مسلم لیگ کے رہنمائوں نے ملکی معاشی صورتحال کے علاوہ پارٹی معاملات پر بھی بات چیت کی۔ اس موقع پر نواز شریف نے گفتگو کرتے ہوئے کہا کہ ملکی معیشت کو مزید مضبوط کرنا ہے۔ وقت گزرنے کے ساتھ ساتھ ملک ترقی کی جانب جا رہا ہے۔ انہوں نے وزیراعظم شہباز شریف کو مخاطب کرتے ہوئے کہا کہ آپ کی انتھک محنت کی دنیا بھی تعریف کرتی ہے۔ نواز شریف نے مریم نواز کے کردار کو بھی سراہتے ہوئے کہا کہ مریم نواز پنجاب میں امن و امان کے حوالے سے بہترین اقدامات اٹھا رہی ہیں، ان کی قیادت میں پنجاب ترقی کی منازل طے کر رہا ہے۔ بعدازاں وزیراعظم شہباز شریف نے پاکستان مسلم لیگ (ن) کے سینئر رہنما میاں مرغوب احمد کی رہائش گاہ پر جا کر ان کی اہلیہ کی وفات پر اظہار افسوس اور فاتحہ خوانی کی، مرحومہ کے لیے بلندی درجات کی دعا کی۔ دریں اثناء وزیراعظم شہباز شریف آج سعودی عرب کے تین روزہ دورے پر ریاض روانہ ہوں گے۔ وزیراعظم کا دورہ سعودی ولی عہد و وزیراعظم شہزادہ محمد بن سلمان کی دعوت پر ہوگا۔ شہباز شریف اعلیٰ سطحی وفد کے ہمراہ ریاض جائیں گے۔ وفد میں نائب وزیراعظم و وزیرِ خارجہ اسحاق ڈار سمیت کابینہ کے سینئر اراکین بھی شامل ہیں۔ وزیرِاعظم 27 سے 29 اکتوبر تک مستقبل کی سرمایہ کاری کانفرنس ’’ایف آئی آئی 9‘‘ میں شرکت کریں گے۔ وزیراعظم محمد شہباز شریف سے امیر مرکزی جمعیت اہلحدیث پاکستان سینیٹر ڈاکٹر حافظ عبدالکریم نے ایک اہم ملاقات کی۔ ملاقات میں ملک کی موجودہ سیاسی و معاشی صورتحال، قومی یکجہتی کے فروغ، استحکام پاکستان، بین المسالک ہم آہنگی اور امت مسلمہ کے اتحاد پر تفصیلی تبادلہ خیال کیا گیا۔ اس موقع پر مرکزی جمعیت اہلحدیث پاکستان کے رابطہ سیکرٹری ملک سلمان منگلا بھی موجود تھے۔ ملاقات میں پاک سعودی عرب دفاعی معاہدے، عالمی و علاقائی امن اور حکومت کی سفارتی کوششوں سے پاکستان کے عالمی وقار کی بحالی کے موضوعات پر بھی تفصیل سے گفتگو ہوئی۔ وزیراعظم شہباز شریف نے اس موقع پر مرکزی جمعیت اہلحدیث کے مثبت کردار کو سراہا اور کہا کہ یہ جماعت حکومت کی اتحادی ہے اور حکومت اسے قدر کی نگاہ سے دیکھتی ہے۔ انہوں نے اس موقع پر سابق امیر مرکزی جمعیت اہلحدیث سینیٹر پروفیسر ساجد میر مرحوم کی دینی خدمات، اتحاد امت کے فروغ اور سیاست میں ان کے مثبت کردار کو زبردست خراج تحسین پیش کیا۔
کراچی؛ ڈیفنس میں حساس ادارے کی کارروائی، معروف بلڈر زیر حراست