آئی ٹی برآمدی ترسیلات زر سے متعلق وزیراعظم کی کمیٹی کا اجلاس، پالیسی جاری رکھنے پر اتفاق
اشاعت کی تاریخ: 27th, January 2025 GMT
وفاقی وزیر خزانہ و محصولات سینیٹر محمد اورنگزیب کی زیر صدارت وزیراعظم کمیٹی برائے آئی ٹی ایکسپورٹ ترسیلات زر کا ایک اور اجلاس فنانس ڈویژن میں منعقد ہوا۔
اجلاس میں ورکنگ گروپ کے ابتدائی نتائج کا جائزہ لینے اور آئی ٹی برآمدی ترسیلات زر کے بہاؤ کو بڑھانے کے لیے اگلے اقدامات کی تیاری پر توجہ مرکوز کی گئی۔
اجلاس میں وزیر مملکت برائے آئی ٹی و ٹیلی کام شزا فاطمہ خواجہ، سیکرٹری آئی ٹی، اسپیشل سیکرٹری آئی ٹی، سی ای او پاکستان سافٹ ویئر ایکسپورٹ بورڈ (پی ایس ای بی) اور فنانس ڈویژن اور وزارت آئی ٹی کے سینیئر افسران نے شرکت کی۔
وزیر خزانہ نے ورکنگ گروپ کی ابتدائی رپورٹ کو سراہا اور پاکستان بینکنگ ایسوسی ایشن کے نمائندوں کو بھی شامل کرکے اس کا دائرہ کار بڑھانے کی تجویز پیش کی۔ کمیٹی نے ٹیکسیشن اور بینکنگ سے متعلق 2 ذیلی ورکنگ گروپس تشکیل دینے کا فیصلہ کیا جو اہم رکاوٹوں کو دور کرنے اور آئی ٹی برآمد کنندگان اور فری لانسرز کے لیے ترسیلات زر کے عمل کو آسان بنانے کے لیے کام کریں گے۔
وزیر خزانہ نے کہا کہ ترسیلات زر میں اضافے میں کرنسی کے استحکام نے اہم کردار ادا کیا ہے اور پالیسی کے تسلسل اور مستقل مزاجی کو جاری رکھنا نہایت ضروری ہے۔
انہوں نے کمپنیوں کے مالیاتی آپریشنز پر پابندیوں کے بارے میں غلط فہمیوں کا مقابلہ کرنے کی ضرورت پر زور دیتے ہوئے کہا کہ ملک کے اندر یا باہر رقم کی منتقلی پر کوئی پابندی نہیں ہے۔ ٹارگٹڈ کمیونیکیشن اور آگاہی مہم کے ذریعے اس تاثر کے فرق کو پر کرنا ایک ترجیح تھی۔
کمیٹی نے آئی ٹی کمپنیوں کو ان کی کارکردگی کی بنیاد پر حوصلہ افزائی کرنے پر بھی تبادلہ خیال کیا۔ روشن ڈیجیٹل اکاؤنٹ جیسے ٹولز سے فائدہ اٹھانا اور عالمی ترسیلات زر کی سہولت کے لیے گھریلو ادائیگی کے حل تیار کرنا آئی ٹی پروفیشنلز اور فری لانسرز کو بااختیار بنانے کے لیے اہم اقدامات کے طور پر دہرایا گیا۔
شرکا نے فیصلہ کیا کہ ذیلی ورکنگ گروپس اگلے اجلاس میں ایک مربوط رپورٹ پیش کریں گے، حتمی جامع رپورٹ مارچ 2025 کے آخر تک وزیر اعظم کو پیش کی جائے گی۔
حکومت کے عزم کا اعادہ کرتے ہوئے وزیر خزانہ نے تمام اسٹیک ہولڈرز پر زور دیا کہ وہ مل کر کام کریں، چیلنجز سے نمٹیں اور پاکستان کو عالمی آئی ٹی برآمدی صنعت میں ایک نمایاں مقام دلانے میں اپنا کردار ادا کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ٹی برآمدات اجلاس پاکستان سافٹ ویئر ایکسپورٹ بورڈ ٹیکسیشن درآمدات سافٹ ویئر ایکسپورٹ بورڈ سینیٹر محمد اورنگزیب شزا فاطمہ کمیٹی محصولات مربوط رپورٹ ورکنگ گروپس وزیر خزانہ.ذریعہ: WE News
کلیدی لفظ: ا ئی ٹی برا مدات اجلاس ٹیکسیشن درا مدات سینیٹر محمد اورنگزیب شزا فاطمہ کمیٹی محصولات مربوط رپورٹ ورکنگ گروپس ترسیلات زر آئی ٹی کے لیے
پڑھیں:
نائب وزیرِ اعظم اسحاق ڈار استنبول پہنچ گئے، غزہ کی صورتحال پر اہم اجلاس میں شریک ہونگے
نائب وزیرِ اعظم اسحاق ڈار استنبول پہنچ گئے، غزہ کی صورتحال پر اہم اجلاس میں شریک ہونگے WhatsAppFacebookTwitter 0 3 November, 2025 سب نیوز
استنبول(آئی پی ایس) نائب وزیرِ اعظم و وزیرِ خارجہ محمد اسحاق ڈار استنبول پہنچ گئے ہیں، جہاں وہ غزہ کی تازہ صورتحال پر ہونے والے وزرائے خارجہ کے اجلاس میں شرکت کریں گے۔
یہ اجلاس جمہوریہ ترکیہ کے وزیرِ خارجہ حاکان فیدان کی میزبانی میں منعقد ہو رہا ہے۔ اجلاس میں عرب اور اسلامی ممالک کے وزرائے خارجہ غزہ کی صورتحال پر مشاورت کریں گے۔ترکیہ آمد پر نائب وزیرِ اعظم کا استقبال ترکیہ اور پاکستانی سفارت خانے کے حکام نے کیا۔
ترجمان دفترِ خارجہ طاہر اندرابی کے مطابق اجلاس میں پاکستان غزہ میں جنگ بندی معاہدے پر مکمل عملدرآمد، اسرائیلی افواج کے انخلاء، فلسطینی عوام تک بلا رکاوٹ انسانی امداد کی فراہمی اور غزہ کی تعمیرِ نو پر زور دے گا۔
ترجمان کے مطابق پاکستان ایک آزاد فلسطینی ریاست کے قیام کے لیے اجتماعی کوششوں کی اہمیت اجاگر کرے گا ۔ ایسی ریاست جس کا دارالحکومت القدس الشریف ہو اور جو 1967 سے پہلے کی سرحدوں کے مطابق اقوامِ متحدہ کی قراردادوں اور عرب امن منصوبے کے تحت قائم ہو۔
دفترِ خارجہ کا کہنا ہے کہ پاکستان سات دیگر عرب و اسلامی ممالک کے ساتھ اس امن کوشش کا حصہ رہا ہے جس کے نتیجے میں شرم الشیخ میں غزہ امن معاہدہ طے پایا تھا۔پاکستان امن، انصاف اور فلسطینی عوام کی عزتِ نفس کی بحالی کے لیے پرعزم ہے اور ان کے حقِ خودارادیت کے حصول کی حمایت جاری رکھے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسونے کی قیمتوں میں پھر بڑا اضافہ، فی تولہ کتنے کا ہو گیا؟ شاہانہ زندگی گزارنے والے ممکنہ ٹیکس چوروں کی نشاندہی کرلی گئی وزیراعلیٰ کے وژن پر عمل: فتح جنگ میں عوامی سہولیات میں نمایاں بہتری جج ہمایوں دلاور کیخلاف سوشل میڈیا مہم کیس؛ جسٹس انعام امین کی سماعت سے معذرت پی پی اور ن لیگ کی سیاسی کشمکش؛ آزاد کشمیر میں اِن ہاؤس تبدیلی تاخیر کا شکار ایران میں بدترین خشک سالی، دارالحکومت کو پانی فراہمی کرنے والے ڈیم میں صرف دو ہفتے کا ذخیرہ رہ گیا سانحہ9 مئی؛ زمان پارک میں پولیس کی گاڑیاں جلانے کے مقدمے میں گواہ طلبCopyright © 2025, All Rights Reserved
رابطہ کریں ہماری ٹیم
وزیرِاعلیٰ نے سندھ جاب پورٹل کا افتتاح کردیا، ملازمتوں کا سلسلہ 15 روز میں شروع ہو گا