عمران خان کے وکیل فیصل چوہدری کو گرفتار کرلیا گیا
اشاعت کی تاریخ: 7th, February 2025 GMT
راولپنڈی:
عمران خان کے وکیل فیصل چوہدری کو راولپنڈی پولیس نے گرفتار کرلیا، فواد چوہدری نے گرفتاری کی تصدیق بھی کی ہے۔
ایکسپریس نیوز کے مطابق فیصل چوہدری کو اڈیالہ جیل کے گیٹ نمبر 5 کے باہر سے پولیس نے گرفتار کیا اور اڈیالہ چوکی روانہ ہوگئے۔
پولیس فیصل چوہدری کے زیر استعمال گاڑی بھی چوکی اڈیالہ لے گئی، فیصل چوہدری کے ساتھ مبشر مقصود اعوان، فیصل نیازی، عمران نیازی ایڈووکیٹس بھی پولیس چوکی اڈیالہ چلے گئے۔
سابق وفاقی وزیر فواد چوہدری نے ٹوئٹ میں اپنے بھائی فیصل چوہدری کی گرفتاری کی تصدیق بھی کی ہے۔
واضح رہے کہ گزشتہ روز فیصل چوہدری عمران خان سے ملنے اور مقدمے کی سماعت کے لیے اڈیالہ جیل پہنچے تو انہیں گیٹ پر روک دیا گیا تھا جس پر انہوں ںے جیلر کو مغلظات بکیں تھیں۔
پاکستان بار کونسل کا اظہار مذمت
دوسری جانب پاکستان بار کونسل نے وکیل فیصل چوہدری کو اڈیالہ جیل میں روکے جانے اور گرفتار کیے جانے پر اظہار تشویش کیا ہے۔
پاکستان بار کونسل نے کہا ہے کہ وکیل کو عدالتی کارروائی میں شمولیت سے روکنا انصاف کے راستے میں رکاوٹ ہے، فیصل چوہدری جیل میں قائم انسداد دہشت گردی عدالت میں پیش ہونے کیلئے گئے تھے، جیل حکام کے پاس فیصل چوہدری کو روکنے اور گرفتار کرنے کا کوئی جواز نہیں۔
بار کونسل نے مزید کہا کہ وکلاء اپنا پیشہ ورانہ کام کرتے ہیں سیاسی جماعتوں سے نہ جوڑا جائے، پنجاب پولیس کے ہاتھوں وکلاء کی گرفتاری و گھروں پر چھاپوں کی بھی مذمت کرتے ہیں۔
.ذریعہ: Express News
کلیدی لفظ: فیصل چوہدری کو بار کونسل
پڑھیں:
نان بھائیوں کی شامت آگئی، 168 کو گرفتار کرلیا گیا
عیسی ترین: کوئٹہ اور گرد نواح میں روٹی مہنگی فروخت کرنے والے تندور مالکان کے خلاف کارروائیاں، سرکاری نرخ نامے کی خلاف ورزی پر ضلعی انتظامیہ کے مختلف علاقوں میں چھاپے، ڈپٹی کمشنر کوئٹہ سعد بن اسد کا کہنا تھا کہ مہنگی روٹی اور وزن میں کمی کرنے والے تندور 107 تندوروں کو سیل کردیا گیا۔
ڈپٹی کمشنر کوئٹہ سعد بن اسد کا کہنا تھا کہ نرخ کی خلاف ورزی پر 168 نان بائیوں کو گرفتار کرلیا گیا، 92 نان بائیوں کو جیل منتقل کردیا گیا،کوئٹہ شہر میں اسسٹنٹ کمشنر سٹی عبداللہ بن عارف، اور مجسٹریٹ حسام الدین نے کارروائی کرتے ہوئے 57 تندوروں کو سیل، 51 نان بائی جیل منتقل کیا۔
فواد خان اور وانی کپور کی آنیوالی فلم کے گانے یوٹیوب سے ہٹا دیے گئے
اسسٹنٹ کمشنر صدر حمزہ انجم اور مجسٹریٹ حسیب سردار نے 48 نان بائیوں کو جیل بھیجوا دیا،اسسٹنٹ کمشنر کچلاک نعمت اللہ ترین نے کارروائی کرتے ہوئے 18 تندوروں کو سیل کیا۔
اسسٹنٹ کمشنر سریاب سعد قلیم ظفر نے کاروائی کرتے ہوئے 6 تندوروں کو سیل 23 کو جیل منتقل کردیا، سرکاری نرخ نامے اور وزن میں کمی کرنے والے نان بائیوں کیخلاف کارروائی کا سلسلہ جاری رہے گا۔
ڈپٹی کمشنر کوئٹہ کا کہنا تھا کہ ضلعی انتظامیہ عوام کو ریلیف فراہم کرنے کے لیے اقدامات کررہی ہے۔
فرانس میں طالبعلم کا ساتھیوں پر چاقو سے حملہ، ایک طالب علم ہلاک
یو اے ای کے وزیر خارجہ آئندہ ہفتے ایک روزہ دورے پر پاکستان آئیں گے