فیلڈ مارشل کو بلاول کا اجرک و ٹوپی کا تحفہ، دارالحکومت میں قیاس آرائیاں
اشاعت کی تاریخ: 14th, December 2025 GMT
اسلام آباد(ویب ڈیسک) کراچی میں ہونے والی 35 ویں نیشنل گیمز کی اختتامی تقریب میں مہمان خصوصی فیلڈ مارشل عاصم منیر کو بلاول بھٹو نے روایات کے مطابق سندھی اجرک اور ٹوپی کا روایتی تحفہ کیا پیش کیا۔
اس واقعے کے بعد وفاقی دارالحکومت کی سردی میں لپٹی ہوئی ٹھنڈی سیاست میں قیاس آرائیوں کی ایک لہر سی دوڑ گئی حالانکہ پاکستان آرمی کی ٹیم ان مقابلوں میں واضح برتری کے ساتھ فاتح تھی اس لیے اگر فیلڈ مارشل نے جوانوں کی حوصلہ افزائی کے لیے اس تقریب میں مہمان خصوصی بننے کی دعوت قبول کی تو اس میں اچنبھے کی کیا بات تھی۔
اگر انہوں نے موقع کی مناسبت سے یونیفارم کی بجائے عوامی لباس کا انتخاب کیا تو اس میں بھی اندیشوں کی کوئی بات نہیں کیونکہ بعض حلقے تو کافی عرصے سے انہیں عوامی لباس میں ہی دیکھنے کے متمنی ہیں ہاں اتنا ضرور ہے کہ وزیراعلیٰ پنجاب مریم نواز کی جانب سے بلاول بھٹو کی لاہور سیشن آمد کے حوالے سے پذیرائی کا ٹوئٹ اور اس سے قبل بلاول بھٹو کی جانب سے پنجاب میں ترقیاتی کاموں کی تعریف قابل ذکر تھی اور یہ واقعہ چونکہ صرف 3 یا 4 دن پرانا تھا اس لیے بعض لوگ تو ہفتے کو ہونے والی تقریب کے تناظر میں ان دونوں واقعات میں کوئی معنی خیز مماثلت تلاش کر رہے ہیں۔
بلال بھٹو نے لاہور میں ایک ہفتے قیام کے دوران سیاسی طور پر مصروف ترین دن گزارا اور میڈیا سے آف دی ریکارڈ گفتگو بھی کی اور ایسی اطلاع بھی موجود ہے کہ اپنے قیام کے دوران بلاول بھٹو نے رائیونڈ میں ایک عشائیے میں بھی شرکت کی لیکن جب ایک سینئر صحافی نے ان سے اس بارے میں استفسار کیا تو اس کی تصدیق یا تردید کی بجائے بلاول بھٹو نے محض مسکراہٹ پر اکتفا کیا۔
صدر آصف علی زرداری کو پنجاب میں پروٹوکول نہ دیے جانے پر پیپلز پارٹی کے شاکی رہنماؤں کا گلہ شکوہ دورکیا۔
یاد رہے کہ اس سے قبل پاکستان پیپلز پارٹی کے رہنماؤں کو یہ شکوہ اور شکایت رہتی تھی کہ جب صدر آصف علی زرداری لاہور آتے ہیں تو انہیں پروٹوکول نہیں ملتا۔
.ذریعہ: Daily Mumtaz
کلیدی لفظ: بلاول بھٹو بھٹو نے
پڑھیں:
فیلڈ مارشل سید عاصم منیر کا گوجرانوالہ اور سیالکوٹ گیریژنز کا دورہ، جنگی تیاریوں کا جائزہ
فیلڈ مارشل سید عاصم منیر، نشانِ امتیاز (ملٹری)، ہلالِ جرأت، چیف آف آرمی اسٹاف اور چیف آف ڈیفنس فورسز نے گوجرانوالہ اور سیالکوٹ گیریژنز کا دورہ کیا، جہاں انہیں فارمیشن کی آپریشنل تیاریوں اور جنگی صلاحیتوں کو مزید مضبوط بنانے کے لیے کیے گئے اہم اقدامات پر بریفنگ دی گئی۔
آئی ایس پی آر کے مطابق، دورے کے دوران فیلڈ مارشل نے فیلڈ ٹریننگ ایکسرسائز اور جدید سمیولیٹر ٹریننگ سہولت کا مشاہدہ کیا اور فارمیشن کے اعلیٰ پیشہ ورانہ معیار اور مجموعی تیاری کو سراہا۔ اس موقع پر انہوں نے کہا کہ جدید جنگی تقاضے تیز فیصلہ سازی، درستگی، حالات سے فوری آگاہی اور تکنیکی ہم آہنگی کے متقاضی ہیں۔
افسران اور جوانوں سے گفتگو کرتے ہوئے فیلڈ مارشل سید عاصم منیر نے ان کے بلند حوصلے اور قومی سلامتی کے لیے غیر متزلزل عزم کی تعریف کی، اور مشن پر مبنی، سخت اور مسلسل تربیت کی اہمیت پر زور دیا۔
یہ بھی پڑھیں:خیبر پختونخوا اسمبلی میں فیلڈ مارشل عاصم منیر کا پوسٹر لانے پر ہنگامہ، اجلاس ملتوی
انہوں نے کہا کہ پاکستان آرمی اندرونی اور بیرونی دونوں طرح کے چیلنجز سے نمٹنے کے لیے پوری طرح مستعد ہے، جن میں دشمنانہ ہائبرڈ مہمات، انتہاپسند نظریات اور قومی استحکام کو نقصان پہنچانے والی تقسیم پسند سرگرمیاں شامل ہیں۔
آئی ایس پی آر کے مطابق، فیلڈ مارشل کی گوجرانوالہ آمد پر کور کمانڈر گوجرانوالہ نے ان کا استقبال کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس پی آر عاصم منیر فیلڈ مارشل گوجرانوالہ اور سیالکوٹ گیریژنز
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر