سپریم کورٹ کے استقبالیہ پر دل کا دورہ، راولپنڈی کے رہائشی عابد حسین چل بسا
اشاعت کی تاریخ: 12th, December 2025 GMT
سپریم کورٹ میں سماعت کے لیے آنے والے راولپنڈی کے رہائشی 70 سالہ عابد حسین دل کا دورہ پڑنے کے بعد ہسپتال منتقلی کے دوران چل بسے۔
عابد حسین کا مقدمہ، جو ان کے گھر کی تعمیر سے متعلق تھا، سپریم کورٹ میں زیر التوا تھا۔ مقدمہ محمد رمضان بنام عابد حسین کے نام سے کیس سیریل نمبر 8 پر درج تھا اور آج جسٹس عرفان سعادت خان اور جسٹس شہزاد ملک پر مشتمل 2 رکنی بینچ کے سامنے سماعت کے لیے فکس تھا۔
سپریم کورٹ میں آج کی سماعت کے دوران عابد حسین کو عدالت سے واپسی پر سپریم کورٹ استقبالیہ پر دل کا دورہ پڑا، اور انہیں فوری طور پر ہسپتال منتقل کیا گیا، تاہم وہ راستے میں ہی چل بسے۔ آج کی سماعت ملتوی کر دی گئی۔
واضح رہے کہ عابد حسین کا مقدمہ 22 جولائی 2024 کو سپریم کورٹ میں دائر کیا گیا تھا، جس کی پہلی سماعت 11 نومبر 2025 کو ہوئی تھی، جبکہ آج کی سماعت دوسری تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: سپریم کورٹ میں
پڑھیں:
سپریم کورٹ نے متنازع ٹوئیٹس کیس میں ایمان مزاری اور ہادی چٹھہ کا ٹرائل روک دیا
سپریم کورٹ نے ایمان مزاری اور ہادی چٹھہ کی ٹرائل روکنے کی درخواست پر سماعت کرتے ہوئے اسلام آباد ہائی کورٹ کے فیصلے تک ٹرائل روکنے کا حکم دے دیا۔ عدالت نے ہائیکورٹ کو اپیل پر جلد از جلد فیصلہ کرنے کی ہدایت بھی کی ہے۔
یہ بھی پڑھیں:متنازع ٹوئٹس کیس: ایمان مزاری اور ہادی علی چٹھہ کی قلابازیاں جاری
یاد رہے کہ یہ کیس متنازع ٹوئیٹس کے معاملے سے متعلق ہے، جس میں ایمان مزاری اور ہادی چٹھہ کے خلاف مقدمہ درج کیا گیا۔ دونوں وکیل ہیں اور ٹرائل کے دوران احتجاجی اقدامات بھی کرتے رہے۔
سپریم کورٹ نے قرار دیا کہ کسی صورت ماتحت عدلیہ کے ججز کو بے توقیر نہیں ہونے دیا جائے گا اور حکومت کو بھی کسی کے خلاف بغیر قانونی کارروائی کے سزا دینے کی اجازت نہیں دی جائے گی۔
سپریم کورٹ نے ہائی کورٹ میں دائر اپیل کے فیصلے تک ٹرائل کورٹ کو کارروائی آگے بڑھانے سے روک دیا ہے۔ عدالت نے واضح کیا کہ اسلام آباد ہائی کورٹ اپیل پر جلد فیصلہ کرے تاکہ قانونی عمل شفاف اور بروقت ہو۔
یہ بھی پڑھیں:ایمان مزاری اور ہادی علی چٹھہ پر فردِ جرم عائد، ملزمان کی جج سے تلخ کلامی
جسٹس ہاشم کاکڑ نے کہا کہ دونوں وکلا کا کردار بھی بہت اچھا نہیں رہا، اور ٹرائل کے دوران انہوں نے احتجاجی اقدامات کیے، تاہم عدلیہ کے تقدس کو کسی بھی حال میں کمزور نہیں ہونے دیا جائے گا۔
اس فیصلے کے بعد امید کی جا رہی ہے کہ اسلام آباد ہائیکورٹ اپیل پر جلد از جلد فیصلہ کرے گی، جس کے بعد ٹرائل کے آئندہ مراحل طے ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمان مزاری سپریم کورٹ ہادی چٹھہ ہاشم کاکڑ
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر