پی ٹی آئی کمیٹی کی عمران خان سے ملاقات حکومت کی ذمہ داری ہے، ایاز صادق
اشاعت کی تاریخ: 11th, January 2025 GMT
اسلام آباد:سپیکر قومی اسمبلی ایاز صادق نے پی ٹی آئی کی مذاکراتی کمیٹی کی عمران خان سے ملاقات کے بارے میں وضاحت دیتے ہوئے کہا کہ یہ ملاقات حکومت کی ذمہ داری ہے، اور اس حوالے سے ان کا کوئی کردار نہیں ہے۔
ایاز صادق نے کہا کہ ابھی تک حکومت یا اپوزیشن کی جانب سے مذاکراتی کمیٹی کے اجلاس کے لیے رابطہ نہیں کیا گیا۔ انہوں نے مزید کہا کہ پی ٹی آئی کی کمیٹی کو عمران خان سے ملاقات کرانے کا انتظام حکومت نے کرنا ہے۔
ایاز صادق نے کہا کہ حکومت اور اتحادی فیصلہ کریں کہ ملاقات ہو سکتی ہے یا نہیں، اور وہ ایک یا دو دن کے نوٹس پر اجلاس بلانے کے لیے تیار ہیں۔
سپیکر قومی اسمبلی نے یہ بھی کہا کہ 4 جنوری کو اسد قیصر سے فون پر بات کی تھی اور پی ٹی آئی کی قیادت سے ملاقات کے مطالبے کا پیغام حکومت تک پہنچا دیا تھا۔ ایاز صادق نے یہ بھی کہا کہ حکومت کے اہم رہنماؤں سے براہ راست بات چیت کی جا سکتی ہے
.ذریعہ: Nai Baat
کلیدی لفظ: ایاز صادق نے سے ملاقات پی ٹی آئی کہا کہ
پڑھیں:
گلگت بلتستان، اساتذہ کی ڈگریوں کی تصدیق کیلئے کمیٹی تشکیل دیدی گئی
اظہار اللہ ڈائریکٹر جنرل جی ڈی اے کمیٹی کے چیئرمین ہونگے۔ محمد یوسف ڈپٹی سیکرٹری محکمہ سروسز اینڈ جنرل ایڈمنسٹریشن، محمد طارق ڈپٹی سیکرٹری محکمہ خزانہ، فرمان علی ڈپٹی سیکرٹری محکمہ سکول ایجوکیشن، نمائندہ پی ایم آر یو، نمائندہ ڈائریکٹوریٹ آف سکول ایجوکیشن کمیٹی ممبران ہوں گے۔ اسلام ٹائمز۔ چیف سیکریٹری گلگت بلتستان نے محکمہ سکول ایجوکیشن میں شفافیت اور میرٹ پر مبنی موثر نگرانی اور جامع تصدیق کے عمل کو مدنظر رکھتے ہوئے کمیٹی تشکیل دے دی۔ کمیٹی دائرہ کار میں رہتے ہوئے جامع تصدیق کے عمل کو یقینی بنائے گی۔ کمیٹی سکول ایجوکیشن ڈیپارٹمنٹ میں تقرری کے وقت عمر کی تصدیق، سروس بک، قومی شناختی کارڈ، تدریسی عملے کے تقرری کے احکامات، تقرری کے وقت عمر یا عمر میں تضادات، قابل اعتراض یا باقاعدہ طور پر درجہ بندی، تمام تعلیمی اسناد و دستاویز سرٹیفیکیٹ کی تصدیق، سنیارٹی لسٹوں کی جانچ پڑتال، کاغذات میں غیر مجاز تبدیلیوں، کوتاہیوں اور موجودہ سنیارٹی لسٹوں کی تصدیق، بے ضابطگیوں کا ادراک
پروموشنز یا حاصل کردہ مراعات کا تعین کرنا تعلیمی اور پیشہ ورانہ سرٹیفیکیٹس کی تصدیق جس میں میٹرک، انٹرمیڈیٹ، بیچلر اور ماسٹر ڈگریوں اور متعلقہ بورڈز/یونیورسٹیوں کی پیشہ وارانہ ڈگریوں (B.Ed.، M.Ed.، ADE، وغیرہ) اور دیگر سرٹیفیکیشن کی تصدیق شامل ہیں۔ کمیٹی ایک ماہ کے اندر جامع رپورٹ سیکریٹریٹ میں جمع کرائے گی۔ اظہار اللہ ڈائریکٹر جنرل جی ڈی اے کمیٹی کے چیئرمین ہونگے۔ محمد یوسف ڈپٹی سیکرٹری محکمہ سروسز اینڈ جنرل ایڈمنسٹریشن، محمد طارق ڈپٹی سیکرٹری محکمہ خزانہ، فرمان علی ڈپٹی سیکرٹری محکمہ سکول ایجوکیشن، نمائندہ پی ایم آر یو، نمائندہ ڈائریکٹوریٹ آف سکول ایجوکیشن کمیٹی ممبران ہوں گے۔
خیبرپختونخوا،سرکاری اسکولز کو فرنیچر فراہم کرنے کا فیصلہ