ٹرمپ نے طیارہ اور ملٹری ہیلی کاپٹر تصادم کا ذمہ دار کس کو ٹھہرایا؟ اہم بیان سامنے آگیا
اشاعت کی تاریخ: 30th, January 2025 GMT
امریکا کے نومنتخب صدر ڈونلڈ ٹرمپ نے طیارہ حادثے پر ملٹری ہیلی کاپٹر کے عملے اور ہوائی اڈے پر ٹریفک کنٹرولرز کی صلاحیتوں پر سوالا اٹھا دیئے۔
عالمی خبر رساں ادارے کے مطابق ڈونلڈ تڑمپ نے اپنے سوشل میڈیا پلیٹ فارم ٹروتھ پر لکھا کہ اس حادثے کو روکا جانا چاہیے تھا۔
صدر ڈونلڈ ٹرمپ نے مزید کہا کہ ملٹری ہیلی کاپٹر فضا میں مسافر طیارے کے اوپر یا نیچے کیوں نہیں نکلا؟
امریکی صدر نے کہا کہ ہوائی جہاز ہوائی اڈے تک پہنچنے کے لیے بہترین اور معمول کی سمت پر تھا جب کہ ہیلی کاپٹر سیدھا ہوائی جہاز کی طرف بڑھ رہا تھا۔
ڈونلڈ ٹرمپ نے مزید کہا کہ آج ایک صاف ستھری رات تھی، مطلع صاف تھی اور ہوائی جہاز کی روشنیاں بھی جل رہی تھیں۔
امریکی صدر نے سوال اُٹھایا کہ پھر کیوں ملٹری ہیلی کاپٹر نے طیارے کے اوپر یا نیچے سے گزرنے جانے یا پھر واپس مڑ جانے کی کوشش کیوں نہیں کی۔
صدر ڈونلڈ ٹرمپ نے کہا کہ اس حادثے کو روکا جا سکتا تھا۔ کنٹرول ٹاور نے ہیلی کاپٹر کو کیوں نہیں آگاہ کیا کہ آپ ایک مسافر طیارے کی جانب بڑھ رہے ہیں۔
امریکی صدر نے کہا کہ کنٹرول ٹاور نے ہیلی کاپٹر کے پائلٹ سے کیوں نہیں پوچھا کہ کیا آپ نے اپنے سامنے ایک مسافر طیارہ دیکھا ہے۔
صدر ٹرمپ نے کہا تھا کہ یہ ایک بری صورتحال ہے جس سے لگتا ہے کہ اسے روکنا چاہیے تھا۔
یاد رہے کہ ایئر ٹریفک کنٹرول ٹاور اور ملٹری ہیلی کاپٹر بلیک ہاک کے درمیان ریڈیو کمیونیکیشن کے مطابق پائلٹ کو طیارے کی نقل و حرکت کا علم تھا۔
پینٹاگون نے حادثے کی تحقیقات کا آغاز کردیا ہے۔ امدادی کاموں کے دوران اب تک 18 لاشیں نکالی گئی ہیں۔
.
ذریعہ: Express News
کلیدی لفظ: ہیلی کاپٹر ڈونلڈ ٹرمپ کیوں نہیں نے کہا کہا کہ
پڑھیں:
ڈونلڈ ٹرمپ نے تیسری بار صدارتی الیکشن لڑنے کا واضح ترین سگنل دیدیا
امریکا کے صدر ڈونلڈ ٹرمپ نے تیسری بار صدارتی الیکشن لڑنے کا واضح ترین سگنل دیدیا۔
امریکی ٹی وی کو انٹرویو میں صدر ٹرمپ خود بھی کہہ چکے ہیں کہ وہ تیسری بار الیکشن لڑنے کے امکان سے متعلق بات ازراہ مذاق نہیں کررہے۔
انہوںنے کہا کہ یہ بھی کہ بہت سے لوگ چاہتے ہیں کہ وہ تیسری بار صدر بنیں اور اس کے طریقے موجود ہیں۔تاہم ابھی اس پر بات کرنا قبل از وقت ہے۔
آئین کے تحت امریکی صدر دو بار سے زیادہ اس عہدے پر فائز نہیں ہوسکتا تاہم صدر ٹرمپ کے اسٹور نے ٹرمپ 2028 ہیٹ متعارف کرادی ہے۔
78برس کے صدر کے اسٹور کی جانب سے جاری یہ ہیٹ پچاس ڈالر میں فروخت کے لیے پیش کردی گئی ہے۔
برطانوی میڈیا کے مطابق ہیٹ کے ساتھ ابتدا میں لکھا گیا تھا کہ مستقبل شاندار نظر آتا ہے۔ ٹرمپ 2028 ہیٹ کے ساتھ قوانین کو پھر سے بنائیں۔
تاہم تحریر بعد میں تبدیل کردی گئی اور لکھ دیا گیا کہ میڈ ان امریکا 2028 کے ساتھ بیانیہ بنائیں۔
امریکی صدر کے بیٹے ایریک ٹرمپ کو یہ ہیٹ پہنے بھی دیکھا جاسکتا ہے۔ وائٹ ہاوس کی ترجمان کیرولائن لیویٹ سے بھی ٹرمپ کی تیسری بار صدارت سے متعلق سوال پوچھا جاچکا ہے۔
Post Views: 1
پشاور میں سماعت سے محروم بچوں کیلئے کوکلیئر امپلانٹ پروگرام کا آغاز