چیمپئنز ٹرافی میں پاک بھارت میچ، محمد عامر کا بڑا اعلان
اشاعت کی تاریخ: 16th, January 2025 GMT
قومی ٹیم کے سابق فاسٹ باولر محمد عامر نے چیمپئنز ٹرافی میں پاک بھارت میچ پر گفتگو کرتے ہوئے کہا کہ اس دن جو ٹیم کم غلطیاں کرے گی اور پریشر ہینڈل کرے گی وہی جیتے گی ، شاہین آفریدی بھارت کیخلاف اچھا پرفارم کرے گا ۔
تفصیلات کے مطابق محمد عامر کا کہناتھا کہ پاکستان ابھی جو اوے سیریز کھیلا ہے اس میں پاکستان نے آسٹریلیا کو آسٹریلیا میں ہی ہرایا ہے جبکہ جنوبی افریقہ کو جنوبی افریقہ میں شکست دی ہے تو میرے خیال میں پاکستان کی ٹیم زیادہ مضبوط ہے ، بھارت بڑے ٹورنامنٹس میں فیورٹ رہی ہے کیونکہ وہ اچھا پرفارم کرتے ہیں لیکن حال ہی میں شکستوں اور تنقید کی وجہ سے بھارتی ٹیم کا مورال کم ہواہے ، پاکستان بھارت میچ کے بارے میں آپ کچھ نہیں کہہ سکتے کیونکہ اس دن جو کم غلطیاں کرتا ہے اور پریشر کو ہینڈل کرتا ہے وہی جیتتا ہے ۔
محمد عامر کاکہناتھا کہ اگر مجھے موقع ملا تو میں بمراہ کے ساتھ اوپننگ باولنگ کروں گا ، اگر چیمپئنز ٹرافی میں جسپریت بمراہ نہیں کھیلتے تو یہ انڈیا کا بڑا نقصان ہوگا کیونکہ وہ بھارت کے زیادہ وکٹیں لینے والے اہم باولر ہیں، اٹیک بھی وہی کرتے ہیں ، اگر بمراہ نہیں ہے تو بھارت کی آدھی ٹیم رہ جاتی ہے ۔شاہین شاہ آفریدی نے کم بیک کیاہے اور مجھے ایسا لگتاہے کہ وہ بھارت کیخلاف میچ میں اچھا پر فارم کریں گے ۔
.ذریعہ: Daily Ausaf
پڑھیں:
یورپین چیمپئنز اسپین کو شکست، پرتگال نے دوسری بار نیشنز لیگ ٹائٹل جیت لیا
پرتگال نے سنسنی خیز مقابلے کے بعد دفاعی چیمپئن اسپین کو پنالٹی شوٹ آؤٹ میں 3-5 سے شکست دے کر یوئیفا نیشنز لیگ کا ٹائٹل دوسری بار اپنے نام کرلیا۔
میچ کا فیصلہ 2-2 کے ڈرا کے بعد ہوا، جس میں پرتگال کے گول کیپر ڈیئگو کوسٹا نے الوارو موراتا کی پنالٹی روک کر ٹیم کو فتح دلائی۔
پرتگال کے کپتان کرسٹیانو رونالڈو جو انجری کے باعث آخری لمحات میں میدان سے باہر چلے گئے تھے،نے اپنی ٹیم کا دوسرا گول اسکور کیا جبکہ نونو مینڈس نے ایک گول کیا۔
یہ بھی پڑھیے: رونالڈو نے فیفا کلب ورلڈ کپ کھیلنے کی پیشکش ٹھکرادی
میچ کا آغاز اسپین کے غلبے سے ہوا۔ مارٹن زوبی مینڈی نے 21ویں منٹ میں اسپین کو برتری دلائی جبکہ مائیکل اویارزابال نے پہلے ہاف کے اختتام پر دوسرا گول کرکے اسپین کو ایک بار پھر برتری دلائی۔
پرتگال نے دوسرے ہاف میں زبردست کم بیک کیا، جس میں رونالڈو نے گول کیا جو ان کا بین الاقوامی سطح پر 138 واں گول تھا۔
اضافی وقت میں دیوگو جوتا نے ایک سنہری موقع ضائع کیا، لیکن آخرکار فیصلہ پنالٹی شوٹ آؤٹ پر ہوا، جہاں روبن نیویس نے آخری پنالٹی اسکور کی اور ٹائٹل اپنی ٹیم کے نام کیا۔
یہ بھی پڑھیے: کرسٹیانو رونالڈو نے مسلسل تیسرے سال کون سا اعزاز اپنے نام کیا؟
میونخ کے ایلیانز ایرینا میں ہونے والے اس میچ کے بعد جذباتی مناظر دیکھنے میں آئے، جہاں کھلاڑیوں نے جیت کا جشن بھرپور انداز میں منایا جبکہ کرسٹیانو رونالڈو بھی اس موقع پر خؤشی سے آبدیدی ہوگئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین پرتگال فٹ بال کرسٹیانو رونالڈو میچ
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم