تاجر اور صنعتکار وں کے مسائل کو ترجیحی بنادوں پر حل کریں گے، مراد علی شاہ
اشاعت کی تاریخ: 1st, February 2025 GMT
٭بلاول نے صنعتکاروں کے مسائل حل کرنے کی ہدایت کی ،معیشت کی ترقی میں انکا اہم کردارہے
٭وزیراعلیٰ سندھ کی زیرصدارت دھابیجی اسپیشل اکنامک زون کا اجلاس، کام کی رفتارپرعدم اطمینان
( جرأت نیوز )وزیراعلی سندھ سید مراد علی شاہ نے کہاہے کہ بلاول بھٹو نے کراچی کے صنعتکاروں کے مسائل حل کرنے کی ہدایت کی ہے ، تاجر اور صنعتکار برادری کے مسائل کو ترجیحی بنادوں پر حل کریں گے، ملکی معیشت کی ترقی میں صنعتکاروں اور تاجروں کا کلیدی کردار ہے ۔ مراد علی شاہ کی زیر صدارت دھابیجی اسپیشل اکنامک زون کا اجلاس ہوا، جس میں وزیراعلی نے حکم دیا کہ کام تیز کر کے رپورٹ کریں۔اجلاس کے دوران وزیراعلی سندھ آگاہی دی گئی کہ دھابیجی اسپیشل اکنامک زون کی تعمیر کا کام 10 فیصد ہوا ہے، جبکہ بجلی مہیا کرنے کا کام 70 فیصد ہوچکا ہے، اس کے علاوہ دھابیجی اسپیشل اکنامک زون کو گیس مہیا کرنے کا کام مکمل ہوچکا ہے۔اجلاس میں مراد علی شاہ کو آگاہ کیا گیا کہ دھابیجی زون کی سڑکیں محکمہ ورکس اینڈ سروسز بنا رہی ہے اور 50 فیصد کام ہوچکا ہے، جبکہ دھابیجی اسپیشل اکنامک زون کو کو پانی پہنچانے کا کام 30 فیصد ہوچکا ہے۔اس موقع پر وزیراعلی سندھ نے ہدایت دیتے ہوئے کہاکہ اکنامک زون کو 10 ایم جی ڈی پانی کی لائن دی جائے۔وزیراعلی سندھ نے کہا کہ دھابیجی اسپیشل اکنامک زون کے کام کی رفتار سے مطمئن نہیں ہوں، میں صنعتکاری کے لیے تمام تر اقدامات تیز کرنا چاہتا ہوں، جبکہ دھابیجی اسپیشل اکنامک زون کے صنعتی پلاٹوں کی فروخت مارچ میں شروع کی جائے گی۔ وزیراعلیٰ سندھ نے وزیر منصوبہ بندی و ترقی کو ہدایت دیتے ہوئے کہا کہ ماربل سٹی کے کام کو بھی تیز کیا جائے۔صوبائی وزیر ناصر حسین شاہ، چیف سیکریٹری آصف حیدر شاہ، وزیراعلی کے معاون خاص سید قاسم نوید، پرنسپل سیکریٹری آغا واصف، چیئرمین پی اینڈ ڈی نجم شاہ، سیکریٹری سرمایہ کاری راجا خرم، ڈائریکٹر جنرل پی پی پی یونٹ اسد ضامن اور سی ای او SEZMCعظیم عقیلی اجلاس میں شریک تھے۔
.ذریعہ: Juraat
پڑھیں:
وزیرِ اعلیٰ سندھ مراد علی شاہ کی امریکی ناظم الامور نیٹلی بیکر سے ملاقات
— تصاویر بشکریہ سوشل میڈیاوزیرِ اعلیٰ سندھ مراد علی شاہ نے امریکی ناظم الامور سے ملاقات کے دوران کہا ہے کہ ہم نے متاثرین کے لیے 21 لاکھ گھروں کی تعمیر کی اور انہیں مالکانہ حقوق دیے ہیں۔
ترجمان وزیرِ اعلیٰ سندھ کے مطابق وزیرِ اعلیٰ مراد علی شاہ سے امریکا کی ناظم الامور نیٹلی بیکر نے ملاقات کی جس میں امریکی قونصل جنرل، چیف سیکریٹری، پرنسپل سیکریٹری اور دیگر موجود تھے۔
ملاقات میں امریکا اور سندھ حکومت کے باہمی تعاون، ماحولیاتی تبدیلی اور اس کے اثرات پر گفتگو ہوئی، اس دوران ماحولیاتی مسائل سے نمٹنے کے لیے مشترکہ اقدامات،دو طرفہ امور پر تبادلۂ خیال بھی ہوا۔
وزیرِ اعلیٰ سندھ سید مراد علی شاہ نے کراچی کے مسائل...
وزیرِ اعلیٰ سندھ اور امریکی ناظم الامور کے درمیان گفتگو میں زرعی ترقی، جدید زرعی ٹیکنالوجی، تعلیم، صحت اور سرمایہ کاری پر بھی بات چیت ہوئی۔
ترجمان نے مزید بتایا ہے کہ سیلاب متاثرین کی بحالی اور گھروں کی تعمیر پر بھی تبادلۂ کیا گیا۔
وزیرِ اعلیٰ سندھ نے کہا کہ ہم نے متاثرینِ سیلاب کے لیے 21 لاکھ گھروں کی تعمیر کی اور انہیں مالکانہ حقوق دبے۔
امریکی ناظم الامور نے سندھ حکومت کی ترقیاتی کاوشوں پراظہارِ اطمینان کرتے ہوئے تعاون کی یقین دہانی کرائی۔
وزیرِ اعلیٰ مراد علی شاہ نے امریکی حکومت کے تعاون پر اظہارِ تشکر کیا۔
یہ ملاقات خوش گوار ماحول میں ہوئی جس میں دو طرفہ تعلقات مضبوط بنانے پر اتفاق کیا گیا۔
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم