مظفرآباد: خواتین سمیت 8 افراد نے نوجوان کو اغوا کیوں کیا؟
اشاعت کی تاریخ: 24th, January 2025 GMT
آزاد کشمیر کے دارالحکومت مظفرآباد میں ایک انوکھا واقعہ رونما ہوا جس میں کچھ مرد اور خواتین ایک نوجوان کو گھسیٹتے ہوئے گاڑی میں ڈال کر اغوا کرکے لے گئے۔
مظفرآباد شہر میں رات کے وقت پیش آنے والا یہ واقعہ اپنی نوعیت کا واحد واقعہ ہے اور وہاں پہلے کبھی اس طرح نہیں دیکھا گیا کہ کسی مرد کو خواتین اور مرد اس طرح اغوا کرکے لے جائیں۔
یہ بھی پڑھیں: وادی نیلم میں بہادر ننھی بچی کا ریسکیو آپریشن سوشل میڈیا پر وائرل
اغوا کاروں کا تعلق وادی نیلم سے تھا اور انہوں نے اپنے چہرے ڈھانپے ہوئے تھے۔ نوجوان کو پہلے گاڑی میں ڈال کر شہر کے مختلف علاقوں میں گھمایا گیا اور اس دوران اس پر مبینہ طور پر تشدد بھی کیا گیا۔ بعد ازاں اس نوجوان کو مقامی پولیس کے حوالے کردیا گیا۔
اغوا کاروں میں سے ایک شخص اس نوجوان کو مقامی تھانے لے کر گیا تاہم پولیس نے مذکورہ اغوا کار کو بھی اپنی حراست میں لے لیا۔ جن مرد و خواتین نے نوجوان کو اٹھایا تھا ان کی کل تعداد 8 تھی۔ اغوا و تشدد میں ملوث دیگر 7 مرد و خواتین نے اپنی ضمانت قبل از گرفتاری کروالی ہے۔
مزید پڑھیے: آزاد کشمیر کے دارالحکومت مظفرآباد کی واحد خاتون فوٹو گرافر طوبیٰ مجید
اغوا کاروں کی جانب سے نوجوان کو اس طرح اٹھا لینے کی وجہ یہ بتائی گئی کہ اس نوجوان نے ایک خاتون کی تصویر سوشل میڈیا پر وائرل کی ہے تاہم اس کا ابھی تک کوئی ثبوت سامنے نہیں آسکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر خواتین اغواکار مظفرآباد مظفرآباد نوجوان اغوا.ذریعہ: WE News
کلیدی لفظ: مظفرا باد نوجوان اغوا نوجوان کو
پڑھیں:
کراچی: ڈاکوؤں سے مزاحمت کے مختلف واقعات میں تین افراد فائرنگ سے زخمی
کراچی کے مختلف علاقوں میں ڈاکوؤں نے مزاحمت پر تین افراد کو فائرنگ کر کے زخمی کر دیا۔
تفصیلات کے مطابق بلدیہ نواب کالونی روٹ 20 نمبر اسٹاپ کے قریب فائرنگ سے نوجوان زخمی ہوگیا جسے فوری طبی امداد کے لیے سول اسپتال لیجایا گیا۔
اتحاد ٹاؤن پولیس کے مطابق نوجوان کی شناخت 21 سالہ ذیشان کے نام سے کی گئی جبکہ واقعہ ڈکیتی کے دوران مزاحمت پر ڈاکوؤں کی فائرنگ سے پیش آیا ہے جس کی مزید تحقیقات کی جا رہی ہے۔
کریم آباد نجی بینک کے قریب فائرنگ سے نوجوان زخمی ہوگیا جسے فوری طبی امداد کے لیے عباسی شہید اسپتال لے جایا گیا۔
عزیز آباد پولیس کے مطابق نوجوان کی شناخت 24 سالہ نصیب زادہ کے نام سے کی گئی جبکہ واقعہ ڈکیتی کے دوران مزاحمت پر ڈاکوؤں کی فائرنگ سے پیش آیا ہے۔
دریں اثنا سرجانی ٹاؤن کے علاقے لیاری 36 بیت المکرم مسجد کے قریب فائرنگ سے 55 سالہ سکندر نامی شخص شدید زخمی ہوگیا جسے فوری طبی امداد کے لیے عباسی شہید اسپتال لیجایا گیا۔
چھیپا حکام کا کہنا ہے کہ واقعہ ڈکیتی کے دوران مزاحمت پر پیٹ اور بازو پر گولی لگنے کا بتایا جا رہا ہے جبکہ سرجانی ٹاؤن پولیس واقعے کو نامعلوم وجہ اور نامعلوم ملزمان کی فائرنگ کا شاخسانہ قرار دے رہی ہے۔
اسحاق ڈار کا ترک وزیراخارجہ سے رابطہ ، دوطرفہ تعاون ، علاقائی پیشرفت پر تبادلہ خیال