واٹس ایپ گروپس چھوڑنے اور ڈیلیٹ کرنے کا صحیح طریقہ کیا ہے؟
اشاعت کی تاریخ: 12th, December 2025 GMT
واٹس ایپ نے صارفین کے لیے ایک تفصیلی رہنمائی جاری کی ہے جس میں بتایا گیا ہے کہ گروپ سے بطور ممبر کیسے باہر نکلا جائے، گروپ ڈیلیٹ کرنے کی صورت میں کیا ہوتا ہے اور پرائیویسی سے متعلق کن کن آپشنز کو کنٹرول کیا جا سکتا ہے۔
یہ بھی پڑھیں:واٹس ایپ نے فارورڈنگ انٹرفیس کو نیا روپ دے دیا، شیئرنگ مزید آسان
واٹس ایپ کے مطابق اگر کوئی صارف گروپ چھوڑتا ہے تو اس کا نوٹیفکیشن صرف گروپ ایڈمنز کو جاتا ہے، جبکہ گروپ ڈیلیٹ کرنے کی صورت میں چیٹ ہسٹری صارف کے فون سے مکمل طور پر مٹ جاتی ہے۔ گروپ چھوڑنے والے فرد کا نام، نمبر اور ممکنہ طور پر پروفائل تصویر گروپ انفورمیشن میں پاسٹ ممبرز لسٹ میں 60 دن تک دیکھی جا سکتی ہے۔
کمپنی کا کہنا ہے کہ ڈیلیٹ کیا گیا گروپ دوبارہ بحال نہیں کیا جا سکتا، اور دوبارہ شامل ہونے کے لیے ایڈمن سے دوبارہ دعوت لینا ضروری ہوتا ہے۔ اگر کوئی گروپ کسی کمیونٹی کا حصہ ہو تو اسے چھوڑنے پر صارف کمیونٹی سے بھی خارج ہو جاتا ہے۔
گروپ چھوڑنے کے لیے صارف چیٹ اوپن کرکے گروپ نام پر کلک کرتا ہے، جہاں Exit Group کا آپشن موجود ہوتا ہے۔ واٹس ایپ نے واضح کیا کہ گروپ چھوڑتے وقت صارف چاہے تو گروپ رپورٹ بھی کر سکتا ہے، جس میں آخری 5 میسیجز واٹس ایپ کو بھیجے جاتے ہیں، تاہم گروپ کے کسی رکن کو اس رپورٹ کا علم نہیں ہوتا۔
ایپ کے مطابق Exit Group کے ذریعے صارف گروپ سے باہر تو ہو جاتا ہے لیکن چیٹ ہسٹری برقرار رہتی ہے، جبکہ Exit and Delete for me سے گروپ چیٹ مکمل طور پر حذف ہو جاتی ہے اور میڈیا بھی ڈیوائس گیلری سے مٹ جاتا ہے۔
یہ بھی پڑھیں:واٹس ایپ اپ ڈیٹس: سخت ترین سیکیورٹی سیٹنگز کا نیا آپشن بھی شامل
واٹس ایپ نے مزید کہا کہ گروپ ایڈمنز ہی گروپ کو تمام ممبرز کے لیے ڈیلیٹ کر سکتے ہیں، جبکہ صارفین اپنے گروپ پرائیویسی سیٹنگز کے ذریعے یہ بھی طے کر سکتے ہیں کہ انہیں کون گروپس میں شامل کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیٹ ہسٹری گروپ چیٹ واٹس ایپ.
ذریعہ
ذریعہ: WE News
کلیدی لفظ: چیٹ ہسٹری گروپ چیٹ واٹس ایپ واٹس ایپ نے ڈیلیٹ کر کہ گروپ جاتا ہے کے لیے
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا