عوامی شکایات میں اضافہ حکومتی نااہلی کا ثبوت ہے،جاوید قصوری
اشاعت کی تاریخ: 11th, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور (وقائع نگارخصوصی)امیر جماعت اسلامی پنجاب محمد جاوید قصوری نے کہا ہے کہ پنجاب بھر میں ٹریفک جرمانوں میں غیر معمولی اضافے نے پہلے ہی معاشی مشکلات کے شکار عوام پر ایک اور بوجھ ڈال دیا ہے۔ مہنگائی، بیروزگاری اور بڑھتے مالی دباؤ کے باوجود حکومت کی جانب سے جرمانوں میں اضافہ عوامی حلقوں میں شدید اضطراب اور غم و غصے کا باعث ہے۔ شہر بھر میں عوامی شکایات میں اضافہ، احتجاج اور حکومتی پالیسیوں کے خلاف غم و غصہ بڑھتا جا رہا ہے۔ان کا کہنا تھا کہ ٹریفک جرمانوں میں ہوشربا اضافہ لمحہ فکر ہے۔ لگتا یوں ہے جیسے پنجاب حکومت نے تہیہ کر لیا ہے کہ وہ عوام سے جینے کا حق بھی چھین کر رہے گی۔ غربت، مہنگائی اور بے روزگاری کے بحران میں پسی ہوئی قوم کو مزید جرمانوں کے ذریعے اذیت دینا کسی بھی لحاظ سے دانشمندانہ یا عوام دوست پالیسی نہیں ہو سکتی۔محمد جاوید قصوری نے ٹریفک پولیس کے رویے کو شدید تنقید کا نشانہ بناتے ہوئے کہا کہ اہلکاروں کا عوام کے ساتھ ناروا سلوک، بدتمیزی، دھکے بازی اور جھگڑے معمول بنتے جا رہے ہیں۔ انہوں نے بتایا کہ روزانہ سیکڑوں شہری پولیس اہلکاروں کے غیر مہذب رویے کے خلاف شکایات درج کر رہے ہیں، مگر حکومتی ادارے خاموش تماشائی بنے بیٹھے ہیں۔عوام کا کوئی پرسانِ حال نہیں، ہر شخص سراپا احتجاج ہے۔امیر جماعت اسلامی پنجاب نے کہا کہ میڈیا کی رپورٹس کے مطابق جعلی چالانوں کا سلسلہ بھی زور پکڑ رہا ہے۔ شہریوں کو ان کی گاڑیوں کے خلاف وہ چالان موصول ہو رہے ہیں جن کا کوئی وجود نہیں ہوتا، اور پھر ان پر بھاری جرمانے ادا کرنے کا دباؤ ڈالا جاتا ہے۔ یہ عمل نہ صرف سراسر ظلم ہے بلکہ کرپشن کے دروازے مزید کھول رہا ہے۔انہوں نے حکومت سے مطالبہ کیا کہ فوری طور پر ٹریفک جرمانوں میں کیے گئے غیر منطقی اضافے کو واپس لیا جائے، ٹریفک پولیس کی تربیت بہتر کی جائے، اہلکاروں کے رویے میں اصلاحات نافذ کی جائیں اور جعلی چالان مافیا کے خلاف سخت کارروائی کی جائے۔محمد جاویدقصوری کا کہنا تھا کہ جماعت اسلامی عوام کے ساتھ کھڑی ہے اور اس ظالمانہ پالیسی کے خلاف ہر فورم پر آواز اْٹھائے گی۔
ذریعہ: Jasarat News
کلیدی لفظ: کے خلاف
پڑھیں:
پنجاب میں ٹریفک قوانین سخت ہونے کے بعد ڈرائیونگ لائسنس کے اجرا میں ریکارڈ اضافہ
علی ساہی : پنجاب میں نئے ٹریفک قوانین کے نفاذ کے بعد ڈرائیونگ لائسنس کے حصول میں شہریوں کی دلچسپی ریکارڈ سطح تک پہنچ گئی ہے۔
ترجمان ٹریفک پولیس کے مطابق گزشتہ 12 روز کے دوران 15 لاکھ شہری لائسنسنگ سہولیات سے مستفید ہوئے، جبکہ صرف گزشتہ 24 گھنٹوں میں ایک لاکھ 18 ہزار افراد نے لائسنس بنوانے کیلئے مراکز کا رخ کیا,خواتین کو با اختیار بنانے کے سلسلے میں 13 ہزار سے زائد خواتین کو ڈرائیونگ لائسنس جاری کیے گئے.
ڈولفن سکواڈ کی کارروائی؛ 2مشکوک ملزمان گرفتار ، اسلحہ برآمد
ڈی آئی جی ٹریفک پنجاب کا کہنا تھا کہ8 لاکھ سے زائد شہری گھر بیٹھے آن لائن لائسنسنگ پورٹل کے ذریعے سہولت حاصل کر چکے ہیں، شہریوں کی بڑھتی ہوئی تعداد کو دیکھتے ہوئے صوبے بھر میں لائسنسنگ سہولیات میں مزید اضافہ کیا جا رہا ہے۔
ڈی آئی جی نے بتایا کہ ڈرائیونگ لائسنس سینٹرز کا دورانیہ بڑھا کر تین شفٹوں پر مشتمل کردیا گیا ہے تاکہ درخواست گزاروں کو زیادہ وقت تک سہولیات فراہم کی جا سکیں۔
پیٹرولیم مصنوعات کی قیمتوں میں اضافے کا امکان
انہوں نے کہا کہ ٹریفک قوانین پر سختی کے بعد شہریوں کی بڑی تعداد لائسنس کے اجرا کیلئے مراکز پر پہنچ رہی ہے۔
چیف ٹریفک آفیسر محمد وقاص نذیر نے شہریوں کو مشورہ دیا کہ لمبی قطاروں اور انتظار سے بچنے کیلئے آن لائن پورٹل استعمال کیا جائے۔
کراچی میں ایک اور بچی کھلے گٹر میں گرگئی، راہ گیر نے بروقت باہر نکال لیا