قذافی سٹیڈیم میٹرو سٹیشن کو گرین انرجی پر منتقل کرنے کا منصوبہ تیار
اشاعت کی تاریخ: 7th, February 2025 GMT
لاہور (اُردو پوائنٹ اخبارتازہ ترین - این این آئی۔ 07 فروری2025ء) لاہور ڈویلپمنٹ اتھارٹی نے قذافی سٹیڈیم میٹرو سٹیشن کو گرین انرجی پر منتقل کرنے کا منصوبہ بنا لیا۔قذافی سٹیڈیم میٹرو سٹیشن کو گرین انرجی پر منتقل کرنے کا دوبارہ پلان بنایا گیا ہے جس کے لئے دو کروڑ 84لاکھ 70ہزار روپے کا تخمینہ لگا لیا گیا، قذافی سٹیڈم میٹرو سٹیشن کو گرین انرجی میں تبدیل کرنے کا کام تین ماہ کے عرصہ میں مکمل کیا جائے گا۔
(جاری ہے)
پلان کے تحت قذافی سٹیڈیم میٹرو سٹیشن کو مکمل طور پر سولر انرجی پر منتقل کیا جائے گا، مارچ 2025 میں سٹیشن پر کام شروع کیا جائے گا۔گرین انرجی کے لئے تیس سالہ گارنٹی کے پی وی ماڈیول خریدے جائیں گے، سٹیشن کے سولر پینل کی نیٹ میٹرنگ بھی کی جائے گی، کنٹریکٹر کی طرف سے ایک سال کے لئے مرمت و بحالی کی وارنٹی بھی دی جائے گی۔واضح رہے کہ ایل ڈی اے نے دسمبر 2024ء کو قذافی سٹیڈیم میٹرو سٹیشن پر سولر پینل لگانے کا پلان بنایا تھا، سٹیشن کو گرین انرجی پر منتقل کرنے کی ذمہ داری ایل ڈی اے کو تفویض کی گئی ہے، ایل ڈی اے انتظامیہ دسمبر 2024ء میں منصوبے پر عمل نہ کر سکی۔.ذریعہ: UrduPoint
کلیدی لفظ: تلاش کیجئے سٹیشن کو گرین انرجی پر منتقل کرنے میٹرو سٹیشن کو گرین انرجی کرنے کا
پڑھیں:
ٹریفک قوانین کی خلاف ورزی اور نادہندگان کیخلاف مؤثر کارروائی کیلئے “ون ایپ” متعارف
علی ساہی: ٹریفک قوانین کی خلاف ورزی، ٹیکس نادہندگان اور دھواں چھوڑنے والی گاڑیوں کے خلاف مؤثر کارروائی کے لیے جدید “ون ایپ” تیار کر لی گئی۔
ذرائع کے مطابق ایپ کے ذریعے 9 محکمے ایک پلیٹ فارم پر یکجا کر دیے گئے ہیں جن میں ٹریفک پولیس، ایکسائز، پی ایچ پی، محکمہ ٹرانسپورٹ، ڈسٹرکٹ گورنمنٹ، ماحولیات، سیف سٹیز اور دیگر ادارے شامل ہیں۔
پائلٹ پراجیکٹ کے طور پر ایپ پیر سے ایک ضلع میں شروع کی جائے گی,ایپ میں 11 مختلف ماڈیولز کے تحت گاڑیوں کی چیکنگ ممکن ہوگی,نمبر پلیٹ کی تصویر اپ لوڈ کرتے ہی گاڑی کی تمام تفصیلات فوری سامنے آ جائیں گی,اب تک 3 لاکھ سے زائد موبائل نمبرز سسٹم میں رجسٹر کیے جا چکے ہیں۔
بھارتی نژاد دنیا کی معروف کمپنی کو اربوں کا چونا لگا کر فرار
ویڈیو یا تصویر اپ لوڈ ہوتے ہی متعلقہ شہری کو ای چالان اور بار کوڈ میسج بھجوایا جائے گا,ایپ کے ذریعے چوری شدہ، دھواں چھوڑتی یا ٹوکن ٹیکس نادہندہ گاڑیوں کی فوری نشاندہی ممکن ہو گی۔
ٹریفک حکام کے مطابق ایپ کو پنجاب انفارمیشن ٹیکنالوجی بورڈ (PITB) کے تعاون سے تیار کیا گیا ہے۔
ڈی آئی جی ٹریفک وقاص نزیر کی نگرانی میں تیار کی گئی “ون ایپ” کو وزیراعلیٰ کے افتتاح کے بعد رواں ماہ باضابطہ طور پر لانچ کر دیا جائے گا۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
علیزے شاہ نے انسٹاگرام سے تمام پوسٹس کیوں ڈیلیٹ کردیں؟ اداکارہ کا بیان