نجی شعبے کی قیادت میں معیشت کی ترقی اور برآمدات کو فروغ دینے کے لیے پرعزم ہیں، وزیرخزانہ
اشاعت کی تاریخ: 15th, February 2025 GMT
اسلام آباد : وفاقی وزیرخزانہ سینیٹرمحمداورنگزیب نے نجی شعبے کی قیادت میں معیشت کی ترقی اور برآمدات پر مبنی معشیت کو فروغ دینے کے حکومتی عزم کا اعادہ کرتے ہوئے کہاہے کہ معیشت کے مختلف شعبوں میں ڈھانچہ جاتی اصلاحات پر عملدرآمد جاری ہے، زرعی انکم ٹیکس میں نمایاں پیشرفت ہوئی ہے، پنشن اصلاحات پرعملدرآمدہورہاہے اور 43 وزارتوں اور 400 منسلک محکموں کی تنظیم نو کی جارہی ہے ۔
انہوں نے یہ بات جمعہ کو انٹرنیشنل فنانس کارپوریشن (آئی ایف سی) کے منیجنگ ڈائریکٹر و ایگزیکٹو نائب صدمختار دایوپ کی قیادت میں وفد سے ملاقات میں کہی۔ وفد میں آئی ایف سی کی علاقائی نائب صدر ہیلا چیکروحو، مشرق وسطی، پاکستان اور افغانستان کیلئے آئی ایف سی کے علاقائی ڈائریکٹر خواجہ آفتاب احمد، پاکستان میں عالمی بینک کے کنٹری ڈائریکٹرناجی بن حسائن اور پاکستان وافغانستان کے لیے آئی ایف سی کے کنٹری منیجر ذیشان شیخ شامل تھے۔
وزیر خزانہ کے ہمراہ عالمی بینک کیلئے ایگزیکٹوڈائریکٹر ڈاکٹر سید توقیر حسین شاہ، سیکرٹری خزانہ امداد اللہ بوسال اور فنانس ڈویژن کے سینئر افسران موجود تھے۔
وفد کا خیرمقدم کرتے ہوئے وزیر خزانہ نے آئی ایف سی کو نجی شعبے کے ساتھ حالیہ معاہدوں پر مبارکباد دی اور پاکستان میں نجی اداروں کے متحرک، فعال اور کامیاب کردار کوسراہا۔ انہوں نے وفد کو ملکی مجموعی معاشی صورتحال کے استحکام کے بارے میں آگاہ کیا۔
وزیرخزانہ نے وفد کودبئی میں آئی ایم ایف کی منیجنگ ڈائریکٹر کرسٹالینا جارجیوا سے ہونے والی ملاقات کے حوالے سے بھی بتایا اورکہاکہ منیجنگ ڈائریکٹر آئی ایم ایف نے پاکستان کی اقتصادی نمواوراستحکام کے لیے اقدامات کو سراہاہے۔وزیرخزانہ نے کہاکہ ڈیووس میں آئی ایف سی کے ساتھ گزشتہ ملاقات کے بعد سے قرض اور ایکوئٹی دونوں شعبوں میں بہتری آئی ہے۔
وزیرخزانہ نے وفد کومعیشت کے مختلف شعبوں میں ڈھانچہ جاتی اصلاحات سے بھی آگاہ کیا اورکہاکہ ٹیکس کی بنیادمیں وسعت آئی ہے، زرعی انکم ٹیکس میں نمایاں پیشرفت ہوئی ہے جو بے مثال قدم ہے، پنشن اصلاحات پرعمل درآمدہورہاہے، 43 وزارتوں اور 400 منسلک محکموں کی تنظیم نو کی جارہی ہے جن میں سے کئی کو ضم یا ختم کر دیا جائے گا۔
انہوں نے نجی شعبے کی قیادت میں معیشت کی ترقی اور برآمدات پر مبنی معیشت کو فروغ دینے کے حکومتی عزم کا اعادہ کیا اور آئی ایف سی کی مسلسل حمایت پر ان کاشکریہ ادا کیا۔آئی ایف سی کے منیجنگ ڈائریکٹرنے وزیر خزانہ کی مہمان نوازی کی تعریف کی اور حکومت کی جانب سے اصلاحات کی کوششوں کو سراہا۔
وزیر خزانہ نے کہاکہ پاکستان میں نجی شعبہ کے متعلقہ شراکت دار حکومت اوروزیر خزانہ کی پالیسیوں پر اعتماد کا اظہار کر رہے ہیں۔ انہوں نے پاکستان کے کنٹری پارٹنرشپ فریم ورک کو عالمی سطح پر بہترین مثالوں میں سے ایک قرار دیا۔مختار دایوپ نے پاکستان کے ساتھ قریبی تعاون کے عزم کا اعادہ کیا اور بتایا کہ آئی ایف سی ماحول دوست توانائی، ڈیٹا سینٹرز، زرعی سپلائی چین میں بہتری، ٹیلی کام سیکٹر اور ڈیجیٹلائزیشن جیسے اہم شعبوں میں تعاون فراہم کرے گا۔وزیر خزانہ نے حکومت کی جانب سیوئیرہاﺅسز کو ایک صنعت کے طور پر تسلیم کرنے کے حالیہ اعلان کا ذکر کیا اور بنیادی ڈھانچے، آئی ٹی، ڈیٹا سینٹرز اور ایگ ٹیک میں سرکاری و نجی شراکت داری کے عزم کا اعادہ کیا۔ انہوں نے زرعی آمدنی کے ٹیکس پر مزید تبادلہ خیال کرتے ہوئے اس بات پر زور دیا کہ سرمایہ کی نقل و حرکت میں نجی شعبے کو مرکزی کردار ادا کرنا ہوگا۔ انہوں نے یہ بھی بتایا کہ کئی بین الاقوامی شراکت داروں نے پاکستان میں بڑھتی ہوئی سرمایہ کاری کی صلاحیت کا اعتراف کیا ہے۔ فریقین نے معاشی ترقی اور سرمایہ کاری میں پائیدارتعاون کے عزم کااعادہ کیا۔
.
ذریعہ: Al Qamar Online
کلیدی لفظ: منیجنگ ڈائریکٹر آئی ایف سی کے کی قیادت میں عزم کا اعادہ پاکستان میں نے پاکستان اعادہ کیا ترقی اور انہوں نے کیا اور
پڑھیں:
روشن معیشت رعایتی بجلی پیکج کا اعلان قابل تحسین ہے،حیدرآباد چیمبر
data-id="863a0a8" data-element_type="widget" data-widget_type="theme-post-content.default">
251103-2-16
حیدرآباد (اسٹاف رپورٹر ) حیدرآباد چیمبر آف اسمال ٹریڈرز اینڈ اسمال انڈسٹری کے صدر محمد سلیم میمن نے وزیرِاعظم پاکستان میاں شہباز شریف کی جانب سے صنعت و زراعت کے شعبوں کے لیے ’’روشن معیشت رعایتی بجلی پیکج‘‘ کے اعلان کو قابلِ تحسین اور خوش آئند قرار دیتے ہوئے کہا ہے کہ یہ اقدام ملک کی صنعتی بحالی کی سمت ایک مثبت پیش رفت ہے۔ تاہم انہوں نے واضح کیا کہ صنعتوں کی حقیقی بقا، روزگار کے تحفظ اور پاکستان میں کاسٹ آف پروڈکشن کو یقینی بنانے کے لیے بجلی اور گیس کی قیمتوں میں بنیادی سطح پر کمی ناگزیر ہے۔انہوں نے کہا کہ حکومت کی جانب سے صنعتی و زرعی صارفین کے لیے اضافی بجلی کے استعمال پر 22.98 روپے فی یونٹ کا رعایتی نرخ ایک اچھا آغاز ہے، مگر ان ریٹوں پر بھی صنعتی طبقہ اپنی لاگتِ پیداوار کو کم نہیں کر پا رہا۔ انہوں نے کہا کہ پاکستان میں مہنگی بجلی کی اصل وجوہات ’’کپیسٹی چارجز‘‘ اور سابق معاہدے ہیں، جب تک ان پر نظرِثانی نہیں کی جاتی، بجلی کی حقیقی لاگت کم نہیں ہو سکتی اور کاروبار کرنا دن بہ دن مشکل تر ہوتا جا رہا ہے۔صدر چیمبر سلیم میمن نے کہا کہ کاسٹ آف پروڈکشن مسلسل بڑھنے سے نہ صرف ملکی صنعت متاثر ہو رہی ہے بلکہ برآمدی مسابقت بھی کم ہو رہی ہے۔ اس لیے حکومت کو چاہیے کہ وہ صنعتی صارفین کے لیے بجلی اور گیس دونوں کے نرخ کم از کم ممکنہ سطح تک لائے اور ان تجاویز پر عمل کرے جو حیدرآباد چیمبر اور دیگر کاروباری تنظیموں نے پہلے بھی حکومت کو پیش کی تھیں۔انہوں نے کہا کہ جب تک کپیسٹی چارجز اور غیر ضروری معاہداتی بوجھ ختم نہیں کیے جاتے، بجلی سستی نہیں ہو سکتی۔ اس صورتحال میں پاکستان میں کاروبار چلانا دن بدن ناممکن ہوتا جا رہا ہے، لہٰذا حکومت کو ترجیحی بنیادوں پر صنعتی شعبے کے لیے ریلیف فراہم کرنا چاہیے تاکہ روزگار کے مواقع برقرار رہیں اور چھوٹی و درمیانی صنعتیں بند ہونے سے بچ سکیں۔صدر حیدرآباد چیمبر نے مزید کہا کہ حکومت اگر صنعتی علاقوں میں (جہاں بجلی چوری کا تناسب انتہائی کم ہے) سب سے پہلے رعایتی نرخوں کا نفاذ کرے، تو یہ زیادہ مؤثر ثابت ہوگا۔ اس سے نہ صرف بجلی کی طلب بڑھے گی بلکہ وہ صارفین جو متبادل ذرائعِ توانائی کی طرف جا رہے ہیں، دوبارہ قومی گرڈ سے منسلک ہو جائیں گے۔ اس طرح حکومت کا ریونیو بھی بڑھے گا اور اضافی 7000 میگاواٹ پیداواری گنجائش کو بہتر طریقے سے استعمال میں لایا جا سکے گا۔انہوں نے باورکروایا کہ اگر بجلی اور گیس کی قیمتوں میں خاطر خواہ کمی نہ کی گئی تو کاروباری طبقہ مجبورا سستے متبادل توانائی ذرائع کی طرف منتقل ہوتا جائے گا، جس سے حکومت کے لیے کپیسٹی چارجز کا بوجھ مزید بڑھ جائے گا۔ یہ ضروری ہے کہ حکومت ان پالیسیوں پر عمل کرے جو ماضی میں کیے گئے غیر متوازن معاہدوں کی اصلاح کی طرف جائیں تاکہ توانائی کا شعبہ ایک پائیدار صنعتی ماڈل میں تبدیل ہو سکے۔انہوں نے وزیرِاعظم پاکستان، وفاقی وزیرِتوانائی اور اقتصادی ٹیم کو خراجِ تحسین پیش کرتے ہوئے کہا کہ حکومت کا یہ اقدام یقیناً ایک مثبت آغاز ہے۔
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا