خیبر پختونخوا میں سیکیورٹی فورسز کے آپریشنز، 8 خارجی ہلاک
اشاعت کی تاریخ: 14th, January 2025 GMT
ٹانک : پاک فوج کے شعبہ تعلقات عامہ (آئی ایس پی آر) کے مطابق، خیبرپختونخوا کے مختلف علاقوں میں سیکیورٹی فورسز نے دو علیحدہ آپریشنز کے دوران آٹھ خارجیوں کو ہلاک کر دیا ہے۔
پہلا آپریشن ٹانک میں کیا گیا، جہاں سیکیورٹی فورسز کو خارجیوں کی موجودگی کی اطلاع ملی تھی۔ انٹیلی جنس بیسڈ آپریشن کے دوران فورسز نے چھ خارجیوں کو ہلاک کر دیا۔ دوسرا آپریشن ضلع خیبر کی تیراہ وادی میں کیا گیا، جہاں مزید دو خارجی مارے گئے۔ آئی ایس پی آر کے مطابق علاقے میں باقی بچ جانے والے خارجیوں کے خلاف کلیئرنس آپریشن جاری ہے۔
یہ کارروائیاں 12 جنوری کو شمالی وزیرستان میں کی جانے والی کارروائیوں کے بعد کی گئی ہیں، جہاں سیکیورٹی فورسز نے دو مختلف آپریشنز میں نو خوارج کو ہلاک کیا تھا۔ ان آپریشنز میں 6 خوارج کو ہلاک کیا گیا جبکہ 2 کو گرفتار بھی کیا گیا تھا۔ سیکیورٹی فورسز کا کہنا ہے کہ دہشت گردوں کے خاتمے کے لیے آپریشنز کا سلسلہ جاری رہے گا۔
.ذریعہ: Nai Baat
کلیدی لفظ: سیکیورٹی فورسز کیا گیا کو ہلاک
پڑھیں:
خیبر پختونخوا کی 13 رکنی کابینہ تشکیل، عمران خان کی ہدایات نظر انداز
خیبرپختونخوا کی 13 رکنی کابینہ کی تشکیل پر تحریک انصاف کے بانی چیئرمین عمران خان کی ہدایات کو نظرانداز کردیا گیا ہے۔ پارٹی ذرائع کے مطابق عمران خان نے صوبائی کابینہ کے ارکان کی تعداد 5 سے 8 رکھنے کی ہدایت کی تھی اور کہا تھا کہ کابینہ سنگل ڈیجٹ سے زیادہ نہ ہو، تاہم کابینہ کی تعداد 13 رکھی گئی ہے کابینہ سے جمعہ کو گورنر کے پی نے حلف لیا۔پارٹی کے ایک ذمہ دار رہنما نے بتایا کہ عمران خان نے اسد قیصر کے بھائی عاقب اللہ خان، شہرام ترکئی کے بھائی فیصل ترکئی اور سابق صوبائی وزیر شکیل خان کو کابینہ میں شامل نہ کرنے کی واضح ہدایات جاری کی تھیں لیکن عمران خان کی ہدایات کو نظر انداز کیا گیا۔ بانی چیئرمین نے پارٹی کے بعض سینئر اراکین کو کابینہ میں شامل کرنے کی ہدایت کی تھی جنہیں ماضی میں نظر انداز کیا گیا تھا۔صوبائی وزیر مینا خان آفریدی نے کہا کہ عمران خان نے کوئی ہدایات جاری نہیں کی تھیں بلکہ انھوں نے پیغام بھجوایا تھا کہ کابینہ مختصر رکھی جائے اور سہیل آفریدی اپنی کابینہ کا خود انتخاب کریں۔انھوں نے کہا کہ کابینہ میں کسی بھی وقت ردوبدل ہو سکتا ہے، عمران خان جس کو چاہیں کابینہ می شامل کر سکتے ہیں اور اگر کسی کو نکالنا چاہیں تو کسی بھی وزیر کو فارغ کرسکتے ہیں۔مینا خان نے کہا کہ کابینہ میں سینئر اور تجربہ کار وزراء بھی شامل ہیں جبکہ نوجوانوں کو بھی موقع دیا گیا ہے۔
رائے ونڈ عالمی تبلیغی اجتماع 6نومبر کو ہوگا،تیاریاں آخری مراحل میں