محفوظ ، اقتصادی طور پر متحرک اور خوشحال سندھ ہمارا مشترکہ مقصد ہے
اشاعت کی تاریخ: 11th, January 2025 GMT
کراچی(کامرس رپورٹر) صدرایف پی سی سی آئی عاطف اکرام شیخ نے فیڈریشن کے پلیٹ فارم سے امن و امان کی بحالی میں سندھ پولیس کو مکمل تعاون فراہم کرنے کا یقین دلاتے ہوئے کہا ہے کہ محفوظ اور اقتصادی طور پر متحرک؛ کاروبار دوست اور خوشحال سندھ ہمارا مشترکہ مقصد ہے ۔انہو ںنے مزید کہاکہ امن و امان میں کاروباری برادری ہی حقیقی اسٹیک ہولڈر ہے اور امن و امان کے چیلنجز کا سب سے زیادہ نقصان بز نس کمیونٹی کو ہی اٹھانا پڑتا ہے؛ لہذا،یہ ہمارے اپنے مفاد میں ہے کہ سندھ پولیس کی جرات اور قربانیوں کا احترام کیا جا ئے اور ان کی ہر ممکن مدد کی جائے۔ یہ بات قابل ذکر ہے کہ ایڈیشنل انسپکٹر جنرل کراچی، سندھ پولیس، جاوید عالم اوڈھونے فیڈریشن ہاؤس کا تفصیلی دورہ کیا ہے؛ تاکہ کاروباری، صنعتی اور تاجر برادری کے سوالات کے جوابات دیئے جا سکیں اور ان کی شکایات کا ازالہ کیا جا سکے۔صدر ایف پی سی سی آئی عاطف اکرام شیخ نے مطلع کیاکہ ایڈیشنل آئی جی نے موقع پر ہی بہت سے مسائل فوری حل کر دیئے اور بہت سے مسائل کے ٹھوس حل کے لیے فولو اپ میکنزم کے بارے میں بتا دیا۔ صدر ایف پی سی سی آئی عاطف اکرام شیخ نے یہ بھی بتایا کہ ایڈیشنل آئی جی نے ایف پی سی سی آئی کو گزشتہ چند ماہ کے دوران سندھ پولیس کی کارکردگی پر بریفنگ دی ہے؛ جو کہ واضح طور پر کراچی میں جرائم کی شرح میں کمی کو ظاہر کر رہی ہے۔ اس کے باوجود، انہوں نے یہ اعتراف کیا کہ سرمایہ کاروں کے اعتماد کو مکمل طور پر بحال کرنے کے لیے مزید بہت کچھ کرنے کی ضرورت ہے۔ عاطف اکرام شیخ نے سندھ پولیس کے شہداء اور غازیوں کو خراج تحسین پیش کیا؛ جو روزانہ کی بنیاد پر اپنی جانوں کا نذرانہ پیش کررہے ہیںاور میڈیا کراچی اور سندھ کے سافٹ امیج کو دنیا کے سامنے پیش کرنے میں بہت اہم کردار ادا کر سکتا ہے۔بطور خاص سندھ پولیس کی جانب سے پیش کی جانے والی قربانیوں کو اجاگر کرنا چاہیے۔اس موقع پر سنیئر نائب صدر ایف پی سی سی آئی ثاقب فیاض مگوں نے تجویز پیش کی کہ ایف پی سی سی آئی کو ایف آئی آرز اور پولیس شکایات کے اندراج کے لیے آن لائن ایف آئی آر پورٹل تک رسائی دی جا سکتی ہے۔
.ذریعہ: Jasarat News
کلیدی لفظ: عاطف اکرام شیخ نے ایف پی سی سی ا ئی سندھ پولیس
پڑھیں:
ہمارا اجتماع عام نظام بدلو کے عنوان سے ہوگا،لیاقت بلوچ
لاہور میں پریس کانفرنس میں نائب امیر جماعت اسلامی کا کہنا تھا کہ اجتماع عام 21 22اور 23 کو مینار پاکستان پر منعقد ہوگا، جماعت اسلامی کے اجتماع عام بدل دو نظام کے عنوان سے بلوچستان کے پی کے سمیت ملک بھر سے نوجوان کسان طلبہ اس اجتماع میں شریک ہونگے۔ انکا کہنا تھا کہ اجتماع عام دعوت دین اور موجودہ دور کے تقاضوں کے مطابق ہوگا، جبکہ دور حاضر میں فساد اور انتشار بڑھتا جا رہا ہے اور ظلم کے نظام کی وجہ سے بے یقینی بڑھ رہی ہے۔ اسلام ٹائمز۔ مینار پاکستان گراؤنڈ میں جماعت اسلامی کے اجتماع عام کی تیاریوں کے حوالے سے دیگر رہنماوں کے ہمراہ پریس کانفرنس کرتے ہوئے ناظم اجتماع عام لیاقت بلوچ نے کہا اجتماع عام 21 22اور 23 کو مینار پاکستان پر منعقد ہوگا، جماعت اسلامی کے اجتماع عام بدل دو نظام کے عنوان سے بلوچستان کے پی کے سمیت ملک بھر سے نوجوان کسان طلبہ اس اجتماع میں شریک ہونگے۔ انکا کہنا تھا کہ اجتماع عام دعوت دین اور موجودہ دور کے تقاضوں کے مطابق ہوگا، جبکہ دور حاضر میں فساد اور انتشار بڑھتا جا رہا ہے اور ظلم کے نظام کی وجہ سے بے یقینی بڑھ رہی ہے۔ لیاقت بلوچ کا کہنا تھا کہ تمام حلقوں کے لوگوں کی شرکت کیلئے ناظم تشکیل دیئے گئے ہیں جبکہ اجتماع عام میں سیاست تعلیم معیشت بلدیات سمیت دیگر عنوانات پر پروگرام ہونگے اور ملکی منظر نامے کے حوالے سے مسائل سے مقامی قیادت آگاہ کرے گی۔
کراچی؛ معصوم بچوں کیساتھ زیادتی کرنے والا ملزم گرفتار، نازیبا ویڈیوز بھی برآمد