برطانوی رکن پارلیمنٹ کیجانب سے اسرائیلی سفیر کی بے دخلی کا مطالبہ
اشاعت کی تاریخ: 29th, October 2025 GMT
برطانوی لیبر پارٹی سے مسلمان رکن پارلیمنٹ نے غزہ کیخلاف بڑے پیمانے پر وحشیانہ حملوں کیلئے اسرائیلی وزیر اعظم کے حکم پر لندن سے مطالبہ کیا ہے کہ وہ قابض صیہونی رژیم سے تمام تعلقات منقطع کر لے اسلام ٹائمز۔ "اسرائیلی سفیر کو ملک بدر اور اسرائیلی سفارتخانے کو بند کیا جائے" یہ الفاظ؛ غزہ کے خلاف وسیع حملات پر مبنی قابض اسرائیلی وزیر اعظم بینجمن نیتن یاہو کے تازہ حکم پر برطانوی پارلیمنٹ کی مسلمان رکن زارا سلطانہ کا ردعمل تھے۔ اسرائیل کے ساتھ سفارتی تعلقات منقطع کرنے کا مطالبہ کرتے ہوئے زارا سلطانہ نے مزید کہا کہ نسل پرست و نسل کش اسرائیلی رژیم کے ساتھ تمام سفارتی تعلقات بھی منقطع کئے جائیں۔
واضح رہے کہ "غزہ میں موجود اسرائیلی قیدیوں کی لاشوں کی واپسی میں تاخیر" کا بہانہ بناتے ہوئے قابض و سفاک اسرائیلی وزیر اعظم نے گذشتہ شب غزہ کی پٹی کے خلاف "فی الفور طاقتور حملوں" کا حکم دیا تھا۔
غزہ سے طبی ذرائع کے مطابق، غاصب صیہونی رژیم کی جانب سے صرف 2 شہروں غزہ و خان یونس پر ہونے والے حملوں میں ہی کم از کم 20 عام شہری شہید اور 50 سے زائد زخمی ہوئے ہیں۔ غزہ کی پٹی سے الجزیرہ کے رپورٹر کا کہنا ہے کہ اس دوران اسرائیلی لڑاکا طیاروں نے الجلا اسٹریٹ کے ساتھ ساتھ غزہ کے شمال مشرقی علاقوں، الشجاعیہ محلے اور غزہ شہر کے مغرب میں واقع دسیوں گھروں کو نشانہ بنایا ہے۔
ذریعہ
ذریعہ: Islam Times
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار