تمہاری ایک تصویر قومی خبر بن سکتی ہے، آر مادھون نے بیٹے کو خبردار کر دیا
اشاعت کی تاریخ: 29th, January 2025 GMT
بالی وڈ اداکار آر مادھون نے اپنے بیٹے ویدانت مادھون کو ایک خاص نصیحت کرتے ہوئے کہا کہ وہ اپنے دوستوں کی طرح لاپرواہ زندگی نہیں گزار سکتا کیونکہ اس پر لوگوں کی نظریں جمی رہتی ہیں۔
ویدانت مادھون ملائیشین اوپن میں پانچ مرتبہ گولڈ میڈل جیت چکے ہیں اور ڈینش، لیٹوین اور تھائی لینڈ اوپن میں بھی کامیابیاں حاصل کر چکے ہیں۔ اپنی غیر معمولی کارکردگی کے باعث وہ بھارت میں تیراکی کے اُبھرتے ہوئے ستارے بن چکے ہیں۔
اداکار آر مادھون نے ایک انٹرویو میں کہا کہ انہیں اپنے بیٹے کی کامیابیوں پر بے حد فخر ہے، لیکن وہ یہ بھی چاہتے ہیں کہ وہ زمین سے جڑا رہے۔
مادھون نے اپنے بیٹے کو سمجھاتے ہوئے کہا: "تمہاری زندگی عام لوگوں جیسی نہیں ہے، تمہیں اپنی شناخت اور ذمہ داریوں کا احساس ہونا چاہیے۔"
مادھون نے ویدانت کو سوشل میڈیا اور شہرت کے خطرات سے خبردار کرتے ہوئے کہا: "تم اپنی ٹی شرٹ اتار کر یا کسی بھی جگہ لاپرواہی سے سو نہیں سکتے، کیونکہ تمہاری ایک تصویر بھی قومی خبر بن سکتی ہے۔ تمہیں اپنی شناخت کا خیال رکھنا ہوگا اور ایک رول ماڈل کی طرح برتاؤ کرنا ہوگا۔"
پیشہ ورانہ محاذ پر، آر مادھون جلد ہی اپنی ہٹ فلم "تنو ویڈز منو" کی ساتھی اداکارہ کنگنا رناوت کے ساتھ ایک نئی پین انڈیا سائیکولوجیکل تھرلر فلم میں نظر آئیں گے، جسے ہدایتکار وجے ڈائریکٹ کر رہے ہیں۔ کنگنا نے اس پروجیکٹ کی تصدیق ایک کلاپر بورڈ کی تصویر شیئر کرکے کی، جس کے بعد مداح اس جوڑی کی اسکرین پر واپسی کے شدت سے منتظر ہیں۔
ذریعہ: Express News
کلیدی لفظ: آر مادھون مادھون نے نے بیٹے
پڑھیں:
کسی تیسرے ملک کی ضرورت نہیں، مذاکرات کی لبنانی دعوت پر ایرانی وزیر خارجہ کا مثبت جواب
اپنے لبنانی ہم منصب کیجانب سے مذاکرات کی دعوت کے جواب میں ایرانی وزیر خارجہ نے دورہ تہران کی دعوت دیتے ہوئے تاکید کی ہے کہ ہم لبنان کے اندرونی معاملات میں مداخلت نہیں کرتے اور اگر مجھے دورہ بیروت کی دعوت دیجائے تو میں بخوشی قبول کر لونگا اسلام ٹائمز۔ ایرانی وزیر خارجہ سید عباس عراقچی نے اپنے لبنانی ہم منصب یوسف رجی کی جانب سے دی جانے والی مذاکرات کی دعوت کا مثبت جواب دیتے ہوئے تاکید کی ہے کہ میرے عزیز دوست، لبنانی وزیر خارجہ یوسف رجی نے ایم ٹی وی لبنان (MTV) کے ساتھ انٹرویو میں مجھے مذاکرات کی دعوت دی ہے۔ سید عباس عراقچی نے زور دیتے ہوئے کہا کہ ہم لبنان کے اندرونی معاملات میں مداخلت نہیں کرتے اور ایران و لبنان کے درمیان دوطرفہ تعلقات کو آگے بڑھانے کے مقصد سے ہونے والی کسی بھی بات چیت کا کھلے دل سے خیرمقدم کرتے ہیں۔ ایرانی وزیر خارجہ نے یاددہانی کروائی کہ ان مذاکرات کے لئے کسی بھی تیسرے ملک کی کوئی ضرورت نہیں! انہوں نے تاکید کرتے ہوئے مزید کہا کہ میں اپنے عزیز دوست یوسف رجی کو دورہ تہران کی دعوت دیتا ہوں اور اگر وہ مجھے بیروت کے دورے کی دعوت دیں تو بھی میں بخوشی قبول کر لوں گا۔
فیروز خان کی پوسٹ پر سابقہ و موجودہ اہلیہ کی لڑائی، بہن نے حقیقت بیان کردی