۔190 ملین پاؤنڈ کیس میں عمران خان کو سزا ضرور ہوگی، فیصل واوڈا
اشاعت کی تاریخ: 12th, January 2025 GMT
کراچی(اسٹاف رپورٹر )سینیٹر فیصل واوڈا نے کہا ہے کہ 190 ملین پاؤنڈ کی منظوری کے وقت خان صاحب کو منع کیا کہ اس پر مقدمہ ہوگا اور جیل کی سزا ہوگی، پہلے ہی بتایا تھا کہ اس کیس پر سزا ہوگی۔کراچی پریس کلب میں پریس کانفرنس کرتے ہوئے انہوں نے کہا کہ ڈھائی سال سے بتارہا ہوں خان صاحب کی پارٹی میں ان کے رشتے دار جیل میں قتل کی سازش کررہے
ہیں، اب سوشل میڈیا سے یہ باتیں باہر آچکی ہیں، جیل میں ایسا کچھ ہوا تو سیاست پر اس کے اثرات پچاس سال تک رہیں گے۔ان کا کہنا تھا کہ کیسز میں تاخیر پر پروپیگنڈا کیا گیا، 190 ملین پائونڈ کی منظوری کے وقت بانی پی ٹی آئی کو منع کیا کہ اس پر مقدمہ ہوگا اور جیل کی سزا ہوگی، ہر جرم کی سزا ہوتی ہے، کوئی نہیں مانے گا کہ دوسروں نے فایدہ اٹھایا سزا آپ کو بھگتنا پڑے گی۔ فیصل واوڈا نے کہا کہ اس سارے ڈرامے کی آنے والے دنوں میں ہوا نکل جائیگی، پہلے ہی بتایا تھا کہ اس کیس پر سزا ہوگی، خان صاحب کی جان کو ان کے لوگوں سے خطرہ ہے، مقبول ہونے کا مطلب نہیں کہ خود کو آسمانی مخلوق سمجھیں۔انہوں نے کہا کہ آپ نے دھرنے احتجاج نو مئی کو ریاست اور ریاستی اداروں کو پامال کیا، کہا تھا کہ ان کی باتوں پر نہ جائیں یہ آپ کو جیل میں رکھنا چاہتے ہیں، جو لوگ اقتدار میں ہیں وہ خان صاحب کے باہر آنے پر نظر نہیں آئیں گے۔ان کا کہنا تھا کہ پہلے بدمعاشی اور غنڈہ گردی کی سیاست کی ،اب بھیک کا کشکول لے کر کھڑے ہیں ،نہ کوئی مذاکرات ہورہے ہیں نہ کوئی اندرونی بیرونی پریشر ہے، جرم کی سزا ہونی ہے اور ہوگی، یہ جرم ان سے کرایا گیا۔ مجھے عمران خان کی ہار سے مجھے پرپریشانی ہوگی کہ ایک اچھا آدمی کس جگہ پر آگیا۔سینیٹر فیصل واوڈا نے کہا کہ حکومت اور تحریک انصاف چھپن چھپائی کھیل رہے ہیںمجھے سیاسی اور معاشی استحکام نظر آرہا ہے، کبھی حکومت کبھی تحریک انصاف چھپ جاتی ہے، کوئی بیک ڈور مذاکرات نہیں ہورہے،اگر بیک ڈور مذاکرات ہورہے ہوتے تو بھیک کا ٹوکرا لے کر کیوں کھڑے ہوئے۔ابھی بہت کچھ باقی ہے ابھی کہانی شروع ہوئی ہے، تحریک انصاف کے لوگ اپنے لیڈر پر ناکردہ جرائم ڈال رہے ہیں، بحیثیت وزیر کہا تھا کہ سندھ کے پانی کا حساب ٹھیک نہیں، آج بھی یہی کہتا ہوں۔
فیصل واوڈا
ذریعہ: Jasarat News
کلیدی لفظ: فیصل واوڈا نے کہا کہ سزا ہوگی کی سزا تھا کہ
پڑھیں:
مجوزہ ترامیم کے بعد اگر عمران خان الیکشن کے ذریعے اقتدار میں آ بھی جائیں تو کچھ نہیں کر پائیں گے،نجم سیٹھی
لاہور(ڈیلی پاکستان آن لائن)معروف صحافی اور سینئر تجزیہ کار نجم سیٹھی نے کہا ہے کہ مجوزہ ترامیم ہو جاتی ہیں تو فیلڈ مارشل کو تو کوئی ہاتھ نہیں لگا سکے گا، اگر عمران خان الیکشن کے ذریعے اقتدار میں آ بھی جائیں تو وہ کچھ نہیں کر پائیں گے۔
نجی ٹی وی سما نیوز کے پروگرام ’’سیٹھی سے سوال‘‘میں اینکرپرسن سیدہ عائشہ ناز نے سوال کیا کہ آئین میں ترامیم کیلئے دو تہائی اکثریت چاہئے ہو گی۔
نجم سیٹھی نے جواب دیتے ہوئے کہاکہ آپ کا کیا خیال ہے کہ وہ دو تہائی اکثریت لینے دیں گے،کیا باتیں کرتی ہیں آپ،وہ ایک تہائی اکثریت بھی لے جائیں تو بڑی غنیمت ہو گی۔
دو روز میں زندہ مرغی کی فی کلو قیمت میں 35 روپے اضافہ ہوگیا
سیدہ عائشہ ناز نے کہاکہ بات کرنے میں کیا حرج ہے، اس پر نجم سیٹھی نے کہاکہ آپ پی ٹی آئی والوں کو ایسے ہی امید دلا رہی ہیں۔
نجم سیٹھی کاکہناتھا کہ اب ڈیل ہو سکتی ہے،پہلے تو تھا کہ عمران خان باہر آ کر یہ کر دے گا وہ کر دے گا، اب یہ ہے کہ بہت سارے اپنے آپ کو استثنیٰ دے رہے ہیں،یہ ایک دلچسپ پیشرفت ہے۔
اب فیلڈ مارشل صاحب کو کوئی ہاتھ نہیں لگا سکے گا۔ اب اگر عمران خان الیکشن کے ذریعے اۤبھی جائیں تو وہ کچھ نہیں کر پائیں گے۔ دو تہائی تو لینے نہیں دینگے۔۔۔اب ڈیل (بھی) ہوسکتی ہے کیونکہ سب اپنے اۤپ کو استثنیٰ دے رہے ہیں: نجم سیٹھی pic.twitter.com/2u2dJthQv1
— Kismat Khan (@KismatZimri) November 8, 2025مزید :
پنجاب میں56 ہزار مساجد کی جیوٹیکنگ