امریکا میں نیشنل گارڈز پر حملہ کیس: افغان شہری نے الزامات سے انکار کردیا
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکا میں نیشنل گارڈز پر حملہ کیس میں افغان شہری نے الزامات سے انکار کردیا۔
بین الاقوامی خبر رساں اداروں کے مطابق وائٹ ہاؤس کے قریب پیش آنے والے فائرنگ کے واقعے کا واقعہ دنیا بھر میں میڈیا کی شہ سرخیوں میں آیا تھا، جس کے بعد امریکی حکومت نے ویزا درخواستوں، افغان پاسپورٹس پر ویزے کا اجرا سمیت امیگریشن کے حوالے سے سخت فیصلے کیے ہیں۔
اس سلسلے میں تازہ پیش رفت کے مطابق افغان شہری نے نیشنل گارڈز پر گولی چلانے کے کیس میں تمام الزامات کو مسترد کردیا ہے۔
خبر رساں اداروں کے مطابق 29 سالہ رحمان اللّٰہ لکنوال وہ ملزم ہے جس پر ایک نیشنل گارڈ کو ہلاک اور دوسرے کو شدید زخمی کرنے کا الزام عائد ہے اور وہ اس وقت اسپتال میں زیر علاج ہے، جہاں سے اسے ویڈیو لنک کے ذریعے عدالت میں پیش کیا گیا۔ ملزم نے الزامات سے انکار کیا اور اپنی آنکھیں بند رکھیں۔
عدالتی کارروائی کے دوران مجسٹریٹ جج رینی ریمنڈ نے ملزم کے طرزِ عمل اور کیس کی سنگینی کو مدنظر رکھتے ہوئے واضح طور پر کہا کہ شواہد کے مطابق لکنوال کوئی عام راہ گیر نہیں تھا بلکہ وہ طویل مسافت طے کرکے ایک مخصوص مقصد کے لیے واشنگٹن پہنچا۔ اس بنیاد پر عدالت نے اسے مزید حراست میں رکھنے کا حکم جاری کر دیا۔
جج نے ریمارکس دیے کہ پیش کیے گئے شواہد یہ بتاتے ہیں کہ ملزم کے اقدامات محض اتفاقی یا بے مقصد نہیں تھے۔
دوسری جانب استغاثہ کی جانب سے بھی سخت مؤقف سامنے آیا۔ پراسیکیوٹرز نے دعویٰ کیا کہ فائرنگ کے دوران ملزم نے مبینہ طور پر ’’اللہ اکبر‘‘ کا نعرہ لگایا۔ اگرچہ ملزم کی جانب سے اس الزام کی بھی نفی کی گئی، تاہم پراسیکیوشن کا کہنا ہے کہ یہ بات واقعے کے گواہوں کے بیانات کے مطابق سامنے آئی ہے۔
عدالت میں پیش کیے گئے ابتدائی شواہد کے مطابق فائرنگ کا واقعہ اچانک پیش نہیں آیا بلکہ اس کے کچھ محرکات اور پس منظر موجود ہیں جن کی تفتیش جاری ہے۔
.
ذریعہ
ذریعہ: Jasarat News
کلیدی لفظ: کے مطابق
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا