ویڈیو ایڈیٹنگ کیلئے اب کیپ کٹ کی ضرورت نہیں، گوگل فوٹوز کی نئی اپدیٹ
اشاعت کی تاریخ: 11th, December 2025 GMT
data-id="863a0a8" data-element_type="widget" data-widget_type="theme-post-content.default">
گوگل فوٹوز نے ویڈیو ایڈیٹنگ کی دنیا میں بڑا قدم اٹھاتے ہوئے ایسی اپ ڈیٹس متعارف کرا دی ہیں جو اسے کیپ کٹ جیسی پروفیشنل ایپ کا متبادل بنا سکتی ہیں۔
کیپ کٹ کے کئی اہم فیچرز کے لیے ماہانہ فیس درکار ہوتی ہے، لیکن اب صارفین بغیر کسی اضافی خرچ کے گوگل فوٹوز میں ہی وہ سہولیات استعمال کر سکیں گے۔
مختصر ویڈیوز کی تیاری کرنے والی ایپس آج کل ٹک ٹاک، انسٹاگرام ریلز اور یوٹیوب شارٹس کے لیے بے حد مقبول ہیں۔ اسی رجحان کو دیکھتے ہوئے گوگل نے اعلان کیا ہے کہ فوٹوز ایپ میں جدید ویڈیو ایڈیٹنگ فیچرز شامل کیے جارہے ہیں تاکہ صارفین چند لمحوں میں پالشڈ اور پرفیکٹ ویڈیوز بنا سکیں۔
کمپنی کے مطابق نئے فیچرز اینڈرائیڈ اور آئی او ایس دونوں ڈیوائسز میں دستیاب ہوں گے۔ ان میں سب سے اہم ویڈیو ٹیمپلیٹس ہیں، جن کی مدد سے مختلف کلپس کو ایک مکمل ویڈیو میں تبدیل کرنے کا عمل چند سیکنڈز میں مکمل ہو جاتا ہے۔ ہر ٹیمپلیٹ میں موسیقی، ٹیکسٹ اور کٹس پہلے سے شامل ہوں گے، جبکہ صارف کو صرف گیلری سے فوٹیج منتخب کرنا ہوگی۔
فی الحال یہ ٹیمپلیٹس صرف اینڈرائیڈ صارفین کے لیے جاری کیے گئے ہیں۔ اس کے علاوہ گوگل فوٹوز کے ری ڈیزائنڈ ویڈیو ایڈیٹر میں ساؤنڈ ٹریکس کا نیا فیچر بھی شامل ہے، جس کے ذریعے صارفین میوزک لائبریری میں موجود ٹریکس کو ویڈیوز میں شامل کرسکتے ہیں۔ ساتھ ہی کاسٹیوم ٹیکسٹ آپشنز بھی دستیاب ہوں گے جن کی مدد سے ویڈیوز کو مزید دلکش بنایا جا سکے گا۔
گوگل کا کہنا ہے کہ نیا ویڈیو ایڈیٹر اینڈرائیڈ ڈیوائسز میں ڈیفالٹ ایڈیٹنگ ٹول کے طور پر کام کرے گا۔ یہ اپ ڈیٹس بتدریج جاری کی جا رہی ہیں اور بہت جلد تمام صارفین تک پہنچ جائیں گی۔
.
ذریعہ
ذریعہ: Jasarat News
کلیدی لفظ: گوگل فوٹوز
پڑھیں:
شانگلہ: مکان کی چھت گرگئی، 6بچے جاں بحق
( ملک رحمان)صوبہ خیبر پختونخوا کے پہاڑی ضلع شانگلہ میں ایک نہایت افسوس ناک واقعہ پیش آیا ہے جس میں ایک مکان کی چھت گرنے سے 6 بچے جاں بحق ہو گئے ہیں۔
یہ واقعہ ضلع شانگلہ کی تحصیل الپورئی میں پیش آیا، جس میں گزشتہ رات مکان کی چھت اچانک ڈھہ گئی اور گھر میں موجود بچے ملبے تلے دب گئے، واقعے میں ایک بچہ زخمی بھی ہو گیا ہے، جسے طبی امداد دی جا رہی ہے۔
مقامی پولیس کا کہنا ہے کہ لوگوں نے اپنی مدد آپ کے تحت ملبے سے تمام لاشیں اور زخمی بچی کو نکال لیا ہے، جاں بحق بچوں میں ناظرہ، سمیرا، رضوان، نایاب، حیا نور اور عمیرہ بی بی شامل ہیں، جن کی عمریں 5 سے 14 سال کے درمیان ہیں۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
پولیس کا کہنا ہے کہ جاں بحق ہونے والے بچوں کے والد جہان بشر کا کچھ ہی عرصہ قبل انتقال ہوا تھا، اور ان کا مکان کچا تھا۔ مرنے والوں میں پانچ لڑکیاں اور ایک لڑکا شامل ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ