پی ٹی سی ایل نے پاکستان میں پہلی بارواٹس ایپ کے ذریعے بل ادائیگی کی جدید سہولت متعارف کرا دی
اشاعت کی تاریخ: 27th, January 2025 GMT
اسلام آباد(نیوز ڈیسک) پاکستان کے سب سے بڑے آئی سی ٹی سروسز فراہم کرنے والے ادارے، پاکستان ٹیلی کمیونی کیشن کمپنی لمیٹڈ (پی ٹی سی ایل) نے اسٹیٹ بینک آف پاکستان کے لائسنس یافتہ پیمنٹ سروس پرووائیڈر (پی ایس پی) پے فاسٹ (PayFast) کے ساتھ شراکت داری قائم کی ہے، تاکہ ملک میں پہلی بار واٹس ایپ کے ذریعے ایک جدید بل ادائیگی سہولت متعارف کرائی جا سکے۔ یہ جدید ترین سروس پی ٹی سی ایل صارفین کو واٹس ایپ کے ذریعے براہ راست اپنے بل دیکھنے اور ادا کرنے کی سہولت فراہم کرتی ہے، اور پاکستان کی ٹیلی کام شعبے میں ڈیجیٹل کسٹمر سروس کے حوالے سے ایک بڑا قدم ہے۔
اس سروس کے باضابطہ آغاز کے لیے دستخط کی تقریب اسلام آباد میں پی ٹی سی ایل کے ہیڈکوارٹرز میں منعقد ہوئی، جس میں پی ٹی سی ایل، ای اوشین (eOcean) اور پے فاسٹ کے اعلیٰ حکام نے شرکت کی۔ اس شراکت داری کے تحت صارفین ادائیگی کے مختلف طریقوں میں سے اپنی مرضی اور سہولت کے مطابق انتخاب کر سکتے ہیں، جن میں بڑے بینک اور مقبول موبائل والٹس شامل ہیں۔ اس سروس کے ہموار انضمام کو معروف کلاؤڈ کمیونی کیشن سروس کمپنی، ای اوشین نے ممکن بنایا ہے۔
ادائیگی کرنےکے لیے صارفین کو اپنا قومی شناختی کارڈ نمبر اور اکاؤنٹ نمبر درج کرنا ہوگا، رجسٹرڈ موبائل نمبر پر موصول ہونے والے او ٹی پی کے ذریعے لین دین کی تصدیق کرنا ہوگی، جس کے بعد فوری طور پر چیٹ میں ادائیگی کی رسید موصول ہو جائے گی۔ یہ سروس بل ادائیگی کے علاوہ صارفین کی مزیدآسانی اور سہولت کے لیے مختلف خصوصی فیچرز بھی مہیا کرتی ہے۔ ان خصوصیات میں مسائل کا فوری حل، بل سے متعلق سوالات کے جوابات، ٹیکس سرٹیفکیٹ کا حصول، اور فلیش فائبر ’بولٹ آنز‘ جیسی اضافی سروسز کی سبسکرپشن شامل ہیں۔
اس موقع پر گفتگو کرتے ہوئے، گروپ چیف کمرشل آفیسر، پی ٹی سی ایل و یوفون 4G، سید عاطف رضا نے کہا، ’’واٹس ایپ پر مبنی بل ادائیگی کی یہ سہولت ہماری ڈیجیٹل ٹرانسفارمیشن حکمت عملی کے عین مطابق ہے، جس کا مقصد صارفین کی سہولت میں اضافہ اور معیاری خدمات فراہم کرنا ہے۔ پی ٹی سی ایل کو پے فاسٹ کے تعاون سے پاکستان میں اس خدمت کے آغاز پر فخر ہے، جس سے صارفین کے تحربات میں بہتری کے حوالے سے مثال قائم ہوگی۔ ہم اپنے صارفین کے لیے رابطوں کو مزید آسان بنانے اور ڈیجیٹل لین دین کو ممکنہ حد تک سادہ بنانے کے لیے پرعزم ہیں۔‘‘
پے فاسٹ کی چیف بزنس آفیسر، مہوش سعد خان کا کہنا تھا،’’پی ٹی سی ایل کے ساتھ ہماری شراکت داری پاکستان میں ڈیجیٹل ادائیگی کے تجربات کو نئی جہت دینے میں ایک اہم سنگ میل ہے۔ پے فاسٹ کی قابلِ اعتماد اور صارف دوست ادائیگی سہولت کو پی ٹی سی ایل کے واٹس ایپ بوٹ کے ساتھ ضم کرکے ہم لین دین کو پہلے سے کہیں زیادہ آسان اور محفوظ بنا رہے ہیں۔ ہم مل کر ڈیجیٹل جدت کو فروغ دے رہے ہیں تاکہ ملک بھر میں صارفین کو باسہولت ادائیگی کے آپشنز فراہم کیے جا سکیں۔‘‘
ای اوشین کے ڈائریکٹر پروڈکٹس، الطاف صدیقی نے کہا،’’واٹس ایپ چیٹ بوٹس ٹیلی کام سروس فراہم کنندگان کے لیے ایک انقلابی موقع کی حیثیت رکھتے ہیں، جو فوری ٹاپ اپس اور بڑے پیمانے پر انفرادی ترجیح کی بنیاد پر کسٹمر سپورٹ کی سہولت دیتے ہیں۔ واٹس ایپ کی بے مثال رسائی اور لچکدار سروس کی بدولت ان خدمات کو صارفین کی ترجیحات کے عین مطابق ڈھالا جا سکتا ہے، یہی وجہ ہے کہ یہ پی ٹی سی ایل کے لیے صارف سے رابطے بڑھانے اور تیز رفتارسروس کی فراہمی کو یقینی بنانے کے لیے ایک مثالی پلیٹ فارم ہے۔‘‘
واٹس ایپ کے ذریعے بل ادائیگی کے آغاز سے پی ٹی سی ایل، ای اوشین اور پے فاسٹ کے مابین مشترکہ تعاون کا ایک اور اہم سنگ میل عبور ہوا ہے، جس کا مقصد ٹیلی کام سیکٹر میں صارفین کے تعاملات کو جدید بنانا اور ڈیجیٹل جدت کو فروغ دینا ہے، تاکہ پاکستان کو ڈیجیٹل طور پر مزید بااختیار بنایا جا سکے۔
مزیدپڑھیں:راولپنڈی: ہولی فیملی ہسپتال کے قریب ریسٹورنٹ میں گیس سلنڈر دھماکا، 9 افراد زخمی
ذریعہ: Daily Ausaf
کلیدی لفظ: واٹس ایپ کے ذریعے پی ٹی سی ایل کے بل ادائیگی ادائیگی کے کے لیے
پڑھیں:
وزیراعظم شہباز شریف نے پاکستان ٹی وی ڈیجیٹل اور انگریزی چینل کا افتتاح کر دیا
اسلام آباد (نیوز ڈیسک) وزیراعظم پاکستان محمد شہباز شریف نے پاکستان ٹیلیویژن کے نئے منصوبے پاکستان ٹی وی ڈیجیٹل اور اس کے انگریزی چینل کا باضابطہ افتتاح کر دیا۔ وزیراعظم نے تختی کی نقاب کشائی کے بعد ڈیجیٹل چینل کی نشریات کا آغاز کیا اور اس موقع پر اپنا پہلا انٹرویو بھی ریکارڈ کروایا۔
افتتاحی تقریب میں وفاقی وزیر اطلاعات و نشریات عطاء اللہ تارڑ، سیکرٹری اطلاعات عنبرین جان اور دیگر اعلیٰ حکام موجود تھے۔ وزیراعظم نے چینل کے مختلف شعبہ جات کا معائنہ کیا، نوجوان اسٹاف سے گفتگو کی اور ان کے جذبے کو سراہا۔ انہوں نے کہا کہ بیرونی بیانیے کی جنگ میں نوجوانوں کا کردار انتہائی اہم ہے۔
وزیراعظم نے کہا کہ پاکستان ٹی وی ڈیجیٹل کا مقصد حقیقی اور بروقت خبریں فراہم کرتے ہوئے پاکستان کے بارے میں غلط بیانی اور پروپیگنڈے کا مؤثر جواب دینا ہے۔ یہ پلیٹ فارم دنیا کے سامنے پاکستان کی ایک مستند اور فعال آواز کے طور پر ابھرے گا۔
وزیر اطلاعات عطاء اللہ تارڑ نے بتایا کہ پاکستان ٹی وی ڈیجیٹل بین الاقوامی امور، ثقافت، معیشت اور تجزیے کو ایک منفرد پاکستانی تناظر کے ساتھ دنیا کے سامنے پیش کرے گا۔ ان کا کہنا تھا کہ اس پلیٹ فارم کے ذریعے پاکستان اپنی خبریں سب سے پہلے دنیا تک پہنچائے گا۔
انہوں نے مزید کہا کہ چینل کی نشریات Reuters اور AP جیسی معروف وائر سروسز کے ساتھ شراکت داری، عالمی فری لانسرز کے نیٹ ورک اور مقامی رپورٹنگ کو جوڑتے ہوئے ریئل ٹائم، تصدیق شدہ اور اعلیٰ معیار کی کوریج فراہم کریں گی۔ یہ پلیٹ فارم مغربی اور بھارتی اثر زدہ علاقائی میڈیا کے یک طرفہ بیانیے کا توڑ ثابت ہوگا۔
وزیر اطلاعات نے کہا کہ پاکستان ڈیجیٹل ٹی وی بڑی خبروں کو پاکستانی زاویے سے پیش کرے گا اور عوامی سفارت کاری میں کلیدی کردار ادا کرے گا۔
Post Views: 4
ویرات کوہلی اور انوشکا شرما کو بیرون ملک کیفے سے کیوں نکلنا پڑا؟