چیمپیئنز ٹرافی 2025؛ وقار یونس کو کن ٹیموں کے مابین دلچسپ مقابلے کی توقع؟
اشاعت کی تاریخ: 13th, January 2025 GMT
ابو ظبی:
وقار یونس کو چیمپیئنز ٹرافی میں دلچسپ پاک بھارت مقابلے کی توقع ہے، ان کے مطابق دبئی اسٹیڈیم میں دوران میچ تل دھرنے کی جگہ نہیں ہوگی۔ سابق پیسر کا کہنا ہے کہ جس کی ضرورت ہو اسی کھلاڑی کو میدان میں اتارنے کی پالیسی درست ہے۔
تفصیلات کے مطابق آئی سی سی چیمپیئنز ٹرافی میں پاکستان اور بھارت کا مقابلہ 23 فروری کو دبئی انٹرنیشنل کرکٹ اسٹیڈیم میں ہوگا۔
ابوظہبی میں میڈیا سے گفتگو کرتے ہوئے اس حوالے سے سابق پاکستانی کپتان وقار یونس نے کہا کہ دنیائے کرکٹ کو بے چینی سے آئندہ ماہ شیڈول روایتی حریفوں کے مقابلے کا انتظار ہے، مجھے یقین ہے کہ میچ کے دوران دبئی کرکٹ اسٹیڈیم شائقین سے کھچا کھچ بھرا ہوگا اور بہترین مقابلہ دیکھنے کو ملے گا۔
جنوبی افریقا کے بعد ویسٹ انڈیز سے ٹیسٹ سیریز میں بھی پاکستان کی جانب سے شاہین شاہ آفریدی کو ریسٹ دینے کے سوال پر انھوں نے کہا کہ جہاں جس طرح کے کھلاڑیوں کی ضرورت ہو سلیکٹرز انہی کو موقع دینے کی پالیسی اپنائے ہوئے ہیں، میرے خیال میں یہ بالکل ٹھیک بھی ہے۔
سابق اسٹار نے بھارتی پیسر جسپریت بمرا کی تعریف کرتے ہوئے کہا کہ وہ بہترین بولر ہیں، کسی بھی بیٹر کیلیے ان کا سامنا کرنا آسان نہیں ہوتا، دنیائے کرکٹ کو ایسے کھلاڑیوں کی ضرورت ہے، مجھے امید ہے کہ وہ چیمپیئنز ٹرافی تک مکمل فٹ ہو جائیں گے۔
وقار یونس نے آئی ایل ٹی ٹوئنٹی کے حوالے سے کہا کہ یہ تیسرا سیزن ہے، ہر سال یہ ٹورنامنٹ مزید بہتر ہوتا چلا جا رہا ہے، اس بار پچز کا معیار بھی زیادہ اچھا نظر آیا اور بولرز کو مدد مل رہی ہے، یو اے ای کے کرکٹرز کی کارکردگی بھی عمدہ رہی، علی خان شرافو نے اپنی ٹیم کے پہلے میچ میں برق رفتار اننگز کھیلی، ایونٹ کے دوران شائقین کو اچھی کرکٹ دیکھنے کو ملے گی۔
.ذریعہ: Express News
کلیدی لفظ: چیمپیئنز ٹرافی وقار یونس کہا کہ
پڑھیں:
بدین،پیرعالی شاہ اسٹیڈیم کے قریب گھر سے نوجوان کی نعش برآمد
data-id="863a0a8" data-element_type="widget" data-widget_type="theme-post-content.default">
بدین ( نمائندہ جسارت) پیر عالی شاہ اسٹیڈیم کے قریب ایک گھر سے نوجوان ربو ملاح کی لاش برآمد ہوئی ہے۔ متوفی کی گردن میں دوپٹہ بندھا ہوا تھا۔ ورثا نے قتل کا شبہ ظاہر کیا ہے، جبکہ پولیس کا کہنا ہے کہ معاملے کی تفتیش جاری ہے۔ گزشتہ رات تقریباً ایک بجے کے قریب پیر عالی شاہ اسٹیڈیم کے نزدیک رہائش پذیر گل محمد ملاح کے گھر سے 22 سالہ نوجوان ربو ولد مصری ملاح کی لاش ملی۔ اطلاع ملنے پر ماڈل تھانہ بدین کی پولیس نے موقع پر پہنچ کر قانونی کارروائی (174) مکمل کی اور لاش کو سول اسپتال بدین منتقل کر کے پوسٹ مارٹم کرایا، جس کے بعد لاش ورثا کے حوالے کر دی گئی۔نوجوان کے سسر گل محمد ملاح نے دعویٰ کیا کہ ربو ملاح نے رات دیر گئے اس کی اہلیہ کے دوپٹے کو اپنی گردن میں لپیٹ کر پنکھے سے لٹک کر خودکشی کر لی۔ تاہم، متوفی کے والد مصری ملاح اور چچا گلزار نے پولیس کو بیان دیتے ہوئے الزام عائد کیا کہ ربو ملاح کو اس کے سسر گل محمد اور اہل خانہ نے قتل کیا ہے۔اس ضمن میں ماڈل تھانہ بدین کے سب انسپکٹر کا کہنا ہے کہ پوسٹ مارٹم کرایا جا چکا ہے اور رپورٹ آج موصول ہونے کی توقع ہے۔ رپورٹ کے بعد ورثا کے بیان کی روشنی میں مقدمہ درج کیا جائے گا۔
وہ ممالک جہاں کل عید الاضحٰی منائی جائے گی