پرنس کریم آغا خان کی مصر کے شہر اسوان میں تدفین کر دی گئی
اشاعت کی تاریخ: 10th, February 2025 GMT
اسوان کے گورنر کا کہنا تھا کہ پرنس کریم آغا خان نے اپنی وصیت میں لکھا تھا کہ انکی تدفین اسوان میں انکے دادا سلطان محمد شاہ اور دادی ام حبیبہ کے قریب کی جائے۔ گذشتہ روز پرتگال کے شہر لزبن میں پرنس کریم آغا خان کی آخری رسومات ادا کی گئیں تھیں۔ اسلام ٹائمز۔ اسماعیلی برادری کے روحانی پیشوا پرنس کریم آغا خان کی مصر کے شہر اسوان میں تدفین کر دی گئی۔ غیر ملکی خبر رساں ایجنسی کے مطابق اسوان پہنچنے پر پرنس کریم آغا خان کے خاندان کا استقبال اسوان کے گورنر میجر جنرل اسماعیل کمال نے کیا۔ اسوان کے گورنر کا کہنا تھا کہ پرنس کریم آغا خان نے اپنی وصیت میں لکھا تھا کہ ان کی تدفین اسوان میں ان کے دادا سلطان محمد شاہ اور دادی ام حبیبہ کے قریب کی جائے۔ گذشتہ روز پرتگال کے شہر لزبن میں پرنس کریم آغا خان کی آخری رسومات ادا کی گئیں تھیں۔ پاکستانی وزیر خزانہ محمد اورنگ زیب نے پرنس کریم آغا خان کی نماز جنازہ میں خصوصی شرکت کی تھی، وزیر خزانہ نے اسماعیلی کمیونٹی کے 50 ویں امام پرنس رحیم آغا خان سے بھی ملاقات کی تھی اور صدر، وزیراعظم اور پاکستانی عوام کی جانب سے اظہار تعزیت کیا تھا۔
خیال رہے کہ پرنس کریم آغا خان 88 برس کی عمر میں 4 فروری کو انتقال کرگئے تھے، پرنس کریم آغا خان کا انتقال پرتگال کے دارالحکومت لزبن میں ہوا۔ پرنس کریم آغا خان 1936ء میں پیدا ہوئے، پرنس کریم آغا خان کے 3 بیٹے رحیم آغا خان، علی محمد آغا خان اور حسین آغا خان اور ایک بیٹی زہراء آغا خان ہیں۔ پرنس کریم آغا خان اسماعیلی کمیونٹی کے 49 ویں امام تھے، پرنس کریم آغا خان نے 20 سال کی عمر میں 1957ء میں امامت سنبھالی تھی۔ پرنس کریم آغا خان نے آغا خان ڈیولپمنٹ نیٹ ورک کے ذریعے دنیا کے مختلف خطوں میں فلاحی اقدامات کیے، انہیں مختلف ممالک اور یونیورسٹیوں کی جانب سے اعلیٰ ترین اعزازات اور اعزازی ڈگریوں سے نوازا گیا۔ پرنس کریم نے پاکستان کی ترقی کے لیے بھی مثالی خدمات انجام دیں، مثالی خدمات پر انہیں نشان پاکستان اور نشان امتیاز سے نوازا گیا۔
ذریعہ: Islam Times
کلیدی لفظ: اسوان میں غا خان کی تھا کہ کے شہر
پڑھیں:
حکمرانوں سے عوام کے حقوق چھین کر واپس لیں گے، گورنر سندھ
سرجانی ٹاؤن (نیوزڈیسک) گورنر سندھ کامران ٹیسوری نے کہا ہے کہ حکمرانوں سے سرجانی کے عوام کے حقوق چھین کر واپس لیں گے۔
سرجانی ٹاؤن میں عوامی اجتماع سے ویڈیو لنک کے ذریعے خطاب میں گورنر سندھ کامران ٹیسوری نے کہا کہ آج کے کامیاب جلسے کے شاندار انتظامات پر ایم کیو ایم کے ذمہ داران کو مبارکباد پیش کرتا ہوں، آج اس جلسے کا انعقاد، سرجانی کے عوام سے والہانہ محبت کا ثبوت ہے، سرجانی کے غیور عوام دہائیوں سے ایم کیو ایم کے ساتھ منسلک ہیں۔
انہوں نے کہا کہ سرجانی میں تمام لسانی اکائیوں کا گلدستہ موجود ہے، تمام اکائیوں کی نمائندگی آج اس جلسے میں موجود ہے، سرجانی میں قانون و انصاف کی عملداری کیلئے پولیس کی نفری بڑھانے کی ضرورت ہے، آئی جی سندھ سے ہم کہیں گے کہ سرجانی میں ایک تھانے کا اضافہ کریں۔
کامران ٹیسوری کا کہنا تھا کہ عوام بجلی کی بندش اور دیگر مسائل سے نبرد آزما ہیں، عوام شناختی کارڈ کے حصول میں بھی مشکلات کا شکار ہیں، کراچی واٹر کارپوریشن یہاں کارکردگی نہیں دکھا پا رہا، گیس کی لوڈ شیڈنگ بھی کافی بڑھ چکی ہے، روزگار کے ناکافی مواقع ہیں، آج یہاں عوام کا جم غفیر اپنے مسائل کے حل کیلئے ایم کیو ایم کی جانب دیکھ رہا ہے۔
گورنر سندھ کا مزید کہنا تھا کہ میں آپکو یقین دلاتا ہوں آپ کے حقوق کیلئے ایم کیو ایم آخری دم تک جدوجہد جاری رکھے گی، حکمرانوں سے آپ کے حقوق چھین کر واپس لیں گے، سرجانی اور شہر کی ترقی کے نئے باب کا آغاز ہو چکا ہے۔
حکومت آئینی ترامیم کے ذریعے اقتدار کو طول دینا چاہتی ہے، بیرسٹر سیف