بلوچستان میں 2 کارروائیوں کے دوران 18 بھارتی سرپرست دہشتگرد ہلاک
اشاعت کی تاریخ: 30th, October 2025 GMT
سیکیورٹی فورسز نے بلوچستان میں 2 الگ الگ انٹیلیجنس بیسڈ آپریشنز کے دوران بھارتی پراکسی تنظیم ’فتنہ الہندستان‘ سے تعلق رکھنے والے 18 دہشت گردوں کو ہلاک کر دیا۔
فوج کے شعبۂ تعلقاتِ عامہ (آئی ایس پی آر) کے مطابق پہلا آپریشن کوئٹہ کے ضلع چلتن پہاڑی سلسلے میں دہشتگردوں کی موجودگی کی مصدقہ اطلاع پر کیا گیا۔
یہ بھی پڑھیں:بلوچستان میں دہشتگردی کرنے والا فتنہ الہند کا انتہائی مطلوب دہشتگرد ہلاک
کارروائی کے دوران سیکیورٹی فورسز نے دہشتگردوں کے ٹھکانے کو مؤثر انداز میں نشانہ بنایا۔ شدید فائرنگ کے تبادلے کے بعد 14 بھارتی سرپرست دہشتگرد مارے گئے۔
دوسرا آپریشن ضلع کیچ کے علاقے بولیدہ میں کیا گیا، جہاں دہشتگردوں کے ایک خفیہ ٹھکانے کا سراغ لگا کر چار دہشت گردوں کو ہلاک کر دیا گیا۔
آئی ایس پی آر کے مطابق ہلاک دہشتگرد مختلف تخریبی سرگرمیوں میں ملوث تھے۔ کارروائی کے دوران ان کے قبضے سے بھاری مقدار میں اسلحہ، گولہ بارود اور دھماکا خیز مواد بھی برآمد کیا گیا۔
ترجمان نے مزید بتایا کہ علاقے میں کلیئرنس اور سینیٹائزیشن آپریشن جاری ہیں تاکہ کسی بھی بھارتی سرپرست دہشتگرد کو فرار ہونے کا موقع نہ ملے۔
یہ بھی پڑھیں:ٹانک میں سیکیورٹی فورسز کی کارروائی، فتنہ الخوارج کے 8 دہشتگرد ہلاک
بیان میں کہا گیا کہ وفاقی ایپکس کمیٹی کی منظوری سے جاری قومی ایکشن پلان کے تحت ’عزمِ استحکام‘ کے ویژن کے مطابق سیکیورٹی فورسز اور قانون نافذ کرنے والے ادارے ملک سے بیرونی حمایت یافتہ دہشتگردی کے مکمل خاتمے تک اپنی انسدادِ دہشتگردی مہم بھرپور انداز میں جاری رکھیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس پی آر چلتن فتنہ الہند.ذریعہ: WE News
کلیدی لفظ: ا ئی ایس پی ا ر چلتن فتنہ الہند سیکیورٹی فورسز کے دوران
پڑھیں:
کرم میں آپریشن: 7 خوارج ہلاک، کیپٹن، 5 جوان شہید: بلوچستان، جعفر ایکسپریس پر راکٹوں سے حملہ
اسلام آباد‘ مستونگ‘ نصیر آباد‘ ڈیرہ مراد جمالی (خبرنگار خصوصی‘ نمائندہ خصوصی‘ اپنے سٹاف رپورٹر سے‘ نوائے وقت رپورٹ‘ نیٹ نیوز) سکیورٹی فورسز نے بھارتی پراکسی، فتنہ الخوارج سے تعلق رکھنے والے خوارج کی موجودگی کی اطلاع پر ضلع کرم کے علاقے ڈوگر میں انٹیلی جنس پر مبنی آپریشن کیا۔ مسلح افواج کے شعبہ تعلقات عامہ (آئی ایس پی آر) کے مطابق آپریشن کے دوران سات بھارتی سپانسرڈ خوارج کو جہنم واصل کر دیا گیا۔ تاہم شدید فائرنگ کے تبادلے کے دوران بہادر میڈیکل آفیسر کیپٹن نعمان سلیم (عمر: 24 سال، ساکن ڈسٹرکٹ میانوالی) جو طبی نگہداشت کے فرائض سرانجام دینے کے ساتھ ساتھ اپنے پانچ جوانوں کے ساتھ بہادری سے دہشتگردوں سے لڑے اور شہادت کو گلے لگا لیا۔ مادر وطن کے لئے جانوں کی قربانی دینے والے پانچ سپاہیوں میں حوالدار امجد علی (عمر: 39 سال، ساکن ڈسٹرکٹ صوابی)، نائیک وقاص احمد (عمر: 36 سال، ساکن ڈسٹرکٹ راولپنڈی)، سپاہی اعزاز علی (عمر: 23 سال، ساکن ڈسٹرکٹ شکارپور)، سپاہی محمد ولید (عمر: 23 سال، ساکن ضلع صوابی)، سپاہی محمد ولید (عمر: 23 سال، ساکن ضلع صوابی) شامل ہیں۔ آئی ایس پی آر کے مطابق پاکستان کی سکیورٹی فورسز اور قانون نافذ کرنے والے اداروں کی طرف سے "عزم استحکام" (جیسا کہ نیشنل ایکشن پلان پر اپیکس کمیٹی کی طرف سے منظور شدہ) وژن کے تحت انسداد دہشت گردی مہم جاری رکھی جائے گی اور علاقے میں پائے جانے والے کسی بھی دوسرے ہندوستانی سپانسر شدہ خارجی کو ختم کرنے کے لیے سینی ٹائزیشن آپریشن بھی جاری ہے۔ قانون نافذ کرنے والی ایجنسیوں کی طرف سے دہشت گردی کے خطرے اور بیرون ملک کی حمایت یافتہ دہشت گردی کو ختم کرنے کے لیے آپریشن پوری رفتار سے جاری رکھا جائے گا۔ ڈیرہ مراد جمالی میں پولیس موبائل پر دستی بم حملہ کیا گیا۔ پولیس کے مطابق حملے میں دو پولیس اہلکاروں سمیت 13 افراد زخمی ہو گئے۔ ایس ایس پی غلام سرور بھیو کے مطابق زخمیوں میں دو خواتین اور چار بچے شامل ہیں۔ نوتال نصیر آباد کے قریب جعفر ایکسپریس پر راکٹوں سے حملہ کیا گیا۔ پولیس کے مطابق جعفر ایکسپریس پر متعدد راکٹ داغے گئے۔ تاہم ٹرین محفوظ رہی۔ فورسز کی جوابی کارروائی میں حملہ آور فرار ہوگئے۔ جعفر ایکسپریس بلوچستان کی حدود سے نکل کر سندھ کی حدود میں داخل ہوگئی۔ صدرِ مملکت آصف علی زرداری‘وزیراعظم شہباز شریف اور وزیرداخلہ نے دہشتگردی کیخلاف آپریشن میں شہداء کو خراجِ عقیدت پیش کیا ہے۔ صدر مملکت نے کرم کے علاقے ڈوگر میں خوارج کے خلاف کارروائی میں شہید ہونے والے کیپٹن نعمان سلیم اور ان کے پانچ ساتھیوں کی قربانی کو خراجِ تحسین پیش کیا اور 7 خوارجیوں کو جہنم واصل کرنے پر سکیورٹی فورسز کی ستائش کی ہے۔ بلوچستان کے ضلع مستونگ کے علاقے دشت میں سکیورٹی فورسز کی کارروائی میں 4 دہشت گرد ہلاک ہوگئے۔ فائرنگ کے تبادلے کے دوران ایک راہگیر شہید اور 8 افراد زخمی ہوگئے۔ سکیورٹی ذرائع کے مطابق دہشت گردوں اور سکیورٹی فورسز کے درمیان فائرنگ کا تبادلہ ہوا جس کی زد میں راہگیر اور دیگر افراد بھی آئے۔ فائرنگ کی زد میں آکر ایک راہگیر جاں بحق ہوگیا جبکہ پکنک پر آئے 8 افراد زخمی ہوگئے۔
’پاکستان کو پولیو فری بنانا مشترکہ ذمہ داری ہے‘، ورلڈ پولیو ڈے پر خاتون اول کا پیغام