رنویر الہ آبادیہ تنازع: گرل فرینڈ نکی شرما کا دلسوز پیغام جاری
اشاعت کی تاریخ: 16th, February 2025 GMT
بھارتی یوٹیوبر رنویر الہ آبادیہ، جو بیئر بائسپس کے نام سے مشہور ہیں، حالیہ دنوں میں کامیڈین سمے رائنا کے شو 'انڈیاز گوٹ ٹیلنٹ' میں اپنے نامناسب تبصرے کی وجہ سے شدید تنقید کا نشانہ بنے ہوئے ہیں۔ اس کے ساتھ ہی ان کی مبینہ گرل فرینڈ، ٹیلی ویژن اداکارہ نکی شرما کے ساتھ تعلقات میں دراڑ کی خبریں بھی گردش کر رہی ہیں۔
نکی شرما نے حال ہی میں انسٹاگرام پر ایک اسٹوری شیئر کی جس میں انہوں نے لکھا: "ایک وقت آئے گا جب آپ اپنے دماغ سمیت سب کچھ کھو دیں گے اور جب آپ اپنا دماغ کھو بیٹھیں گے تو آپ کے پاس صرف آپ کی روح باقی رہ جائے گی۔ یہ وہ وقت ہوگا جب آپ جانیں گے کہ آپ ناقابل تسخیر ہیں۔"
اس پیغام کے بعد مداحوں نے نکی سے ان کے اور رنویر کے تعلقات کے بارے میں سوالات کرنا شروع کر دیے۔ کچھ مداحوں نے تبصرہ کیا: "نکی، آپ واضح طور پر کیوں نہیں بتاتیں کہ رنویر اور آپ کے درمیان کیا چل رہا ہے؟"
یہ پہلی بار نہیں ہے کہ نکی نے اس طرح کے پیغامات شیئر کیے ہیں۔ اس سے قبل بھی انہوں نے ایک اقتباس پوسٹ کیا تھا: "آپ کا جسم نہ صرف کھانے کو مسترد کرتا ہے بلکہ توانائی کو بھی رد کرتا ہے۔ اگر آپ کا جسم کچھ جگہوں، لوگوں یا چیزوں کو مسترد کرنا شروع کر دے تو اس پر بھروسہ کریں اور سنیں کیونکہ وائبز کبھی غلط نہیں ہوتیں۔"
دوسری جانب، رنویر الہ آبادیہ کو 'انڈیاز گوٹ ٹیلنٹ' کے ایک حالیہ ایپی سوڈ میں ایک مقابلہ کنندہ سے نامناسب سوال پوچھنے پر شدید تنقید کا سامنا ہے۔ اس واقعے کے بعد، رنویر اور شو کے دیگر پینلسٹس کے خلاف مقدمات بھی درج کیے گئے ہیں۔
یہ تنازع اور نکی شرما کے پیغامات سوشل میڈیا پر موضوع بحث بنے ہوئے ہیں اور مداح دونوں شخصیات کے درمیان تعلقات کی حقیقت جاننے کے لیے بے تاب ہیں۔
.ذریعہ: Express News
کلیدی لفظ: نکی شرما
پڑھیں:
صدر اور وزیراعظم کی قوم و امت مسلمہ کو عیدالاضحیٰ کی مبارکباد
اسلام آباد: صدر مملکت آصف علی زرداری اور وزیر اعظم شہباز شریف نےعید الاضحیٰ کے موقع پر قوم اور عالمِ اسلام کو دل کی گہرائیوں سے مبارکباد پیش کی اور اپنے پیغامات میں دونوں رہنماؤں نے عید قرباں کو ایثار، قربانی اور اطاعت کا عظیم درس قرار دیا۔صدر آصف علی زرداری نے کہا کہ عید الاضحیٰ ایثار، بھائی چارے اور قربانی کے جذبے کو زندہ کرنے کا دن ہے، حضرت ابراہیمؑ کی سنت ہمیں اللہ کے حکم کے سامنے سر تسلیم خم کرنے، اطاعت اور قربانی کا پیغام دیتی ہے۔انہوں نے اس موقع پر دعا کی کہ یہ بابرکت دن امت مسلمہ کے لیے خیر، برکت اور اتحاد کا ذریعہ بنے۔آصف علی زرداری نے زور دیا کہ معاشرے کے محروم اور کمزور طبقے کی دل کھول کر مدد کی جائے، کیونکہ یہی اصل قربانی ہے۔صدر مملکت نے اس بات پر بھی زور دیا کہ اللہ کی اطاعت میں ہی فرد اور قوم کی کامیابی ہے، ہمیں حضرت ابراہیمؑ کے جذبہ ایثار و قربانی کی روح سے سبق سیکھنے کی ضرورت ہے تاکہ ملک میں اخوت، بھائی چارہ اور اتحاد کو فروغ دیا جا سکے۔دوسری جانب وزیر اعظم شہباز شریف نے بھی اپنے پیغام میں کہا کہ عید الاضحیٰ ہمیں حضرت ابراہیمؑ اور حضرت اسماعیلؑ کی بے مثال قربانی کی یاد دلاتی ہے، جسے تاقیامت عبادت کا درجہ حاصل ہے۔انہوں نے کہا کہ قربانی کا پیغام صرف جانور ذبح کرنے تک محدود نہیں بلکہ نفس، خواہشات اور ذاتی مفادات کو اعلیٰ مقاصد کے لیے قربان کرنے کی تعلیم دیتا ہے۔وزیراعظم نے کہا کہ ایثار و قربانی جیسی صفات قوموں کی ترقی کی بنیاد ہوتی ہیں اور یہی جذبہ ہمیں قومی یکجہتی، معاشرتی بھلائی اور ترقی کی راہ پر گامزن کرتا ہے۔انکا کہنا تھا کہ بھارتی حملے کے خلاف قوم نے اتحاد سے دشمن کو واضح پیغام دیا کہ ہم اپنے دفاع، وقار اور خودمختاری کے لیے ہر قربانی دینے کو تیار ہیں۔شہباز شریف نے فلسطین اور مقبوضہ کشمیر کے مظلوم عوام کے ساتھ یکجہتی کا اظہار کرتے ہوئے کہا کہ ہمیں ان بھائیوں اور بہنوں کو یاد رکھنا چاہیے جو آج بھی ظلم، جبر اور بھوک کا شکار ہیں۔وزیر اعظم نے اس عزم کا اعادہ کیا کہ پاکستان کو عالمی سطح پر ایک طاقتور اور کامیاب ملک بنانے کے لیے قومی اتحاد، ایثار اور قربانی کے جذبے کو فروغ دینا ہوگا۔انہوں نے مزید کہا کہ ذاتی مفادات سے بالاتر ہو کر، اجتماعی ترقی، خوشحالی اور خود کفالت کے لیے تمام طبقات کو مل کر کام کرنا ہوگا۔دونوں رہنماؤں نے دعا کی کہ اللہ تعالیٰ پاکستانی قوم، امت مسلمہ کی عبادات اور قربانیوں کو قبول فرمائے اور وطن عزیز کو امن، ترقی اور خوشحالی عطا کرے۔
مولانا فضل الرحمان کا کم عمری میں شادی سے متعلق قانون کیخلاف ملک گیر احتجاج کا اعلان