ووٹ نہ دینے پر پی پی نے بے امنی پھیلائی ، راشد سومرو
اشاعت کی تاریخ: 10th, January 2025 GMT
کندھکوٹ (نمائندہ جسارت) جامع دارالفیوض میں دستارِ فضیلت کانفرنس کا انعقاد کیا گیا جس میں جے یو آئی کے رہنماؤں نے شرکت کی۔ جمعیت علماء اسلام سندھ کے سیکرٹری جنرل مولانا راشد محمود سومرو نے خطاب سے قبل میڈیا سے بات کرتے ہوئے کہا کہ ضلع کشمور کندھکوٹ میں امن و امان کی ابتر صورتحال میں مقامی منتخب نمائندے شامل ہیں، ووٹ نہ دینے پر جان بوجھ کر بے امنی پھیلائی گئی ہے، ضلع کے منتخب عوامی نمائندے اگر چاہیں تو امن و امان بحال ہوگا، کندھکوٹ میں بے امنی اتنی بڑھ گئی ہے کہ مغرب کے بعد کوئی مسافر یا مقامی لوگ سفر کرنے کے لیے تیار نہیں، پولیس کا بھی کوئی حال نہیں، پولیس خود کو بھی نہیں بچا پا رہی، روڈ راستوں پر خراب بکتربند گاڑیاں کھڑیں ہیں، یہاں پر مکمل ڈاکو راج قائم ہے ڈاکو کسی کو بخش نہیں رہے، معصوم 4 سالہ بچے رافع ملک جو ڈاکوؤں کی قید میں ہے، بے رحم ڈاکوؤں کو فوری آزاد کرنا چاہیے، عمران خان کا مستقبل اب کچھ نہیں رہا، جو انہیں لائے تھے، وہ ہی ہاتھ ان سے نکال دیے گئے ہیں۔ صدر آصف زرداری کہہ رہے ہیں کہ دریائے سندھ میں نہریں نکالنے والے معاملے پر سندھ کی عوام پریشان نہ ہو جس سے واضح پیغام سندھ کے لیے ہے کہ عوام پریشان نہ ہو، سندھ کے وسائل بھی فروخت ہوں گے، جزیرے بھی اور دریائے سندھ میں سے نہریں بھی نکلیں گی۔
.ذریعہ: Jasarat News
پڑھیں:
بھارت کی افغان طالبان کو دریائے کنٹر پر ڈیم بنانے میں مدد کی پیشکش
افغان میڈیا کے مطابق افغان سپریم لیڈر نے کہا تھا کہ ڈیم کیلئے ملکی کمپنیوں کے ساتھ معاہدے کیے جائیں اور غیر ملکی کمپنیوں کا انتظار نہ کیا جائے تاہم اب بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔ اسلام ٹائمز۔ بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔ گزشتہ دنوں افغانستان میں برسر اقتدار طالبان رجیم کے سپریم لیڈر ملا ہیبت اللہ اخوندزادہ نے وزارت توانائی کو چترال سے نکلنے والے دریائے کنڑ پر جلد از جلد ڈیم کی تعمیر شروع کرنے کا حکم دیا تھا۔ افغان میڈیا کے مطابق سپریم لیڈر ملا ہیبت اللہ اخوندزادہ نے کہا تھا کہ ڈیم کیلئے ملکی کمپنیوں کے ساتھ معاہدے کیے جائیں اور غیر ملکی کمپنیوں کا انتظار نہ کیا جائے تاہم اب بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔
بھارتی وزارت خارجہ کے ترجمان رندھیر جیسوال نے پریس کانفرنس میں ایک سوال کے جواب میں کہا کہ بھارت ہائیڈروالیکٹرک پروجیکٹس کی تعمیر میں افغانستان کی مدد کیلئے تیار ہے، دونوں ممالک میں پانی سے متعلق معاملات میں تعاون کی ایک تاریخ ہے، ہرات میں سلما ڈیم کی مثال موجود ہے۔ دوسری جانب افغان طالبان نے بھارتی اعلان کا خیرمقدم کیا اور قطر میں طالبان کے سفیر سہیل شاہین نے دی ہندو سے گفتگو میں کہا کہ دونوں ممالک کے درمیان تعاون کے بہت سے مواقع موجود ہیں۔ خیال رہے کہ دریائے کنڑ چترال سے نکلتا ہے اور تقریباً 482 کلومیٹر کا سفر طے کرنے کے بعد دریائے کابل میں شامل ہو کر واپس پاکستان آتا ہے۔
جامعہ کراچی کے عقب میں جھاڑیوں میں آگ لگ گئی