چترال میں 3 روزہ تہوار ’پھتک‘ کا منفرد رسومات اور لذیذ پکوانوں کے ساتھ آغاز
اشاعت کی تاریخ: 1st, February 2025 GMT
چترال کی وادی لوٹکوہ میں یکم فروری سے 3 روزہ ’پھتک‘ تہوار کا آغاز ہوگیا ہے جو اپنی منفرد رسومات اور لذیذ پکوانوں کے لیے مشہور ہے۔
اس تہوار کے دوران وادی بھر میں ایسی رسومات ادا کی جاتی ہیں جو یہاں کی قدیم ثقافت اور روایات کی عکاسی کرتی ہیں۔
تہوار سے پہلے ایک شخص ’پھتک‘ کی نوید لے کر ہر گاؤں میں جاتا ہے جسے ’پھتکین‘ کہا جاتا ہے اور قرآنی آیات اور دعاؤں کے ساتھ لوگوں کو مبارک باد دیتا ہے۔ ’پھتکین‘ کو گاؤں کے بچے اور بڑے مل کر خوش آمدید کہتے ہیں۔ ’پھتک‘ سے پہلے والا دن ’سمون‘ کہلاتا ہے جس میں آنے والے تہوار کی تیاری کی جاتی ہے۔
یہ بھی پڑھیے:کیلاش مذہبی تہوار چاؤموس، جہاں نئے سال کی پیش گوئی لومڑی کرتی ہے
اس تہوار کے آغاز پر گھروں کی خصوصی صفائی کی جاتی ہے اور چھت اور ستونوں پر آٹے سے نشان لگائے جاتے ہیں۔ ’پھتک‘ کے دن گھروں میں روایتی پکوان پکوائے جاتے ہیں اور ایک دوسرے کی ضیافت کی جاتی ہے۔ اس دن سب سے پہلے گاؤں کے بزرگ ایک دوسرے کے گھروں میں داخل ہوتے ہیں اور ’پھتک‘ کی مبارک باد دیتے ہیں جبکہ اس کے بعد دوسرے ہمسایوں کا آنا جانا شروع ہوتا ہے۔
’پھتک‘ کے موقع پر آنے والے مہمانوں کو ’اشپیری‘ یعنی دودھ سے بنی کوئی ڈش پیش کرکے خوش آمدید کہا جاتا ہے۔ اس موقع پر ’شوشپڑاکی‘، شوشپ‘، ’پندیر ٹیکی‘، ’شیرا شاپک‘، ’غلماندی‘ جیسے روایتی پکوان کھانے کے لیے تیار کیے جاتے ہیں جو عموماً دودھ سے بنے ہوتے ہیں۔
اس تہوار کے دوران پکنے والے کھانوں سے لطف اندوز ہونے کے لیے باہر کے لوگ بھی وادی لوٹکوہ کا رخ کرتے ہیں۔
پہلے زمانے میں ’پھتک‘ کا تہوار پورے چترال میں منایا جاتا تھا اور اس دن روایتی کھیلوں کا بھی انعقاد ہوتا تھا تاہم بعد میں یہ تہوار صرف وادی لوٹکوہ تک محدود ہوگیا۔
اس قدیم تہوار کو 11ویں صدی کے مشہور فلسفی، سیاح، فارسی شاعر اور اسماعیلی مبلغ پیرناصر خسرو سے منسوب کیا جاتا ہے۔ سینہ بہ سینہ چلنے والی روایات کے مطابق پیر ناصر خسرو نے موجودہ افغانستان کے علاقے بدخشان سے چترال دعوت کے لیے تشریف لے آئے اور وادی لوٹکوہ میں گرم چشمہ کے مقام پر 40 روز تک چلہ کشی کی۔
یہ بھی پڑھیے:فوزیہ پروین نے روایتی اونی مصنوعات کو پھر سے زندہ کردیا
روایات کے مطابق اس چلہ کشی کا اختتام ہوا تو انہوں نے یکم فروری کو ضیافت کا اہتمام کیا اور مقامی لوگوں کے ساتھ مل کر جشن منایا۔ تاہم دوسری روایات کے مطابق یہ تہوار چترال میں شدید سردیوں کے اختتام پر سالِ نو کے پہلے تہوار کے طور پر منایا جاتا ہے اور اس کا ناصر خسرو سے تعلق نہیں۔ ناصر خسرو کا چترال آنا بھی تاریخی حوالوں میں ثابت نہیں ہے۔
چترال اور گلگت بلتستان سمیت وسطی ایشیا کے اس خطے میں شدید سردیوں کے اختتام اور نئے سال کے آغاز پر اس طرح کے تہوار منانے کی روایت موجود رہی ہے۔ گلگت بلتستان کے کچھ علاقوں میں بھی ’سال غیریک‘ کے نام سے انہی دنوں تہوار منایا جاتا ہے جس میں اسی طرح کی رسومات ادا کی جاتی ہیں۔
چترال کی وادی لوٹکوہ میں منائے جانے والا ’پھتک‘ کئی حوالوں سے چین میں نئے سال کی تقریبات سے بھی مطابقت رکھتا ہے۔ چینی سالِ نو کا تہوار بھی انہی دنوں منایا جاتا ہے، اس میں بھی پھتک کی طرح گھروں کی صفائی کی جاتی ہے، چھتوں اور ستونوں پر نشانات لگاکر انہیں سجایا جاتا ہے اور روایتی پکوان پکا کر ایک دوسرے کی دعوت کی جاتی ہے۔
تاہم، تاریخی حوالوں سے قطع نظر ’پھتک‘ چترال میں منایا جانے والا ایک اہم تہوار ہے جو نہ صرف علاقے کے ثقافتی پہلوؤں کو اجاگر کرتا ہے بلکہ لوگوں کو مل بیٹھنے، خوشیاں منانے اور نئے سال کا نیک تمناؤں کے ساتھ استقبال کرنے کا موقع فراہم کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
chitral custom Food new year phatak پھتک تہوار چترال.ذریعہ: WE News
کلیدی لفظ: تہوار چترال کی جاتی ہے چترال میں جاتے ہیں نے والے جاتا ہے کے ساتھ نئے سال ہے اور کے لیے
پڑھیں:
سلیکٹڈ حکومتیں قوم پر مسلط کی جاتی ہیں، مولانا فضل الرحمان
ریاست سے وفاداری اسٹیبلشمنٹ کی ذمہ داری ہے ، اسے پسند وناپسند کا اختیار نہیں
اسمبلیوں کو عوام کی نمائندہ نہیں ، قوم کو شفاف اور غیر جانبدار انتخابات کی ضرورت ہے
جمعیت علمائے اسلام (ف) کے سربراہ مولانا فضل الرحمن نے کہا ہے کہ وفاقی حکومت مکمل ناکام ہو چکی ہے اور عوام کو کوئی ریلیف نہیں دیا گیا ہے۔ ہماری شکایت یہ ہے کہ اسٹیبلشمنٹ مداخلت کیوں کرتی ہے اور وہ نتائج کیوں تبدیل کرتی ہے ، حالانکہ فوج یا اسٹیبلشمنٹ ریاست کے تحفظ کے لیے ہے اور ریاست سے وفاداری اسٹیبلشمنٹ کی ذمہ داری ہے ، اسے پسند وناپسند کا اختیار نہیں ہے ۔اسلام آباد میں پریس کانفرنس کے دوران مولانا فضل الرحمٰن کا کہنا تھا کہ اسرائیل ایک ناجائز ملک ہے اور حیثیت ایک قابض ملک کی ہے ، جمعیت علمائے اسلام فلسطین کی جدوجہد آزادی کی حمایت جاری رکھے گی۔انہوں نے کہا کہ کیا کوئی ملک بے گناہ عورتوں اور بچوں کو شہید کرتا ہے ، کیا کبھی ملک دفاعی طور پر بے گناہ شہریوں کو شہید کرتا ہے ۔ان کا کہنا تھا کہ 27؍اپریل کو لاہور میں بہت بڑا ملین مارچ ہوگا، پنجاب کے عوام فلسطینی بھائیوں کے حق میں آواز بلند کریں گے اور ایک قوت بن کر سامنے آئیں جو امت مسلم کی آواز ہوگی، 11؍مئی کو پشاور اور 15 ؍مئی کو کوئٹہ میں غزہ کے شہدا کو خراج عقیدت پیش کرنے کے لیے ملین مارچ ہوگا۔سربراہ جے یو آئی (ف) نے کہا کہ پاکستانی عوام خاص طور پر تاجر برادری مالی طور پر جہاد میں شریک ہوں، سیاسی طور اس جہاد میں عوام کی پشت پر کھڑا ہوں گا، ہم ان کی آزادی کے لیے اپنی جنگ اور جدوجہد جاری رکھیں گے ۔ان کا کہنا تھا کہ اس وقت ملک میں خاص طور پر بلوچستان، خیبرپختونخوا اور سندھ میں بدامنی کی صورتحال ناقابل بیان ہے ، کہیں پر بھی حکومتی رٹ نہیں ہے اور مسلح گروہ دنداتے پھر رہے ہیں اور عام لوگ نہ اپنے بچوں کو اسکول بھیج سکتے ہیں اور نہ مزدوری کرسکتے ہیں جب کہ کارباری طبقہ بھی پریشان ہے کہ ان سے منہ مانگے بھتے مانگے جارہے ہیں۔انہوں نے کہا کہ ہماری حکومت کی کارکردگی اب تک زیرو ہے ، وہ کسی قسم کا ریلیف دینے میں کامیاب نہیں ہوسکی ہے ، ہماری جماعت اس مسئلے کو بھی اجاگر کررہی ہے ، ہمارا یہ موقف ہے کہ حکومتی اور ریاستی ادارے عوام کے جان و مال کو تحفظ دینے میں ناکام ہوچکے ہیں۔مولانا فضل الرحمٰن کا کہنا تھا کہ دھاندلی کے نتیجے میں قائم ہونے والی حکومتیں چاہے وفاق میں ہو یا صوبے میں، وہ عوام کے مسائل کے حل اور امن وامان کے قیام میں مکمل طور پر ناکام ہوچکی ہیں۔انہوں نے کہا کہ ہم نے 2018 کے انتخابات کو دھاندلی زدہ قرار دے کر مسترد کردیا تھا اور 2024 کے الیکشن پر بھی ہمارا وہی موقف ہے ، ہم ان اسمبلیوں کو عوام کی نمائندہ اسمبلیاں نہیں کہہ سکتے ، اس بات پر زور دے رہے ہیں، قوم کو شفاف اور غیر جانبدار انتخابات کی ضرورت ہے ۔ان کا کہنا تھا کہ یہاں پر مسلسل عوام کی رائے کو مسترد کیا جاتا ہے اور من مانے نتائج سامنے آتے ہیں اور سلیکٹڈ حکومتیں قوم پر مسلط کی جاتی ہیں، ہم نے فیصلہ کیا ہے کہ ہم اپنے پلیٹ فارم سے سیاسی جدوجہد جاری رکھیں گے۔ جمعیت علمائے اسلام (ف) کے سربراہ نے کہا کہ اگر صوبوں کا حق چھینا جاتا ہے تو ہم صوبوں کے ساتھ کھڑے ہوں گے اور اپنے پلیٹ فارم سے میدان میں رہے گی، البتہ آئے روز کے معاملات میں کچھ مشترکہ امور سامنے آتے ہیں اس حوالے سے مذہبی جماعتوں یا پارلیمانی اپوزیشن جماعتوں کے ساتھ سے ملکر اشتراق عمل کی ضرورت ہو، اس کے لیے جمعیت کی شوریٰ حکمت عملی طے کرے گی۔ان کا کہنا تھا کہ اپوزیشن کا اب تک کوئی باضابطہ کوئی موثر اتحاد موجود نہیں لیکن ہم باہمی رابطے کو برقرار رکھیں گے تاکہ کہیں پر بھی جوائنٹ ایکشن کی ضرورت پڑے تو اس کے لیے راستے کھلے ہیں اور فضا ہموار ہے ۔انہوں نے کہا کہ مائنز اینڈ منرلز بل خیبرپختونخوا میں پیش کیا جانا ہے اور بلوچستان میں پیش کیا جاچکا ہے اور شاید پاس بھی ہوچکا ہے ، جمعیت علمائے اسلام کی جنرل کونسل نے اس کو مسترد کردیا ہے ، بلوچستان اسمبلی میں ہمارے کچھ پارلیمانی ممبران نے بل کے حق میں ووٹ دیا، ان سے وضاحت طلب کرلی گئی ہے اور ان کو شوکاز نوٹس بھی جاری کردیا گیا ہے اگر ان کے جواب سے مطمئن نہ ہوئے تو ان کی رکنیت ختم کردی جائے گی۔ایک سوال کے جواب میں ان کا کہنا تھا کہ اصول تو یہی ہے کہ الیکشن آزاد اور شفاف اور الیکشن کمیشن کے انتظام کے تحت ہونے چاہیے لیکن شکایت یہ ہے کہ اسٹیبلشمنٹ کیوں مداخلت کرتی ہے ، وہ کیوں نتائج تبدیل کرتی ہے ، وہ انتخابی عملے کی تبدیلیاں اپنی مرضی سے کیوں کرتی ہے ، الیکشن کمیشن کو کیوں لسٹ مہیا کرتی ہے کہ فلاں کو
اورنگی میں ڈکیتی مزاحمت پر قتل شہری کی والدہ بچوں کی تعلیم کیلئے فکرمند